الجلسة الاولي لاعضاء منتدي الجريف بشارع النيل

الاخوة اعضاء منتدي الجريف الكرام

اليوم الخميس يلتقي نفر كريم من اعضاء منتدي الجريف شرق في جلسة اسرية اولي بشارع النيل بالخرطوم للتعارف والتباحث والتشاور في امر المنتدي وعذرا لتاخير البوست وفكرة هذا البوست هو نقل ما جري في الجلسة بالنسبة للاخوان خارج السودان حتي يكونو علي علم بما تم تداوله .
وانتظرو شمارات واخبار الجلسة الاولي
نلتقي بعد الجلسة.

نعم عزيزى ودنابري

حانت ساعة اللقيا بازن الله تبقت الآن فقط 30دقيقه

وكلنا شوق وانتظارز

فيا مرحا لنا باولي ثمار المنتدي

مرحب بيك كمبيوتر ويلا اتحرك بسرعة المستشفي ملحوقة .

يلا يا شباب انا ماشي علي الجلسة نتمني من الجميع الحضور والمغتربين بالنية .

يلا يا شباب انا ماشي علي الجلسة

بالله يا محمد داير صور للجميع عشان نتعرف عليهم
ولو امكن تكونوا اونلاين
عشان نتابع المواضيع
ونحن قاعدين جنبكم على الضفة الاخرى
تحياتى لكل الحضور (تحية خاصة لماهر يسن )المختفى
ابوتراجى

ويالها من جلسة كانت بكل معاني الجمال والله جلسة مامنظور مسيلة كما قال الاستاذ السر قدور واخلي اخوي حسن يديكم لباقي

[size=12]احبت المنتدى-------------------
[size=18]كانت امسية الخميس من اجمل الامسيات
تلاقي نفر كريم من ابنا الجريف علي شاطئ النيل .
عند ال8 والنصف مساء وصلت الي المكان المتفق عليه وكلي شوق
وبرفقة الساده/ معز ود السمانى ونبيل ود احمد علي فوجدنا اشخاص
سعدت غاية السعاده لملاقاتهم فكان في استقبالنا السيد / ود سقند والرائع /حسن
وكزلك ود زين نابري وايضآ ود جريف قمر و مجدي محمود ومجمد الامين
وتسالية(سلم) والرائع حافظ العبيد .
وبدانا وبلهفة شديدة جلسة التعارف التى دارها الاستاز/ معتصم بابكر
وانضم ايضآ الطيب وسيف الدين
وكانة دهشة اللقاء عند وصول العضو ود مريم وبرفقته الاستاز /الهندى ودنابرى
وانضم ايضا العضو/ اكرم الطيب.
فدارت عجلة النقاش مسرعة جتى بواكير يوم الجمعه . كثير من القضايا
والبنود نوقشت ولن افصح كثيرا فقد كلف العضو معز السمانى برفع
.تداعيات الجلسة.

فوالله كان يوم لن ينسي

وبشراك يا الجريف
اولادك رجال بالحيلsize][/size]

التحيه للكل

يوم الخميس كانت البدايه الحقيقه لشباب المنتدي اذافنبدا ما تحدثنا فيه ونرسم خطوات اللقاء القادم بانجاز يزكر ويكون الشهر القادم باذنه لقاء لتنفيذ فكره جديده
تحياتي

قضينا ليلة ساهره
تضمنت محاسن من كل روضه عينه
ومن كل عينه زهره..
يوم الخميس من اجمل ايام حياتى
التقينا باحبه كم كنا نود الالتقاء بهم
امثال الجميل ود الجريف (محمد الطيب) وود سنقد (وليد عثمان)
وبامانة شديده روحى كانت دايره تمرق عشان اشوفهم .
ولكن زى ما بقولوا (الحلو ما بكمل )
اعتذر عامر عبدالوهاب عن المجئ نسبتا لظرف مرضى
معليش ياعامر الجايات اكتر من الرايحات.
وكم كانت دهشت ود نابرى عندما التقى بود العبيد
ومعز ونبيل وكمبيوتر وباقى الاعضاء الذين لم يراهم من قبل
المهم كان يوم عجيب
كسره:
وين ليك يا عبدالله نابرى تبكى بس

يا سلآآآآآآآآآآآآآآآآآآآم ..

والله والله الواحد كان بيتمنى ان يكون بينكم ووسطكم ..
موش عشان المنتدى ابداً والله لكن الواحد بيحس بحب فطري لعبدو وعامر وود سنقد والزين كوف ..الخ
واجمل مافي الموضوع انو الناس كانت لهفانه على انها تشوف بعض وتتعرف على بعض وده لا يعني انو المنتدى تمام بل يعني انو الناس دي اصلا متشربة بحب البعض ومتأصل فيهم حب الجريف ويعنى ايضا كل قيم الجمال الموجودة في الطبيعة البشرية (إنا جعلناكم شعوبا وقبائل لتعارفو.. الاية)
المهم اروحنا وقلوبنا معاكم .. بس مدونا بالصور .. عارف يا تسالية جوالك ما بصوّر!!

نساليه كتب:: وين ليك يا عبدالله نابرى تبكى بس

تسالية .. انشاء الله ما تنفعكم !! وبالعكس.

أبلغ عن فائق اسفي لعدم استطاعتي لحضور الجلسه
وذلك لظروف مرضيه خارجه عن الاراده وكم كانت أمنيتي
أن التقي بالاحباب الذين يذداد شوقي لهم يوما بعد يوم
وذي ما قال تساليه الجايات اكتر من الرايحات

كم جميل هذا اللقاء وإن شاء الله يكون امتداد للقاءات ومنتديات على ارض الواقع

وهي خطوة نشكر عليها كل القائمين والمشاركين كثيراً الجزاء
نتمنى المواصلة من مثل هذه الجلسات التي تربط بين الأعضاء وتجعل
بينهم الألفة والمحبة وتكون باباً لمناقشة كثير من الأمور التي تهم
الجريف وأهل الجريف .. دمتم بألف عافية
وليكم طن من الود والمحبة

صــــــــــــــــــــــــــور الجلسه

الجلسة الاولي لاعضاء منتدي الجريف بشارع النيل Get-10-2008-nju3kdsk

حسن وين الصور الناس البره ديل مشتاقين لمنظر شارع النيل .
اخي العزيز ابوتراجي لعلك بخير وجميع افراد الاسرة الكريمة ومشكلة جغلو بقي مشغول بقروش البنك الكتيرة وما لاقي زمن لدخول المنتدي