............

حبابك عشره يا زائر
 
الرئيسيةالتسجيلدخول

شاطر | 
 

 أجمل وأبيخ ما قرأت!!

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5, 6, 7  الصفحة التالية
كاتب الموضوعرسالة
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: أجمل وأبيخ ما قرأت!!   الثلاثاء 14 أكتوبر 2008, 6:04 am


عندي فكرة بوست واتمنى تشاركوني فيها وهي ان هذا المنتدى ملئ بالاقلام الجرئية والحكيمة والمسيخة واللميضة واقلام المساطيل .. الخ ففي هذا البوست عاوز أي واحد أُعجب باي مشاركة أي جملة في أي موضوع يذكرها هنا ويذكر كاتبها والموضوع والبوست الاقتبس منو وسبب اعجابو بهذه المشاركة او الجملة..
وابدأ بسيدي واستاذي الشفيع السلس الجزولي:
كتب الشفيع الجزولي في بوست : من بعض عاداتنا في الجريف شرق - قسم الجريف شرق :

اقتباس :
أما حسب العادة فى الجريف ، البنت تظل مع أمها و أمها تقدم لها ولزوجها ، جميع أنواع الخدمات، وتعلمها كيف تصير إمرأة وتوعِّيها بكل شئ ، بما فى ذلك التوعية و التثقيف الجنسى.
ما اعجبني في هذه العبارة انو الشفيع الجزولي تطرق لحقيقة غاية الاهمية –التثقيف الجنسي- بدون ما تحس انك محرج او ان الكاتب خرج عن الزوق العام.

كتب الخضر حسن الفضل في بوست: قنصلية الجريف - قسم الجريف للمناسبات والتراحيب:
اقتباس :
وأنبهك بأن لا تقبل بلفظة قنصل إطلاقاً حتى لا تقع فى المحظورلأن هذه الكــلمة:
لو قرأتها من دون الحرف الأخير تكون قنـص
ولو قرأت الحرفين الأواخر عكــسيــاُ تكــون لص.
ولو قرأتها من دون النـون واللام تكون قص.
ولو قرأتها من دون القاف تكون نــصل.[ الحافة الحــادة للقطــع] فكلمــة قنصــل تحوى كل المــعانــى التــى تــسهل الوصــول لجيــوب المــغتــربين
.
العجيب في الامر ان الكلمة – قنصلية – هي ابعد ما تكون في المعني عن ما اورده الاستاذ بس تمكّن الخضر وبصورة غريبة من ان استخراج معاني مناسبة تماما لموضوع البوست المتعلق بسرقة الطاقية.

كتب عصام عبد الصادق في بوست: السوط بزل الطالب - قسم الجريف العام
اقتباس :
أعتقد أن الضرب بدأ يقل في المدارس وبدأت أعراض التخاذل في جميع الأصعدة تظهر على الطلاب.. وأصبح عدم الرهبة من المعلمين ظاهرة متفشية سواء كان من عدم الضرب أو من أسباب أخرى مختلفة .. فالضرب التأديبي ضروري جدا.. ولا يمكن الاستغناء عنه بأي وسيلة وإلا فلن يلتزم الطلاب بالقوانين المدرسية في مختلف أعمارهم..
وأعتقد أن الضرب يثير انتباه الطلاب ، ويجعلهم على أهبة الاستعداد لأداء الواجبات واستيعاب المعلومات وحفظها والضرب أيضاً مفيد في قمع الناشز من السلوك ، ويمنع ظهور التصرفات السيئة في الفصل . وأعتقد أن المدرسة جزء من المجتمع الذي لا يستغني عن العقاب في القضاء على السلوك الفاسد وإيقاف الخارجين على القواعد والأخلاق
ما اعجبني في هذه المشاركة كأنك بتقرأ في كتاب عن السلوك والتربية وده بديك احساس انك ممكن تستفيد من المنتدى ثقافيا .. وعدد لنا عصام اسباب منطقية لاستمرار الضرب في المدارس.
كتب شمس الدين السيد علي عمر في بوست: مسطول بحب - قسم الخواطر

اقتباس :
ولاكن في الأخر اتضح انو حقيقة في مسطول جنبي بغني وما عايز اشرح بقي حالي كيف بس اهو خلعة بتفوت ولا حدا يموت
ضحكتني شديد!! عبارة – خلعة تفوت ولا حد يموت – طبعا اتخيلت شكل شمس وهو مخلوع وتخليت انو شمس الدين ده جبان شديد (خواف يعني) . لانو هو قاصد انو الموضوع طلع خلعة ساكت ذي الزول يكون حلمان حلم كعب ويصحي ويقول الحمد لله انو ده كان حلم .

وهكذا يا شباب فالبوست ده حق كل الناس والامثلة التي ذكرت هي على سبيل المثال لا الحصر لانو لسه ما جبنا نماذج للناس المسيخة (ابو تراجي) والناس اللميضة (تسالية) .. الخ اتمنى ان ينجح هذا البوست فهو يعني الكثير ..


عدل سابقا من قبل عبدالله محمد نابري في الأربعاء 15 أكتوبر 2008, 6:07 am عدل 1 مرات
الرجوع الى أعلى الصفحة اذهب الى الأسفل
http://www.basilholding.com
الشفيع الجزولى
عضو فعال
عضو فعال


عدد الرسائل : 113
تاريخ التسجيل : 10/08/2008

مُساهمةموضوع: رد: أجمل وأبيخ ما قرأت!!   الثلاثاء 14 أكتوبر 2008, 3:37 pm

الوجيه عبدالله نابرى

تحايا كبار
حتصدّقنى لو قلت ليك، فكرة البوست ده ، راودتنى أكتر من مرة؟ البوست ده جميل لأنو فكرتو جديدة
وبعدين فيهو تدريب وتدرّب علي التقييم.
كنت حأقول في فكرتك دى كلام كتير ، لكن بس خايف يقولو ده كسّير تلج . الزول و صحبو !
وخاصة من بعض جماعات أنا ما بقدر ليهم.
بس كنت حأضيف ، كمان أى واحد يقول جملة ما عجبتو و يذكر الأسباب بنفس الطريقة.

كتب عصام عبدالصادق فى بوست : الحاج عبدالصادق فى الرياض
الحاج عبدالصادق – حاج على حاج ابراهيم – عمر حسن وشخصي العاتي .. ( لأنو كلمة ضعيف المغرونة
دائماً ما عارف جابوها من وين .. وإحتمال تكون تواضع والله أعلم )

دى كتلتنى ضحك ، لأنها خرجت عن المألوف كلياً ، ومما قمنا فى الدنيا بنسمع قولة : شخصى الضعيف تواضعا
لكن الحبيب عصام تجبّر لدرجة إنو نكر معرفتو بمعناها حتى قال :إحتمال تكون تواضع والله أعلم.

كتب عبدالله نابرى فى بوست مستكا عريس:
وعندما بدأ الفنان يردد (قنبلة سماحة الزول في الطول والعلا .. )
التفت الحضور إلي العريس ووجدوا أن الفنان يغنى على ارض الواقع ..

علي أرض الواقع دى ، ضحّتنى حتى بانت النواجز وطوالى بدون ما أحس قلت بالصوت العالي : سنة يا مستكا!
و بقيت أتخيل مستكا كان كيف و كذلك شعورو و هو بقرأ جملة فيها مسئولية قدر دى.

وأكيد بجى راجع

الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 2:40 am

الشفيع السلس الجزولي ...
مشكور علي المرور ووجودك في هذا البوست يعني الكثير ..
وبالنسبة لكسير التلج فاي واحد يمكن ان يرجع لمشاركاتك وخاصة بوست المعارضة ويشوف هل نحن قاعدين نكسر في تلج ام انك كسوت المنتدى لوناً جديداً؟!


كتب اخناتون (المعز عمر كمال الدين) في بوست : الجريف اتباعت قسم الجريف شرق:
اقتباس :
ولتعش الجريف كما كانت ملهمة الأزرق طعم العذوبة ومعنى العناد والتمرد حتى على الضفاف
بصراحة انا لم افهم ما يعنيه اخناتون وقمت بالاتصال عليه حينها للاستفسار! فأخبرني ان طيبة اهل الجريف هي من منحت النيل الازرق ذلك الطعم العذب واذا تجرأ احد عليها -حيث ان موضوع البوست بيع اراضي الجريف- فهي في غاية القوة والصلابة فمنها استمد النيل الازرق العناد والتمرد ويقصد فيضان النيل.
ومعليش يا شباب لانو بعض الاشياء الجملية الذي دي مفروض إنها لا تفسر وتترك للقارئ يفسرها حيث يشاء لكن بصراحة عجبتني وحارقاني شديد من زمان!!
الرجوع الى أعلى الصفحة اذهب الى الأسفل
http://www.basilholding.com
خضر حسن الفضل
عضو فعال
عضو فعال


عدد الرسائل : 274
تاريخ التسجيل : 23/05/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 3:53 am

بسـم الله الرحـمن الرحـيم
إزيـك يا ودأمحـمد
البوســت دا إضـافة جـميـلة لإبداعـاتـك والتى تـأتى دائمـاً بصـورة عـفـويـة وهـذا مـاإكتـشفتـه مـن اول مِــشاركـة لك حيـث أن الصـفـحـة التى تــــكــــتـب عليهـا تـصـبح مرآة تــــــعـكس أفـكـارك بكـل عـفـوية غاضـبـاً كـنــت أم ضـاحـكـاً ... وبمـنـاسبـة أنـك كـنـت رائـد أدب الإعـتـذارات فــقـد كـنــت أضحـك كثـيراً لتعـليق ودبـــاعـو

يعنى بتغش فينا نحن ناس الدبة
انت عارف يا عبدو نابرى
عمليتك دى بتاع ابودليق ما عمله
وما تقولى ماعارف بتاع ابودليق عمل شنو

حيـث أن أهـل حى هـب النـسيـم متـكاتـفيـن و يتحـركون دائمـا بصـورة جمـاعـية فليـس من السهـل ان يـضحـك فـرد منـهم على المجـمـوعـة
وكـذلك التـعليـق الطـريـف للهـندى الـذى أدهـشه التـكريـم الذى وجـده المعـــتـزر
والله يا ابو ياسر كلامك بالحيل عجبني وأنا زااااااتي أسه لي مرات اعتذر

ساي كده من غير سبب هههههههههه


ولنـا عــودة بإذن الله
ودمتم لنـا
خـضر حـسن
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 4:06 am

كتب عبد الله محمد نابري
عندي فكرة بوست واتمنى تشاركوني فيها وهي ان هذا المنتدى ملئ بالاقلام الجرئية والحكيمة والمسيخة واللميضة واقلام المساطيل .. الخ
صراحه يا اخونا عبد الله جبتها وجيت
لانك كتبت تعليقات عن الاخوان الشفيع الجزولى وعصام عبد الصادق والخضر حسن الفضل وشمس الدين على عمر واخناتون
واسى انا محتار منو منهم القلمه جرئ ومنو القلمه حكيم ومنو المسيخ ومنو المسطول ومنو اللميض انا غايتو حسبتها فى سرى وعرفتو منو المسطول ومنو اللميض ومنو الجرئ لكن ما بقدر اقول لانو الثلاثة ديل (عصام والشفيع والخضر ) اقلامهم تخوف
والبعرف ليهو جائزة والخايف يقول لينا على الخاص
معز عبد المنعم
الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 4:09 am

أخوي عبدالله ود نابري
والله دائماً سباق بطرح المواضيع الحيوية .. يعني أيام الله السبعة بتغلب في الهوبة بموضوع متفرد.. بس أعمل حسابك في ناس عيونهم حارة وتقوم تكسر رقبتك

كتب الشفيع الجزولي في بوست عادات وتقاليد :
لأننا كسودانيين، ظل دأبنا مناقشة السياسة ثم السياسة ، وذلك ليس عيبا فى حد زاته.
لكن العيب أننا نناقشها معزولة عن مكوّناتها ودواعيها ومصادرها. . وهذه واحدة من أسباب خطر السياسة فى السودان.
وما السياسة إلا إدارة أمور الناس لصالح الناس ، وذلك لا يتأتّى إلا بالتنمية الحقّة بكل تفاصيلها والتنمية الحقة هذه لا تكون إلا بمعرفة و فهم "ما عليه الناس" ومنها تقاليدهم وعاداتهم ، تاريخهم و جفرافيتهم ... حوجتهم الآنية و المستقبلية الخ ، وهذه هى التفاصيل التى منها وعليها ، تنبنى السياسات التى فيها الصلاح و ليس سياسة المزاجات كما يحدث عندنا .
أعجبت بكلام أخونا الشفيع لعدة أسباب:
أولاً : بمداخلته هذه أنه لفت الإنتباه بأن هذا الشفيع القادم الذي لا يعرفه الكثيرون إضافة حقيقية للمنتدى
ثانياً : قام بتوضيح معنى السياسة وكيفية ممارستها ودورها في المجتمع بكلمات موجزة وبسيطة

خضر حسن في بوست قنصلية الجريف كتب:
شكــراً ســعادة المستــشــار/ عبد الرحمن يــس حسيــن
وأنبهك بأن لا تقبل بلفظة قنصل إطلاقاً حتى لا تقع فى المحظورلأن هذه الكــلمة:ـــ
لو قرأتها من دون الحرف الأخير تكون قنـص
ولو قرأت الحرفين الأواخر عكــسيــاُ تكــون لص.
ولو قرأتها من دون النـون واللام تكون قص.
ولو قرأتها من دون القاف تكون نــصل.[ الحافة الحــادة للقطــع] فكلمــة قنصــل تحوى كل المــعانــى التــى تــسهل الوصــول لجيــوب المــغتــربين.
أعتقد أن أستاذنا خضر أتحفنا بهذه المداخلة الجميلة والتي أعتبرها بالنسبة لى كنز أتاني من السماء سوف يعينني في أمور وقضايا هامة جداً.
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 4:12 am


كتب أحمد ود الحاج النمير ..
في قسم الجريف العام في بوست (خت همك وأمشي) ..
كتب أحمد عوض حاج النمير:
زى النكتة دى(( واحد فات للفكي قال ليه أكتب لي حجاب ضد الأسد الفكي قال ليه:دا هجاب دد الأسد لو شافك مابيهبشك لو هبشك مابعضك لو عضاك مابياكلك لو أكلك إنشاء الله ماتنفعوو)).

لكن والله إتفقعت بالضحك .. ياخ أنا ضحكتجنس ضحك في الدنيا دي ..
الله يمتحنك يا أحمد ..
ودوموا لنا ولها ...
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 5:40 am

الخضر حسن .. حكيم المنتدى (سابقا) والحتالة حاليا مافي داعي كل مرة اقعد اكرر نفسي واشكر فيك وامدحك .. غايتو البتسوي فينا يجازيك عليهو رب العالمين
الغالي معز عبد المنعم خالد .. ياخي مالك دائر تورطنا الجماعة ديل كلهم .. احم احم !! اي واحد منهم فارش سيكنو أقصد لسانو وقاعد تحتو !
ود سنقد !! المرور المرور .. بس ارجع تعال عود تاني ..
عصام عبد الصادق .. المسيخ اللذيذ !! شكرا ليك
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 6:02 am


كتب الهندي نابري في بوست : ليس هذا الدين الذي نعرفه – قسم الجريف الاسلامي

اقتباس :
أما رأيي في المســـــألة أنو يدوني انا واحده والتانية برضو يدوني ليها آمن أتم أربعه

البوست للكاتب ابوتراجي يتحدث عن واحد سعودي جمع بين 6 نساء في وقت واحد ومفروض يطلق اتنين عشان الشرع . لذلك الهندي عاوز يعرس الاتنين البطلقوهن ديل في وقت واحد!! ولمن لا يعرف الهندي فهو انسان مآآآآهل وتقيل ويبحب الوفرة في كل شي !!
اللهم اديهو لمّن ترضيهو .. آمين يا رب.

كتب ود ريا في بوست ندوة المؤتمر الوطني – قسم الجريف السياسي

اقتباس :
وبخصوص اسمي مرة ثانية اكرر
عبد الرحيم عبد الرحمن حطي 0545542230
وارجو الاتصال لكي تعرف اكثر واكثر من انا.
وهنا ود ريا فكه آخرو!! واعلن عن اسمو صراحة مدعم برقم الجوال لأنو منير السماني كان مزعلو!!


كتب عمر قسوم في بوست: المرحوم محمد مصطفي سعيد في قسم الجريف للمناسبات والتراحيب

اقتباس :
كنت اتمنى من الاخوان في المنتدى كتابة ولو سطر واحد أو كلمة واحدة عن المرحوم المغفور له باذن الله / محمد مصطفى سعيد النمير فقيد الجريفات شأنه كشأن الذين كتبوا عنهم من فقداء الجريف والذي وافته المنيه مساء
الخميس 9/10/2008م
لم يعجبني ذلك يا ابو ساجدة! لانو كان من المفترض ان تكتب انت عن مآثر المرحوم وتعرف الناس به بدون ما تنتظر من ناس المنتدى الكتابة !!
لم استطع ان ارد عليك في نفس البوست لأنو واجب العزاء كان أولى..
الرجوع الى أعلى الصفحة اذهب الى الأسفل
http://www.basilholding.com
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 6:14 am

الشفيع الجزولى كتب:
بس كنت حأضيف ، كمان أى واحد يقول جملة ما عجبتو و يذكر الأسباب بنفس الطريقة.
قمت - وحسب اقتراحك - بتعديل اسم البوست من اجمل ما قرأت الي اجمل وأبيخ ما قرأت.
الرجوع الى أعلى الصفحة اذهب الى الأسفل
http://www.basilholding.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 7:59 am

كتب عبد الله نابري عصام عبد الصادق .. المسيخ اللذيذ !! شكرا ليك

انا وراك وراك
والله يا ود نابري براك بتورط نفسك اهو اديت اخونا عصام المساخة اللذيذه
وباقى اخوانا الشفيع والخضر ما معروف تديهم شنو

صراحة يا اعضاء المنتدى نحن لما ندخل على منتدى الجريف بنفتش اول حاجه لمشاركات الخضر والشفيع وعصام و ابو تراجى لانها لها نكهة خاصة
زى قراة المريخاب لعامود مزمل ابو القاسم بصحيفة الصدى

مشكور يا ود نابري على البوست الجميل
معز ود عبد المنعم


عدل سابقا من قبل معز في الأربعاء 15 أكتوبر 2008, 8:02 am عدل 1 مرات
الرجوع الى أعلى الصفحة اذهب الى الأسفل
http://aljraif.forumotion.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 8:01 am

كتب اخونا الشفيع فى بوست الجريف عادات وتقاليد
الطيب إرجعني بالذاكرة لحديث عمنا عثمان سعيد ( ربنا يمتعه بالصحة والعافية) عندما
وجه الدعوة لأخونا عمر محمد نور (أبو الحلقوم) بأن يزوجه دنقلاوية .. ورد عليه عمر
بسرعة البديهة عندما قال له نحن المدعومة دي مترددين فيها..


وهو يتكلم عن زواج البنت بالجريف والذى يعتبر زواج مدعوم دعم كبير شديد احسن من اى دعم حكومى
وهو اسلوب جميل من اخونا الشفيع بتوضيحه ان هناك تسهيل للزواج بالجريف

الكلام موجه لعزابة المنتدى
معز عبد المنعم
الرجوع الى أعلى الصفحة اذهب الى الأسفل
http://aljraif.forumotion.com
الشفيع الجزولى
عضو فعال
عضو فعال


عدد الرسائل : 113
تاريخ التسجيل : 10/08/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 9:12 am


الناس الجميلين ! سلااااااااام.
أولا شكرا يا عبدالله علي الإستجابة لإقتراحى.

الحبيب معز عبدالمنعم
الكلام الجبتو من بوست عادات و تقاليد ده حق صحبك عصام.
وإنشالله أبو تراجى ما يستنتج منو حاجة.

كتب حسن شمس الدين فى بوست "ندوة المؤتمر الوطنى"
بالنسبه لموضوع الندوه ديل دايرين يشكرو ( تشديد الكاف) الراكوبه في الخريف
عجبنى شديد وضحكّنى لأنو لخص كتاب كامل فى جملة واحدة ، تلخيص عجائز.

أبو تراجى كتب ، فى بوست القنصلية مخاطبا بدر عبدالماجد:
وبعد داك جاوب على سؤالى ده انت وصاحبك عصام !!!!!
فى طاقية بالله قدر راس صاحبنا ؟؟؟؟؟
المفترى عليه
ابوتراجى

عجبتنى وضحكتنى لأنو عصام عملها فى روحو براهو لمّن سمى نفسو "العاتى"
يعنى مافى طاقية قدرو إلا تكون Custom Made
وعجبتنى كمان المفترى عليه و شعرت بي إنو أبو تراجى داير يعمل مسكين وحِميل

الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 11:25 am

لك التحية أيها العبقرى عبد الله ودنابرى ودايماً إنت مبدع والدليل هذا البوست الجميل وفكرته
الرائعة وسنجد الفوائد العديدة من هذه الفكرة ومنها الرجوع للمواضيع التى تحتاج منا لقراءتها عدة مرات .

ود مريم كتب :





يا جماعة الشاكوش والله لا حار ولا حاجة لانو انت وقت ادوك شاكوش بتكون مغبى ولا بتحس باى حاجة والكلامة دة اخدوهو من مجرب موش دكتور ( والحمد لله انحنا دكاترة ولا شنو يا احمد
والهندى ) اما انت ياود العبيد اظنك المجرب .


اما القمرية : بتتعزب والله وبضوق الويل وطعم اليل ، بتندب اللحظات الجميل وكل لحظة كانت بالنسبة ليها جميلة وسعيده بتحولها بعد الشاكوش لمرارة وعزاب ، وبتخلى قعاد الشجرة وتبدا تشوف الحجارة الفى الشارع تهود فى الماشى والجاى ، لكن كلها سنتين تلاتة وبتلقى ليها حل بقراية ولا سفر ولا موش كدة يا اخوانا .

بعدين انحنا ذاتو يعنى قويين شوية كدة فى مشاعرنا والحاجات دة يعنى ذى المسمار القوى لا يديذة الشاكوش الا صلابة وقوة وثبات ( بس لو لا حظتو للمسمار وقت ادقوه بى شاكوش بيبقى يلمع قول لى اللمعة دى شنو : اللمعة دى يا اخوانا معناه اتجدد واتغير من حالتو الاولى ولو طلعوه من الخشبة الهو فيها طوالى بشوف درب الجوازات ويبقى راحل:

[color=blue]وما تقولو الكلام دة ما مرتب ، لا بالعكش الكلام الجميل فى هذا الرجل ود مريم مشى فى درب الجوازات عديل وما إتلفت عشان يرحل !!![/color
]
الرجوع الى أعلى الصفحة اذهب الى الأسفل
صديق الجيلاني
عضو جديد
عضو جديد


عدد الرسائل : 26
تاريخ التسجيل : 23/09/2008

مُساهمةموضوع: رد: أجمل وأبيخ ما قرأت!!   الأربعاء 15 أكتوبر 2008, 11:22 pm

يا ود نابرى والله اتحفتنا بمداخلاتك واثريه المنتدى

والجريف مليانه بالطريف والظريف
وافتقده النكته والطرفه بسبب الحاله الاقتصاديه وضيق العيش
لاكن تبقى البشاشه والروح السمحه
ابومزن الصيق الجيلانى عبد الرحيم
جريف قمر جاتك
الرجوع الى أعلى الصفحة اذهب الى الأسفل
mistika
عضو فعال
عضو فعال


عدد الرسائل : 156
الاقامة : دنيا الاحباط
المهنة : محبطاوي
مزاجك اليوم :
تاريخ التسجيل : 10/08/2008

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 2:15 am

اقتباس :
عندي فكرة بوست واتمنى تشاركوني فيها وهي ان هذا المنتدى ملئ بالاقلام الجرئية والحكيمة والمسيخة واللميضة واقلام المساطيل .. الخ ففي هذا البوست عاوز أي واحد أُعجب باي مشاركة أي جملة في أي موضوع يذكرها هنا ويذكر كاتبها والموضوع والبوست الاقتبس منو وسبب اعجابو بهذه المشاركة او الجملة..

الفكرة عظيمة يا لذيذ ولك مني التحية عليها وبس انا دخلت الليلة عشان اشوف الجديد وبالله عليك الله كلم الرائعون وقليهم مستكا جاي وعلي الزيرو وابشرك المدام عاوزة تشترك وقالت عاوزة نت في البيت اسع كدة كويس
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 2:52 am

تحياتنا يا عريس
وما عليك إلا أن تدندن بمقطع وردى وتقول براي سويته في نفسي .. وطبعاً من الإيقاع
الرجوع الى أعلى الصفحة اذهب الى الأسفل
الشفيع الجزولى
عضو فعال
عضو فعال


عدد الرسائل : 113
تاريخ التسجيل : 10/08/2008

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 3:39 am


تحايا وشوق ليكم كلّكم و خاصة العريس مستكا.

كتب أستاذ الخضر فى بوست المعارضة:
أن يتــــــعامل الـمجتـمع مـع المعـارضـة بكـل وعـى مثـل ما يتعـامل مع
ممثلى الإتهــــام وممثلى الدفـــــــاع فى المحـاكم؟؟؟
فى المقاله أعلاه عجبنى جدا قوله "أن يتعامل المجتمع" و لم يقل أن تتعامل السلطة كما
هو مألوف وده معناه إرجاع كل شى للمجتمع.

كتب عمر حسن فى بوست القنصلية:
لذلك أرى أن موضوع الطاقية و ماصاحبة من ملابسات ماهي إلا زريعة من
صنع قوى الإستكبار للنيل من وحدة الصف وتعطيل عجلة التنمية التي تشهدها المنطقة.
دى ضحكتنى شديد لأنو بورّى كيف " لغة السياسة " مسيطرة علي الناس.

الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 4:11 am

وبرضو يا شفيعو نجد أن ناس الكاركاتير السياسي حاضرين وهذه نجدها في مداخلة أستاذ خضر في نفس البوست عندما إستعمل كلمة زريعة أبو مصعب وحولها بقدرة قادر إلى زريعة آبري وبرضو منسوبة لقوى الإستكبار .. وهنا يظهر الإبهار الحقيقي
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي


عدد الرسائل : 624
الاقامة : السودان
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 4:34 am

القاضى : الحكم بعد المداولةالحـــكم
حكمت المحكمة على المشرف من واقع ما نطق به من إجابات مع وضع حسن النيه فى الاعتبار بتثبيته فى وظيفة الاشراف وليحصل على جزاءه من واقع مسئولياتها التى تقع على كاهله فإن كانت نيته صحيحة ولا يريد غير الافادة ومساعدة اخوانه من الاعضاء فلندعو الله ان يكون فى عونه وليجزيه كل الخير وان كان غير ذلك فسوف تكون عاقبته جزاء عمله رفعت الجلسة

كاتب الموضوع عصام عبد الصادق (معقوله بس ياعصام )
رمضان الجاي بتلقها عمل في المسرح
ولينا عوده
معز السماني
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 4:56 am

بدر عبد الماجد .. ياخي سلامات ومشتاقين لمّن بهناك..ياخي الكلام ده جبتو من وين ؟!! والله أول مرة اشوفو!!ويا جماعة شوفو اقلام المساطيل الانا قاصدها
اقتباس :
كتب ناجي ود مريم عمتي : يا جماعة الشاكوش والله لا حار ولا حاجة لانو انت وقت ادوك شاكوش بتكون مغبى ولا بتحس باى حاجة ..
والله ضحكت لمن دمعت! من الشكاكوش لا حار ولا حاجة دي ! اته يا ناجي اسه السألك منو .. والفي قلبو حرقص..
اقتباس :
بعدين انحنا ذاتو يعنى قويين شوية كدة فى مشاعرنا والحاجات دة يعنى ذى المسمار القوى لا يزيده الشاكوش الا صلابة وقوة وثبات
ناجي هنا مشبه نفسو بمسمار صلب كلو ما يأخد شاكوش يزيد ثبات وصلابة ..
وابصم ليكم بالعشرة انو التشبيه ده حق مساطيل !!
الرجوع الى أعلى الصفحة اذهب الى الأسفل
http://www.basilholding.com
صديق النعمة الطيب
قلم فضي
قلم فضي


عدد الرسائل : 357
تاريخ التسجيل : 22/08/2008

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 7:37 am

فكرة البوست حقيقة رائعة بكل المقاييس و الأروع هو التوقيت لهذا البوست في هذا الوقت...

فالجميع بدأ ينفض و يفتش في القديم... و ينبه لبعض الأشياء الجميلة بحق...
يعني باختصار المنتدى بقى عندو تراث عتيق،...
تحية و تجلة للجميع...
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي


عدد الرسائل : 624
الاقامة : السودان
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 10:40 am

كتب عامر عبد الوهاب
[[size=24]/size]والله يا ود نابري مرضه بالجد لكن نتمنى انو ما نشفى منها ابدا

معليش يامعز طلعت تاني من الموضوع وده بمثابة تاكيد لكلام
ود نابري الناس بتاخد اخر ذول كتب وبردوا عليهو على العموم
الله يخليكم كلكم للجريف ويهدي سركم

أبو يارا
معقوله بس يابيجوا
ولينا عوده
معز السماني


عدل سابقا من قبل معذ السماني الحاج ياسين في الخميس 16 أكتوبر 2008, 10:47 am عدل 2 مرات
الرجوع الى أعلى الصفحة اذهب الى الأسفل
معذ السماني الحاج ياسين
قلم ذهبي
قلم ذهبي


عدد الرسائل : 624
الاقامة : السودان
المهنة : محاسب
مزاجك اليوم :
تاريخ التسجيل : 27/07/2008

مُساهمةموضوع: رد: أجمل وأبيخ ما قرأت!!   الخميس 16 أكتوبر 2008, 10:41 am

كتب عامر عبد الوهاب
والله يا ود نابري مرضه بالجد لكن نتمنى انو ما نشفى منها ابدا

معليش يامعز طلعت تاني من الموضوع وده بمثابة تاكيد لكلام
ود نابري الناس بتاخد اخر ذول كتب وبردوا عليهو على العموم
الله يخليكم كلكم للجريف ويهدي سركم

أبو يارا
معقوله بس يابيجوا
ولينا عوده
معز السماني
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: أجمل وأبيخ ما قرأت!!   الجمعة 17 أكتوبر 2008, 12:00 am

[[font=Arial black]color=darkblue]بعد قضية المكالمة الشهيرة أخونا أبو تراجي كتب في بوست إشاعة:[/color]
ويجو الطيب بخيت وبدر عبدالماجد (جماعة باركوها ) عشان الحل وانا مفوض هئية دفاع من الاستاذ خضر والسفير ابومصعب الحمزاوى
هسه التسويه ممكن تكون بسيطه لكن بعد الجلسه الاولى وحات كل الطوب والتراب الفى الجريف مابقبل اقل من دكانين من دكاكين عصام الفى الزلط وخلى ود سنقد ينفعك يا أيها العصام العبد الصادق
لسه عندك فرصة تحل الموضوع وترسل القروش وتكتب اعتزار (تفتح بوست )مخصوص وشرط الطيب بخيت مايدخل فيه ولا بدر عبدالماجد
ولاعذر لمن انذر !!!!
المفترى عليه
ابوتراجى

طبعاً أخونا أبو تراجي بين كل فترة وأخرى بنديهو هبشة ليأتينا بكل ما هو جميل وخصوصاً أن جماله بيطلع عندما يتملكه الغضب .
نلاحظ أن أبو تراجي حلف ببيئة الجريف ( الطوب والتراب )
نلاحظ أيضاً بأنه ختم حديثة بالتهديد والوعيد .. ولكن ألحقه بالوداعة والرقة (المفترى عليه) يعني عمل حميل على قول الشفيع.
[/font]

وربنا يعين الطيب وبدر وود سنقد وكمان معز والبقية تأتي
الرجوع الى أعلى الصفحة اذهب الى الأسفل
 
أجمل وأبيخ ما قرأت!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 7انتقل الى الصفحة : 1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف شرق-
انتقل الى: