والعاقبة عندكم في المسرات

عندي سؤال بسيط ..

زمان زمن العزومة كانت بكروت -طبعا الآن العزومة بالجوامع- كان يكتب على الكرت عبارة والعاقبة عندكم في المسرات .. وفي بعض الاحيان يكتب كلمة شكرا ..
هل لهذه العبارة دلالات معينة ؟!!

نعم أخي عبد الله ..
اريد ان ادلي بدلوي في بئركم العميق .. علي أجد شربة ماء في هذا اليوم المسخن ..
بالنسبة للعبارة (العاقبة عندكم في المسرات) .. أخد نفس عميييييييييق ..
إنظر إلى السماء نظرة عابرة غير متفحصة .. أمسح رأسك مسحة قوية لكن ببطء ..
لو جنبك كباية موية أرتشف منها (جقمة) .. وأجدع الكباية في السرير ..
عبد الله .. عفواً .. للعبارة دلالتان ..
الأولى ..
أن نتمنى لك عزيزي المدعو أن تكون المناسبة القادمة عندك وأن نشاركك الأفراح ..
الثانية ..
أن يا ايها المدعو الكريم .. نحن إذ ندعوك إنما نطلب منك حق الدفتر فنحن في شد الحوجة إليه ..
وبالتالي عبارة (وشكراً) التي يكتبها من يكتبها .. فهي تعني ايها الضيف .. كل مما يليك وما تشتهي نفسك .. ولا تحرج نفسك وتجهدها بعناء الكتابة في الدفتر ..
هذا والله اعلم وإلأيه المرجع والمآب ..

ولك الود والتقدير عبد الله ود أمحمد ...

اقتباس :: نعم أخي عبد الله ..
اريد ان ادلي بدلوي في بئركم العميق .. علي أجد شربة ماء في هذا اليوم المسخن ..
بالنسبة للعبارة (العاقبة عندكم في المسرات) .. أخد نفس عميييييييييق ..
إنظر إلى السماء نظرة عابرة غير متفحصة .. أمسح رأسك مسحة قوية لكن ببطء ..
لو جنبك كباية موية أرتشف منها (جقمة) .. وأجدع الكباية في السرير ..
عبد الله .. عفواً ..

الغالي ود سنقد شكلو رمضان خشه في العضم ... كباية وجقمة وسرير !!!
شكرا لمرورك العطر وشايفك حددت انو العاقبة عندكم في المسرات مرتبطة بالكشف وكلمة شكرا هي شكرا فعلا..
شكرا جزيلا ..

لسه .. أنا اخوك إت ..

دي الدلالة التاني يا عبد الله ..
اما الأولى زي ما قلت ليك دالة على تمني الأفراح لدى الطرف الثاني ..

والله اعلم .. ومنتظرين تعقيبكم ..

وجزاكم الله خيراً ..

ودم لنا ...

العاقب منو ومسرة وين

عبدالله الساعة 3.55 وتقولي عاقبة ..
أنا منو .. وأنا وين .... وكان راجل طالعني

[size=29]عزيزى المندهش . عبدالله ود نابرى

العاقبه عندكم في المسرات يعنى ( تاكل وتدفع )

وشكرآ يعنى تاكل وتتفكفك....

ودم لنا ود نابري؟؟؟؟؟؟؟؟؟؟؟؟[/size]

العاقب منو ومسرة وين
شايفين رمضان عمل فى الزول ده شنو ؟؟!!!!
رمضان ده مقسم الى تلاته اقسام
الاولى بتاثر فى الجوف
والتانية فى الشوف
والتالتة فى الدوف
وصاحبى وصلت معاهو الشوف وربنا يستر
اما العاقبة عندكم دى يعنى قدم السبت تلقى الاحد
يعنى تدفع لينا فى الكشف عشان لامن يجيك شىء ندفع ليك
وشكراً يعنى شكراً لاتدفع لينا ولابندفع ليك
وطبعاً فى جماعة زى ........ !!! مش كان كتبت العاقبه عندكم مابدفعوا ليك بس يجو ياكلوا ويمشوا
ويقول ليك بعد داك ماشفت الكشف !!!
يختوا اللوم على رمضان والملاريا والتايفويت وكاتب الكشف المدسوس جوه فى الصالون المابيعرف محلوا الا العريس واهلوا !!!!
وفى مجموعة تالته يقولوا الكرت ماوصلنا !!وتلقى ناس شالوا الكروت وماوزعوها !!!!
اسالوا عصام لانو متخصص فى النوعية دى وعندى دليل ادانه انو ماكان بيوصل الكروت !!!
اظن هناى وهناى كمان كانوا زي صاحبى ده !!!
والعاقبه لنا فى المسرات
ابوتراجى

كتب ابو تراجي :

اقتباس :: العاقب منو ومسرة وين
شايفين رمضان عمل فى الزول ده شنو ؟؟!!!!
رمضان ده مقسم الى تلاته اقسام
الاولى بتاثر فى الجوف
والتانية فى الشوف
والتالتة فى الدوف
وصاحبى وصلت معاهو الشوف وربنا يستر
اما العاقبة عندكم دى يعنى قدم السبت تلقى الاحد
يعنى تدفع لينا فى الكشف عشان لامن يجيك شىء ندفع ليك
وشكراً يعنى شكراً لاتدفع لينا ولابندفع ليك
وطبعاً فى جماعة زى ........ !!! مش كان كتبت العاقبه عندكم مابدفعوا ليك بس يجو ياكلوا ويمشوا
ويقول ليك بعد داك ماشفت الكشف !!!
يختوا اللوم على رمضان والملاريا والتايفويت وكاتب الكشف المدسوس جوه فى الصالون المابيعرف محلوا الا العريس واهلوا !!!!
وفى مجموعة تالته يقولوا الكرت ماوصلنا !!وتلقى ناس شالوا الكروت وماوزعوها !!!!
اسالوا عصام لانو متخصص فى النوعية دى وعندى دليل ادانه انو ماكان بيوصل الكروت !!!
اظن هناى وهناى كمان كانوا زي صاحبى ده !!!
والعاقبه لنا فى المسرات
ابوتراجى

بالجد يا ابو تراجي مداختلك دي عجبتني شديد وقلت بس اكبر الخط عشان الناس الدخل عليهم رمضان في الشوف يشوفو .. لكن اته الزول البكون عندو الكشف ليه بكون قاعد في الصالون ليه !! الجماعة خايفين يهربو بالكشف ولا شنو؟؟؟!!!!

ومن الحاجات البايخة تكون ماسك ليك كشف ويجيك واحد ويعاين ليك كدا ويقول ليك اكتب !!
اته ما بتعرفني ؟!!!.. ياخي بعرفك لكين اسمك الثلاثي ..
والجماعة كلو مرة يجوك .. اها الموقف كيف !! عمل كم !!!؟؟؟

والعاقبه لنا فى المسرات
شكراً ياود نابرى على مداخلتى البتعجبك وتكبر ليها الشارع واللفه !!!!
اما عن الزول البجى دايرك تكون بتعرف اسمو وانت ماتعرفو طوالى تقول ليه اكتبو بى اسمك ام باسم ولدك طوالى بقول ليك اسمو بالكامل واللقب كمان ان وجد
دى من سياساتنا فى هذه الحالات !
فى ملاحظه فى بيوت الاعراس بغدو بتاع الكشف اول حاجة عشان يتفرق للجموع الحاشدة والمناصرة للمناسبة
اما عن ادخال بتاع الكشف بالداخل عشان يشوفوا البطلع بدون مايخش عليه منو ؟!!!
فى حته السؤال عن الموقف المالى للكشف تعرف ديماً بكون السائل من الديانه (المربوط استرداد اموالهم بالكشف ) والله اعلم
الكشيف ابوتراجى

والعاقبه لنا فى المسرات
تعرف ياعبدالله حكاية دعوات الجوامع دى ابتدعوها المفلسين عشان مايطبعوا الكروت !!!
السؤال المهم والاهم من العاقبة لكم دى
ناس المطابع يعملوا شنو بعد ده ؟؟؟؟؟

المطبعجى ابوتراجى

ناس المطابع يعملوا شنو بعد ده ؟؟؟؟؟
تعرفو كانت قاعدة جنبى حبيبتى تراجى وانا بكتب بصوت مسموع قالت لى
تعرف يابابا احسن حاجة يشتغلوا ائمه فى الجوامع
والله فكرة يابنتى كدى نشاور الجماعه ديل
الامام المرتغب
ابوتراجى

كتب ابو تراجي :

اقتباس :: كانت قاعدة جنبى حبيبتى تراجى وانا بكتب بصوت مسموع قالت لى
تعرف يابابا احسن حاجة يشتغلوا ائمه فى الجوامع

ابو تراجي لو سحمت ... لو سمحت ... وارجوك ... خلي البت تعيش طفولتها العادية ببراءة مافي داعي تجرجرها لدهاليز السياسية والمساخة .. jumping rope

عبدو كمبيوتر كتب:

اقتباس :: عزيزى المندهش . عبدالله ود نابرى
العاقبه عندكم في المسرات يعنى ( تاكل وتدفع )
وشكرآ يعنى تاكل وتتفكفك....
ودم لنا ود نابري؟؟؟؟؟؟؟؟؟؟؟؟

الغالي عبدو كمبيوتر شكرا للمرور وشائفك برضو توصلت لنفس النتيجة ...
مشكور ستة شهور .. lol!

ابو تراجي لو سحمت ... لو سمحت ... وارجوك ... خلي البت تعيش طفولتها العادية ببراءة مافي داعي تجرجرها لدهاليز السياسية والمساخة
حاضر ياعبدالله ماليك غير اليرضيك
بس خلى السياسه تبعد من دهاليزى !!!
ابوتراجى

عبدالله احمد ســــــــــــــــــلام بالكوم

العاقبه عندكم في المسرات لها دلائل ومعاني كبيره وكما ذكرالاخوان ماقصروا

انا حتكلم من جانب اخر وهو :

الواحد لمن تاتي اليه رساله مناسبة زواج بحس في تقدير ليهو (السيد فلان الفلاني) اسع الدعوه في المسجد يعني الاسوى والمايسوى معاك في الدعوه ( ناحية تقديريه )..

ايظا وسيله للهروب اذا لم تاتي ايليك الدعوه وتقول ماجاني كرت وماكنت عارف وانا متاسف والجايات اكثر من اللرايحات العفو والعافيه ويقبل العزر ...

الناس في هذا الزمن بقت مافي كروت بسبب التكلفه العاليه واتمنى ان ترجع ولكن لكي تواكب سرعة العصر توجد هنالك خدمة الرسائل الجماعيه في شبكات الموبايلات

تخـــــــــــــــــريمه :-
انت ياعبدالله ان الله سهل دعوتك شــــــــنو ؟؟؟؟؟؟ظ

تحياتي حسن

إستخـدام المـساجـد فى الإعـــــــــــــلام عن أحـداث المـجـتمــــــــع ومنـاسـبــاتـــــه فيـه ربـط للمــــسجـــد بالمـجـتمـــع والإستـــفـــــادة منـه كـمـنـبر ديـنى وتـعـليمـى وإعــــــــلامى.
ومـن حـسن الـحــظ أن الـمسـاجـد بالـجـريف تـغطـى كـل الـمنـطقة فـعـليـه مـن السهـل وصـــول الـدعـــوة للجمــيع مـاعـدا الـذين تـضـطـرهم ظـروف معــينـة للسـهر أو المـبيــت بالـخـارج.
الطـرق التـقـليـــديـة لإخـــتتـام بـطـاقــــات الـدعـوة هـى كمــا ذكـر فـى عـنوان هـذا البـــوست
العـاقـبـة عـندكــــم فـى المـسـرات... ولـك عـقبى الأفـراح... وشكـراً... وفـى رأى ليـس هـنـاك فـرق فـى المفـهـوم... وإن كـان صـاحـب الـدعـوة قـد أخـذ الأجـر بالــدعـوة لـطـعـــــــام حـلال... فعـلى المـدعـوا إن إستـطـاع أن يأخـذ أيـضـاً نـصـيـبــه مـن الأجـر بأن يكـون مـن الـذين يـنـفـقــــون فـى الـسراء والـضــــراء.. والمـسـاهـمـيـن فـى عـمل الخـير.
تخـــــــــــــــــريمه :-
انت ياعبدالله ان الله سهل دعوتك شــــــــنو ؟؟؟؟؟؟تحياتي حسن

أنـت وهـو علـيكـم الإخـتيـار فى مـا بـين:ــ
1/ المصـريون إبـتـكـــروا عـبارات جـديدة مـثل أ/ العـشاء الخـفـيـف فـى الأفــراح مـفيـد للـصـحـة..ب /الـدخـول لحـاملى الهـدايا
2/أحـد الخـلفاء كـان يعطـى كـل مـدعـوا بعـد الـولـيـمة مـبلـغ 10 دراهــم ثـمن المـضغ
3/طـبـع كـروت مـلــونـة :ــ
* كـرت ذهـبى اللـون من الـورق الـفـاخـر ومـظـرف/ مـلزم بدفـع فئــة 500 ريـال فمـا فـوق ..عشـاء فـاخـر+ التـصـوير مـع العـريس+ حـضـور السـيـرة.
*كـرت أبــيـض لحـاملى الجنـيه السـودانى ..عـشاء عـادى +شـاى.
*كـرت أحمـر لمــدعـوى اللـيــــق ..فتــــة + تحـلية مـن النـوع الـذى عـمله واحــد أخـونـا لـصاحـبنــا ابوتـراجى{ مـقـلب حـدث حقـيقـة.}
ورمضــانكم كـــــريم
ودمتم لنـا
خـضر حـسن

كـرت أحمـر لمــدعـوى اللـيــــق ..فتــــة + تحـلية مـن النـوع الـذى عـمله واحــد أخـونـا لـصاحـبنــا ابوتـراجى{ مـقـلب حـدث حقـيقـة.}
تاكيد منى شخصياً بصدق هذا المقلب
يعزموك غداء وبعدو يجيبوا ليك حنضل
تصوروا بس !!!
قلت اصبر وافوض امرى لله
مادام الزمن عاتبنى ضوقنى المذلة
ابوتراجى الحنضلاوى

بس مييييييييييييييين اللى عمـل فيـك كــــدى ؟؟ ..حـرام عـلـيه..!!
رجـاء ذكـر الـواقعـــة بكـل تفـــــــاصـيـلهــــا.
وعـاوزيـن نـعرف مـن أكـرم مـن؟
ورمضـانكم كـريم
ودمتم لنـا
خـضر حـسن

حـرام عـلـيه..!!
رجـاء ذكـر الـواقعـــة بكـل تفـــــــاصـيـلهــــا. مشكور استاذى بس صاحبى ده الله يسامحو !!
كنا انا وهو دايما بنتغدى مع بعض لانودوامنا كان زى بعض من 8الى 12 ص ومن4 الى 8م عندنا فترة من 12 الى 4 صاحبى كان متابع مسلسل وماكان عندو عربيه كنت انا بمشى حى الوزارات اجيب الكسرة والملاح وهو بمسى يحضر المسلسل ويحضر المكان وكنا والحمدلله حبايب وتمام التمام وماشين على كده زمن
بس يوم صاحبى غير العاده اتصل وقال لى تعال عندى وانا الليله عازمك غداء يامؤمن يامصدق خلصت دوامى وجيت عندو وقايل صاحبى عامل حلة اكتشفت انوداير يمشى معاى للمطعم المهم مشينا المطعم وقلت ليه ناكل هنا ونمشى قال لى لا عشان المسلسل
وفى غرفتو بعد مااتغدينا اليوم داك اتذكر هو اختار الكسرة بى خضرة مفروكه وفاصوليا رقد فى السرير ويقلب فى القنوات قال (لااله الا الله )
قلت ليه مالك ؟؟ ماخلعنى صاحبك
قال عندو مصرى صاحبو وبشتغل معاهم جاب ليه مخلل من مصر وحاجة مابتخلص وحلفنى وخصمنى بالنبى لازم اضوق مخلل المصرى وهوعارف انا شبعان يعنى طريقة اكل مافى قلت ليه خلى لى بكرة
صاحبك رفض واصر قلت خلاص اضوق المخلل
وعينك ما تشوف الا النور
الشىء ماحنضل فى برطمان ومخلل
الله من اليوم داك غيرت برنامج صاحبى
بقيت امشى اتغدى فى غبيرة وامشى غرفتى طوالى لمن خليت الرياض
وبالمناسبة بطنى من الزمن داك حتى اليوم ماكويسه وكان جانى اسهال لمن مشيت الدكتور .الله يسامحو
ودى كل القصة
المغشوش ابوتراجى

اقتباس :: كتب الخضر حسن : وشكـراً... وفـى رأى ليـس هـنـاك فـرق فـى المفـهـوم... وإن كـان صـاحـب الـدعـوة قـد أخـذ الأجـر بالــدعـوة لـطـعـــــــام حـلال... فعـلى المـدعـوا إن إستـطـاع أن يأخـذ أيـضـاً نـصـيـبــه مـن الأجـر بأن يكـون مـن الـذين يـنـفـقــــون فـى الـسراء والـضــــراء.. والمـسـاهـمـيـن فـى عـمل الخـير

يعني قصدك الحياة مشاركة يا حكيم ..
بالمناسبة مسألة مساعدة الشاب في عزومته مسألة فيها نوع من الرحمة وعمل الخير الواضح !! لانو بالجد الواحد بيكون محتاج لكل قرش بجي من العزومة عشان الترتبات القادمة - مرحلة ما بعد العزومة - لذلك فده شي جميل جدا .. بس البحصل شنو .. جيب الدفتر حق عزومت اختك يا جنا... ويشوف الدفتر ويلقه اسمك مسجل 5000 يسجل ليك 7000 أو 8000 أو 10000 في الحدود دي يعني دون مرعاة لوضعك انت فاحتمال يكون هو زول مروق وانا زول تعبان فعندما سجلت انت في كشف عزومة بنتو ده كان غاية ما تستطيع بس عندما يسجل هو في كشفك بيكون بناء علي تسجيلك يعني بالواضح لكل فعل رد فعل مساوى له في القوة ومخالف له في الاتجاه...

اقتباس :: كتب حسن شمس الدين: الناس في هذا الزمن بقت مافي كروت بسبب التكلفه العاليه واتمنى ان ترجع ولكن لكي تواكب سرعة العصر توجد هنالك خدمة الرسائل الجماعيه في شبكات الموبايلات
تخـــــــــــــــــريمه :-
انت ياعبدالله ان الله سهل دعوتك شــــــــنو ؟؟؟؟؟؟
تحياتي حسن

للاسف يا حسن فعلا الزمن تطور بس هناك اشياء لها لذتها وحلاوتها مثل يوم كتابة الكروت يكون العشاء عادة رز بلبن وتكون جمعة جميلة في بيت ناس العريس بس ذي ما قلت ممكن نختصر الرز باللبن ده برسائل المجموعات في الموبايلات وينتهي الموضوع !! وده من عيوب التكنولوجيا !!
بالنسبة لي يا حسن انا حاكتب في اخر الدعوة عبارة - نتمى للاطفال نوما هنيئا - لأنو بالجد ما في داعي ! ما في داعي!!

اقتباس :: كتب ابو تراجي : قال عندو مصرى صاحبو وبشتغل معاهم جاب ليه مخلل من مصر وحاجة مابتخلص وحلفنى وخصمنى بالنبى لازم اضوق مخلل المصرى وهوعارف انا شبعان يعنى طريقة اكل مافى قلت ليه خلى لى بكرة
صاحبك رفض واصر قلت خلاص اضوق المخلل
وعينك ما تشوف الا النور

في فرق بين المجاملة والرمرمة يا ابو تراجي ... وعبارة انا متعشي بس بقزقز معاكم ساآآكت ذي الشامي ريحتها في القصة دي ... وبعدين الحياة تجارب ياآآآخي .. وذي ما قلت ليك قبل كده ... المصريين أهمه ... بطولة وعزم وهمة ..

وبعدين الحياة تجارب ياآآآخي .. وذي ما قلت ليك قبل كده ... المصريين أهمه ... بطولة وعزم وهمة ..
ياعبدالله شكراً لمرورك علينا بس العمل العملية دى هناى زولنا وصاحبنا ماداير اجيب اسمو لانى ............!!!!
ابوتراجى

والله يا أبو تراجي قصتك مع صاحبك فعلاً مؤلمة ولكن لو أخذنا موضوعه ظاهرياً نجده معدوم من الإنسانية .. ولكن لو نظرنا بموضوعية متجردة أعتقد أن صاحبك هذا بيقطر محنة وحنية .. لأنو الحنظل ده علاج لكثير من الأمراض .. وحسب ما عرفت بأن لسانك قبل هذه الحادثة لم تغيره السنوات في الجريف .. فكان لسان دنقلاوي أصيل .. ولكن بعد الحادثة أعتقد لسانك إنطلق وتخطيت لسان أهلك الجرافة ( فصاحة ولماضة وبس ) وأيضاً حسب روايتك بأن هذه الحادثة منذ فترة .. ولكنها مازالت راسخة في ذهنك .. لذا أجدها جعلت حبل الود متواصل بينك وبين صاحبك .. فسوف تتذكره في كل لحظة وفي كل حين بالخير .. والدليل على ذلك أجدك ذكرت كلمة صاحبي في أكثر من موضع .. لذا أتمنى أن يظل حبل الود ممدود بينك وبين صاحبك وربنا يكثر من أمثاله ..

نـسأل الله أن يـديـــــم الـمــودة بـينهـما بـس مـن دون حـنظـل
ودمتم لنـا
خـضر حـسن

» خالد محجوب اجمل صوت فنان ادا المديح عندكم شك..؟؟؟