دعوة خاصة بناس العولمة والانترنت فقط ولا داعى للاحر

يا ناس المنتدى والمنتديات المجاورة لينا السلام عليكم وكيف قيلتوا يا ناس العولمة ويا الناس المرتاحين ، يا جماعة الدعوة خاصة بجنيات الكمبيوتر وناس الانترنت بس وعلى الحرام وطلاق تلاتة ما يدخلوا معاهم اى ناس ياجماعة انتو موافقين على الدعوة ده ولا عندكم راى اصلوا انا عارفكم انو والله رايكم كتير وجنكم منضمة وكتابة ساى فى الفارغ .
وعلشان اكمل ليكم منضمتكم دى ، على بالطلاق انا عاوز اعمل عرس خاص بى ناس العولمة والانترنت بس وعلى بالطلاق ما يدخل معاهم اى واحد ، ولو عندكم راى احسن تقولوا ، واصلوا انا عارفكم ناس بتاعين شمارات بس وقلقصة ،
ياجماعة انا ناوى اعمل عرس وعلى بالطلاق المازون بتاعو لا زم يكون بدر وانا عارف بتقولوا لية بدر والله كيدن فيكم بدر وبدر وبس لانو الوحيد الفيكم العندو دقن وقرة صلاة يعنى ما ينفع الا مازون . عاجبكم ولا ما عاجبكم . واه يا جماعة بعد المازون فى شنو ، طبعا يا جماعة فى وكيل العريس وطبعا ناس العروس مخيرين انشاء الله يجبوا فايزة عمسيب انا ما عندى دخل فيهم ولا كمان دة عندكم فية راى وما اظن عندكم. وطبعا الوكيل على بالطلاق وطلاق بالتلاتة لازم يكون اخوى وحبيبى ود نابرى وانا عارف كلامكم كتير وكيه كدة ودنابرى وما عاجبوا يشرب من البحر ، لانو الوحيد الفيكم لابس بدلة وكرفتة وكلامو سمح تب ولبسوا سمح يعنى والله يغش ناس العروس والترابة دى تكيل خشيماتم . وه يا جماعة فضل شنو فى رايكم ولا رايكم كمل والله تتابعونى انا وانا اكمل رايكم وراى بكتة منكم . اه انا ياجماعة فضل وزير العريس وعلى بالطلاق لازم يكون اخو رحال وليه رحال وقلت لى تانى كية فيكم رحال شكلوا شديد فى الحساب وكلامو كلو شعر يعنى بيحاسب صديقات العروس ويطلعهم ساكت لا كوفير ولا حنانة والبنت الشليقة فيهم على بالطلاق يقفل خشمه شعر ومنضمة بس .
يا جماعة اواصل ولا اقيف والله انا بشوف احسن اواصل علشان تانى ما بتدونى فرقة معاكم . اها يا ناس العولمة فضل الحفلة وعلى بالطلاق لا زم يكون اخوى تسالية وليه تسالية ولو ماعجبكم والله الزول دة معزبنا بالشعر والغونا والله انشاء يقدم الفنان وطبعا هو شديد ولضيض بجيب الفنان انشاء محمد وردى يمتعوا الله بالصحة
اه يا جماعة فضل الكروت وطبعا الكوت دى عاوزة زول عارف عناوين كل المنتديات و دواح بين المنتديات وطبعا الدعوة فقط لناس العولمة والعولمة جات ودى اخونا اخناتون بقدر عليها وصاف ودواح . واه ياجماعة فضل الحنانة والطباخ ايه رايكم اديكم فرصة معاى وعلشان تشاركونا فى راى عليكم بترشيح الناس ديل للحنة والطباخة وطبعا بجونا ناس هاى كلاس علشان كدة لازم ترشحوا ناس هاى كلاس . وناس قريعتى راحت خلوهم للمناسبات القادمة والله ديل هم البسدوها وبقدوها لكن يظهر غالبنبهم حنك ساكت . وطبعا فى البعض مستغرب كيف ما رشحت اخوى ابو القاسم ده راجل المهمات الصعبة وما تدخلوا فى الموضوع ده

ابشر يا عريس

ما عندك عوجة تب

بكره بمشي اتفق مع ناس المطبعة وبكلم بدر ورحال

عشان يمشوا يشترو الشيلة ويحددو مع ابوالعروس

عشان ود نابري مشى يحجز البدلة .

معليش تساليه كان ماشى معاهم لكن مشي يعربن الفنان

حننوه حننوه ناس منتدى الجريف الليلة جوا
ابشر ياعريس ربنا يتمم على خير وأتمنى ان يكون العرس جماعى
لتكتمل فرحتنا جميعا حقيقة لست ادرى اخوانا ا‘خناتون والزعيم تسالية إذا
يقبلون بان يكونا معنا فى اللجنة المنظمة للزواج الجماعى تضامنا مع شباب الوطن من أجل
إكمال المشروع الحضارى ؟

(مع صوت الناى انا يا مناى وانا طول حياتى اغنى ليك)
اغنى ليك لصباح بس ما تزعل لو المعازيم هربو لانو اخوك صوتو حمارى
وبخصوص الشيف انا برشح الشيف المصرى( اسامه السيد )
والحنانة تكون (ستونا) لانو المعازيم هاى كلاس

هههههههههههههههه

الرائع .. الجميل .. الأنيق حافظ ود العبيد .... تحياتي يارجل تلحق بك من البهجة والسرور كما أبهجتني

*************************

مبروووووووووك عليك ألفين مبروك وربنا يتمه بالعديل والزين .. إنت عارف والله الكلام غالبني من كتر الضحك

أما أهل العروس .. يمين اخليهم ليك محل ما يقبلوا يغلبهم ومن أسه أسمعا مني مبروووووووووووك عليك تب .. والله يستر على أخوي رحال والله يكون في عونه ....

لكن كدي النسألك انت سيرتنا دي ماشه على ويييييييييين ؟؟؟ لأنو في محلات الشبكه عندي بتكون خارج التغطيه ... هههههههههههه

كل سنه وانت طيب ياغالي وعساها ضاحكة سنينك

اخى ودنابرى
والله خفت اديك حقك حتى بالكلام حتى لا يظن البعض او حتى لا يكون هنالك شى من حتى ،

وطبعا انت فهمتنى ولكن كن واثقا باننى سوف اذهب الى محل فية شبكة وشبكات وكلوا تمام التمام ولكن لقصة

العرس الانفة الذكر بقية وايضا بقية واظن انها سوف تستمر فى شكل حلقات لو لقيت تجاوب من كل فئات

المنتدى وشدوا حيلكم واستفزونى لاننى سريع الذوبان وعلى بالطلاق اسرع من نيدو .

ولى معك رجعة ورجعات وانشاء الله يكذب الشينة

اخوك
ودالعبيد

]ألم الفراق يهز أعماق الفؤاد ويبث شكواه الحزينة فى البلاد
وبقول ياصحابى الكرام
تمهلوا ما كلنا ينوى فراقا وإبتعاد
التحية لك يا ودنا برى وانت قريب بعيد ، اخونا العريس ودالعبيد ودطه أظنو ماشى لبلد بعيد وماهو
قريب عشان كدا لازم نحاول نقرب المسافة وبت الحلا ل تكون من سودانى لانو مضمون الشبكة و
كمان معاهو فيلا وسيارة ويا تسالية خليك قريب ستونا قريب بالفريق ولا شنو يا عريس العولمة ؟[ music

يا رحاااااااااااااااااااااااااااااااااااااال وينك انت البنوت دين عزبنى

ومافى واحد بقدر عليهم الا انت يااااااااااااااااااااااااجماعة نبهى رحاااااااااااااال بخصوص

الموضوع دة ولا وعلى بالحرام عندى موضوع تانى

الغرقان

ود العبيييييييييييييييييييييييييد

اخى بدر دة دايرة شوية صبر منكم ودايرة ايضا دفرة

والله ناس الانترنت والعولمة مواضيعك جاهزة

وما بتدوها اى دفرة وبعدين موضوع ستونا دة

عندى فيه راى كبييييييييييييييييييييييييييييييييييييييييييير

قدددددددددررررر ستوننننننننننننننننننننننننننننننا

وعلى بالطلاق الراس ملان كلام

لكن خايفين من تلاويحو

بس ادو اخوى رااااااااااااااحل دفرة

اخوكم ود العبيد

الف الف الف الف الف الف الف الف مبروك اخ حافظ وربنا يتم على خير

مع انها متأخرة لكن مامشكلة لانو صينية الغدا جاهزة جهزتها من بدري

ماكنت عارفة جايبين اسامة السيد لكن مامشكلة يتم باقي الاكل ....

وان شاء الله السيرة حتكون لاي منتدى؟؟؟

الاخت سودانية

شكرا على المرور وصينية الغداء وطبعا انا ما بجيب الا سودانى ومن المنتدى والاخوان الطباخين

ماشاء الله كثر ، اما بخصوص السيرة طبعا المحلى داخل عطبرة وزمان جدنا محمد ود الشفيع

قال البجاوز الجدول والجدول هذا فى اخر الجريف من ناحية امدوم والان توجد به مدرسة الشهيدة سلمى حاج الطيب الله يرحمها ، ما مننا . ونحن ماشين بهذه الوصية والا يقولن دايرات يقرن بمعنى الا ان نرفض بعد هذا طبعا ماعندنا الى لوم

ودمتى بخير وصحة

ودالعبيد

الاخ المحتفى به العريس ودالعبيد

شايف الموضوع ماشى على خطى ثابتة وهناك مساعدات ظهرت من الاخت سودانية ومعروف عمل الخير

ربنا بتمو وأقول لسودانية عليك الله كترى من الكسرة بس على شرط ماتكون خميرة عشان عندى المصران

العصبى الجابو لى تسالية وأخوه الثائر إخناتون وكان ياسودانية إنت تجيدى الطبخ زيدى من الحلويات والكيك

الفرنسى لانو هناك معازيم حايشرفونا شخصيات كبيرة وهى الان تم إشتراكها بالمندى ونريد نكمل الفرحة بوجودهم

معنا ألا وهو الاخ عادل مختار الزين شدو الهمة وكتروا من اللقمة أقصد العصيدة الحأأأأأأأأأأأأأأأأأأأأأأارة

أنت عارف ياحافظ الظاهر بدر
لمن مشي يجيب الخضار سفسف الفواكه
والبطيخ الظاهر كل الماذونين كدا أصلهم
بحبو الطيبات والحلاوه حقت العقد وعملا فينا
انا وتساليه .
لكن لو قلت ليهو أمبارح اتعشيت بي شنو بقول
باميه مفروكة ولو قلت ليهو اتغديت بي شنو بقول ملاح سلج
أصلو بريد أكل الحبوبات الزمان اله يديهن العافية .
وجنو شراب حرجل ومحريب وحلبه وجردقه
يعني المصران العصبي يمشي يفوت وين ؟

عوووووووووووووووووووووووووووووووووك انا بكلملك الرضي المازون

[color:b459="Blue"]

اخيرا ياجماعة شمعة سهرانة نطق يا اخى كدى خلى الرضى المازون ادينى حقى صم

ولا شنو . وبعدين انا قلت خاص بناس الانترنت والعولمة والرضى ده دقة قديمة ونحن
من جماعة بدر وكدى .

شكرا على المرور ولكن حقى تورينا مين البحنن ومين البطبخ وما تسال من حاجة تانية اصلو انا عارفك
اسئلتك كتيرة ومسيخة .

اخوك ودالعبيد

مبروك عليييييييك ياحافظ ده اليوم الدايرنو ليييييييك مبروك عليك

*************

هيا يابه ما تورينا انحنا ماشين لأهل العروس بتين عشان نجهز الحال

ونبري اللسان للنضمي

ود العبيد جهز لى عداد الفنان انا واخناتون عشان

نمشى نعربنو وكان قروشك ما جاهزه نشيل من بدر وانت حاسبو بعدين
(الفنان اشترط تكون القروش بالريال لانو العريس مغترب)

عووووووووووووووووووووووووووووووك خلاص ياود العبيد انا بكلملك ( الرضي المازون)

خلااااااااااااااااااااااااااااااااااااااااااااااااص ياود العبيد الصفرجي (ع) راجك شنو ماتضحك ياترى عرفتو الغريه حروف الاولى كلها بـ (ع) اوعى تكون اجهجهتا ههههههههههههههههه

ده كلو كووووووووم الخيمه دقيتوها ؟؟؟

شنو ياجماعه عريسنا وين ... والله البلد براهو مسيييييييييييييخه

يا ناس هووووووووووووووووى السلام عليكم والله مشتاقييييييييييييييييييييييييييييييييييييييييييييييييين شديييييييييييييييييييييييييييييييييد ونأسف للعطل الفنى والتاخير وانا منتظر ناس العولمة يدفعى لى بتاع المواصلات علشان اصل نا س العروس ولكن يظهر ناس الانترنت ماعندهم كلام الدفتر والدفرة

. ولكن اطمنكم انها ادبرت والحمد لله وانشاء الله . والمواعيد قريبة جدا ، وشكرا اخوى ود نابرى

للسوال ونحن بنعرف الناس وما بنقول ديل ناس مدن وبتاعين بدل على بالطلاق نحن بنعاين الى داخل البدل وشكرا للمرة التانية

اخوى ودنابرى

اسال منك الخير

انت يا اخوى الشمارات بتاعت اولاد الانترنت دى كتيرة ومسيخة ولو اخوك صرح من اسه والله يا اخوى سوقو بيقيف اخير لحدى اخر لحظة اكون فى السوق لاننى لو جيتك ومشينا ناس فلان وناس علان يحترمونا ويدونا البيسى والشاى والكيك ويطلعوا احسن اقطم الكبابى على امل ان يكون العريس من حظهم اما اخوك لو اعلن من اسه والله شاى احمر ما تلم فيه احسن كدى نعمل شوية شحم ولحم وبعدين نعلن ، لان والله ناس الانترنت ديل ناس شمارات ساكت ولا دايرة مشوار ومشى كتابة بس تطلع فى سقط لقط خلينا كدى كويسين والله يكتر العوازيم والحليفة على العزومة .

ولا الراى شنو

اخوك ودالعبيد

حافظ العبيد الطاهر كتب:

يا ناس هووووووووووووووووى السلام عليكم والله مشتاقييييييييييييييييييييييييييييييييييييييييييييييييين شديييييييييييييييييييييييييييييييييد ونأسف للعطل الفنى والتاخير وانا منتظر ناس العولمة يدفعى لى بتاع المواصلات علشان اصل نا س العروس ولكن يظهر ناس الانترنت ماعندهم كلام الدفتر والدفرة
. ولكن اطمنكم انها ادبرت والحمد لله وانشاء الله . والمواعيد قريبة جدا ، وشكرا اخوى ود نابرى
للسوال ونحن بنعرف الناس وما بنقول ديل ناس مدن وبتاعين بدل على بالطلاق نحن بنعاين الى داخل البدل وشكرا للمرة التانية

تعاين يا أخوي وتشوف النبي وتشرب من حوضه قول آمين ... الحقيقه وحشتنا كتير وناا نسأل منك ونعرف الباقيه عليك
أها من الليله أبقى ما تطول الغيبه علينا ... وموضوع الدفتر معاك حق ده أهم حاجه ونسيناهو لكن نمسكو لمنو من
اسه علشان يجهز حالو ... أنا باقترح أحمد الحاج عبدالصادق (ahmed) الزول بنضمن وزول دين وبخاف الله
ولا الراي شنو ؟؟
وأبقى بعافيه أبد الدهر

اخوى ود نابرى

يا اخوى موضوع الدفتر ساهل وقبل الدفتر وين حقكم انتو وقبل ده كلو انت دحين نحن المنتدى بتاعنا ده منتدى فاتحة عزاء اصلوا الشكية لله مافى بنية واحدة تزغرد او تتبرع بالحنة مافى ولا منشنات .

والله الحكاية شنو بالضبط . والله منتدى الجريف عامل زى فرن عامر . عزابة سااااااااااااااااااااااااااااااااكت الشكية يا يابا لله لابو اليد القوية

» مجرد سؤال ولا داعى للفلسفة
» دعوة للدردشة
» دعوة للجهاد
» دعوة حضور
» الحب دعوة للعيش