حافظ عبيد عريس ..!!..

الإخوة الأفاضل ..
بالعديل والزين .. والشبال المو شين ..
يتم تاهيل اخونا وحبيبنا ومشرفنا وقائدنا
حافظ ود العبيد وأخوه عثمان يوم غدٍ الجمعة الأول من اغسطس من عام ثمانية وألفان للميلاد ..
وسط زغاريد الأهل والحبان والجيران والأصدقاء ..
الكل فرح بهذا التتويج الذي طال إنتظاره ..
والكل يتمنى العاقبة للعزابة ..
ومن هنا أدعوكم لمشاركتنا هذا اليوم السعيد ..

Rolling Eyes

والعزابة يمتنعون .. Rolling Eyes

عقبالك ها .. (الكلام ليك يا المنطط عينيك) .. Laughing

ألف مليون ترليون مبروووووووووووك اخونا حافظ
وربنا يهنيكم آمين آمين آمين ..

ودمتم لنا ...

تحقيق الامال سهل وميسور لمن امتلك نفساعظيمة وإرادة قوية تتجاوز الاحزان إلى السعادة الدائمة ياأخى حافظ
عبيد وألف مبروك وبيت مال وعيال .
ود العبيد مبروك عليك دا اليوم الدايرنوا ليك . والعاقبة لبقية الشباب
وراجعين

الزهور الشايله منك
روعة اللون والاثاره
والقمارى الراجعه بسراع
لى دياره ولى صغاره
والجروف المن عيونك
كان خداره وازدهاره
وصونى ليك وقالوا لىَّ
ابقى عشره على الاميره
خلى بالك لى عيونها
وابتساماته المثيره
ولو سرح خاطر صباحك
وعدى فى ليل الضفيره
ابقى اكتب للوسامه

مليون مبروك ود العبيد وان شاء الله بيت مال وعيال وعقبال لكل العزابة.

أساور في إيدين طفلة بتحفظ في كتاب الدين ..
زفاف عاشقين بعد فرقة .. وسط باقات دعا الطيبين ..
* * *
الليل ليل العديل والزين .. والليلة العديلة تقدموا وتبرا
الليل ليل العديل والزين .. والليلة العديلة حافلة بالبيضاء ..

ودمتم عرساناً ...

تتعالى الأصوات .. وتمتزج العبارات
وتتحرك الأنامل لتخط كلمات ..
لتبقى في القلب ذكريات ..
ولاأملك سوى بضع كلمات لترسم لك
التهاني والتبريكات .. فأقول ألف ألف
مبارك بكل مايحمله اسمك ( حافظ) من معاني ..
أسعدك الاله ووفقك .. ورزقك الذرية الصالحة
التقية النقية ..هبة من ربنا ورب البرية

ويا ودسنقد كيــــــــــــــــــــــــة كدا انحنا عذابة وبنشارك..
لكن قربنا.

احمد عوض الحاج النميرى كتب:: ويا ودسنقد كيــــــــــــــــــــــــة كدا انحنا عذابة وبنشارك..
لكن قربنا.

هههههههههههههههههههه Razz

نحن زااااااااااتنا قاصدين إنكم يا عزابة تشاركوا معانا ..
عشان الشغلاني دي تحز في نفسك شوية ..
وتحرك فيكم ساكناً ..
وتثير فيك شجوناً كنتم تكتمونها عفاً وتذكرون ذلك اليوم هيمانا .. Basketball

عقبال كل العزابة يا رب ..

ودمتم لنا ولها ...

الف ... الف مبروك ... يا حافظ والله بختك وهنيئا مرئا لك ...

إن الله مع الصابرين ... اذا صبروا
شد حليك وصدقني دنيتك حا تتغير!!

مبروك ألف مبروك ياحافظ وأيام عمرك كلهـا سعادة وهنــاء يارب
وتغلبها بالمال وتغلبك بالعيال وسنين فرحانه وتريانه هنـــا يارب

أللهم انا نسألك بما سألك به حافظ ود العبيد

نكتب والفرح يغمرنا .....

ونسيم الشوق يملؤنا ......

والاحرف تتراقص على الورق.....

لنرسم لك اجمل لوحة.........

فرحة ..... بسمه ...........

ونقول لى حافظ........

بارك الله لكما وبارك عليكما وجمع بينكما بخير .......

الزول ده غريب خالص انا منتظر وصولو
جدة اسمع انو عريس
اصلو حافظ دة كم شخصيه
عموماً خايف يكون فى واحد تانى
اسمو حافظ عبيد
مبروك بيت مال وعيال
للاخوان حافظ وعثمان
العقبال لينا انا وعصام واستاذ خضر
عمر حسن ومعز وعم عبدالمنعم
لو الشباب مادايرين
يعرسو
قاصد الجماعة
ناس وداختى رياء وتساليه واخناتون والهنود كلهم
ابو تراجى

هههههههه صدقت يا ابو تراجي ..
لو الجماعة ممتنعين وخصوصاً الهنود ..
عقبالكم إتو وأنا معاكم .. مالك نسيتني ؟؟

وربنا للعزابه ..

ودمتم لنا ...

حافظ ششخصية وااااااااااحدة يا ابو تراجي ..
بس متعدد الألوان الزاهية والبراقة ..
إت عارف .. الراجل يكون زايق من كرمك اللامتناهي ..
وخايف يجيك في جده تحلف عليه حرام وتضبح ليه صهريج ..

وبرضو عقبال العزابه ..

ودمتم غير عزابة ...

[size=29]مشكور حبيبي ود سنقد

http://www.sudanradio.info/arabic/modules/debaser/player.php?id=54
مبروك ألف مبروك ياحافظ وأيام عمرك كلهـا سعادة وهنــاء يارب
وتغلبها بالمال وتغلبك بالعيال وسنين فرحانه وتريانه هنـــا يارب
أللهم انا نسألك بما سألك به حافظ ود العبيد
كلام الهندي جميل .[/size]

بسم الله الرحمن الرحيم
ألف مبروك للإخوة حافظ وعثمان و عقبال { لأشرار المنتدى}.
كتب أبو تراجى:ــ
العقبال لينا انا وعصام واستاذ خضر
عمر حسن ومعز وعم عبدالمنعم
لو الشباب مادايرين
يعرسو .
كتب عبد الله محمد عبدالله:ــ { تعليق على 100 حكمة لمحمد كمال الدين}
43-لزواج يأتـي بـدون سـابق إنـذار كما تقع نقطة من الحبـر الأسـود على ملابس الانسان .

بس هنا وقف شوية...

فعلا ... وانا لحدي الان مستغرب .. الانسان يخطط لوقت طويل لشريكة حياته

وفجأة يلقه نفسو عريس من واحده لا في البال ولا في الخاطر...

عشان كده احسن انو الانسان يعرس اول حاجة وبعدين يخطط لشريكة حياتو!!!

أظنك يا أبو تراجى عاوز تعمل بالفكرة الطريفة لعبدالله ود أمحمد وعاوز تورط معاك عصام لأنكم خلاص عرستوا وفاضل ليكم التخطيط لشريكة الحياة.
* بخصوص عصام هو عارفك متخصص كبارى يعنى حتعمل كبرى كروى ليعبر عليه عصام قدام النسابة ؟؟
* بخصوص أبو مصعب الحمزاوى فهو أول من هدد أشرار المنتدى بتأهيل التعزيز .
***** [ لاحظ5 نجوم] بخصوص المعز وعم عبد المنعم...
فهل نسيت الدال عمداً ... ام نساك الدال سهواً. [ الدال بعد الواو].
مجدداً التهانى للعرسان و عقبال للجميع ما عدا قائمة ابوتراجى.
وشكراً أبو تراجى على الجرجرة.
ودمتم لنا.
خضر حسن

الحافظ العبيد اخيرا
ازول لا حولا ولا قوه الا بالله
الف مبـــــــــــروك وبيت مـــــــــــال وعيال
وهي تقلبك بالعيال وانت اغلبها بالنضمي والكلام
وربنى يسعدك انشاءالله وعقبـــــــــــــــــالنــــا

حافظ عبيد عريس ..!!.. Wedding_1_L

بالتوفيق انشاءالله
حسن

العقبال لينا انا وعصام واستاذ خضر
عمر حسن ومعز وعم عبدالمنعم
لو الشباب مادايرين
يعرسو
قاصد الجماعة
ناس وداختى رياء وتساليه واخناتون والهنود كلهم
ابو تراجى[/quote]

ابـــــــــــــــــــــو تراجي حبابك ياعريس
سجل اسمك والجماعه بتاعينك في الزواج الجماعي لمنتدى الجريف شرق
وبالمره تشجعونا وبالمناسبه بنعملكم تخفيض عشان منكوبين وكدا لا تخافوا

الخدر اخوي خليك ماسك على جمر القضيه ومايجرجروك الجماعه ديل

عبدالله ودمحمد الصبر مفتاح الفرج واذا كمل عليك بالصوم فانه لك وجا

الهندي اخوي تابع لي الهنود ديل انت ود جريف قمر لمن تلقى الجماعه كلهم عرسو وتبور

تحياتي حسن

[size=24]
اهـــــــــــــــــــــــــــــــداء للعزابه فقـــــــــــــــــــــــط
[/size]

حافظ عبيد عريس ..!!.. Wedding_2_L

حسن

آلاف التهاني والتبريكات للأخ / حافظ العبيد وأخيه مع خالص تمنياتنا لهما بالسعادة وبيت مال وعيال إن شاء الله ...

الف الف مبروك للاخ ود العبيد

وانشاءالله تسعد
شفت الشمس

بضوى فى حفلة عرس

وطبعا ده اصلو المستحيل

تطلع شمس والدنيا ليل

لكن وحات وطنى الجميل

والخضره والظل الظليل

شفت الشمس بعيونى ديل

فى الحفلة بتغنى وتشيل

شفنا العريس قام قوًمها

حلف عليها وخصمها

بس رقصة واحدة تقدمها

واتدللت متبسمه ...

قامت عزيزه مكرمه ..

وبى خطوه حالمه منغمه

الخطوه جات متقسمه

خلت قلوبنا مقسمه ..

دى هديه جاتنا من السما

وحفلتنا بيها .. بنختمها

(طبعا الكلام ده ح يكون على لسان ود سنقد بعد حفلة ود العبيد)ههههههههههه ههههههههه

[size=29]شفت الشمس بعيونى ديل

فى الحفلة بتغنى وتشيل
.... .... ....
يا سلام على ذوقك الجميل يا تسالية. كلمات تفيض بالحب والحياة والجمال ... تأخذ من يقرأؤها فى سفر بلا عودة ويجد نفسه فجاة وسط زغاريد أفراح حافظ واخيه وافراح آل المنتدى.
ودمتم لنا
خضر حسن[/size]

ألف مره تانية وتالته ومليون مره للغالي عريس المنتدى الأول
حافظ العبيد وملايين التبركيات لعروسة وربنا يبارك ليهم ويسعد أيامهم يارب

وملايين التبيركات لعثمان العبيد أخو عريسنا حافظ وعروسه وربنا يسعد سنينهم
ويبارك ليهم والعقبــــال للعزابة واحد ورا التاني

طبعا يا شباب الراجل خلااااااااااص إدمر هههههههههههههههههه
بحمد الله وتوفيقه إنتهت العيزومة ..
وستكون الدخلة يوم الأربعاء القادم بمشئة الله تعالى ..

وربنا مع العزابة ..

ودمتم لنا ...

نساليه كتب:: (طبعا الكلام ده ح يكون على لسان ود سنقد بعد حفلة ود العبيد)ههههههههههه ههههههههه

أبشر يا تسالية ..
ليك علي أقولها ليك في الحفلة ..
بعد ما أشنق الطاقية فوووووووووق .. وألبس ليك الجلابية المو خمج ..
وبعد ما انتهي أقول ليهم دي قصيدتي أنا ..
وآكل ليك حقك الأدبي .. رأيك شنو ؟؟

ودمتم لنا ...

إستعارت الكلمات حلة زاهية لتطل عبر نوافذ الفرح ..
وهي تغازل النسمات والإبتسامات الروائع لتتوج لحظات الزمان
بالعسجد وعبق العبير المضمخة بفرح الاهل بالجريف الحبيبة قاطبة ..
لنعلن على مدار اللحظة دخلة الشاب الأنيق الحافظ ود العبيد ..
في لحظة زفاف بعيدة عن أعين الحاسدين ..
وتهنئة بطعم الروعة والصدق للسيد العريس ..

وعقبال العزابة ..

واللكلام ليك يا المنطط عينيك ..

ودمتم لنا ولها ...