............

حبابك عشره يا زائر
 
الرئيسيةالتسجيلدخول

شاطر | 
 

 بشرى للموظفين........؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: بشرى للموظفين........؟؟؟   الخميس 14 أغسطس 2008, 6:39 am

[size=12] السلام عليكم ورحمة الله
أصعب امتحان في هزه الدنيا هو: تقسيم مرتب موظف ليصل منتصف الشهر وليس آخره..............
فمن عجائب الدنيا ان اى مرتب لا يقبل القسمة علي 30يوما ............؟ حتى ولو استعان ب:
(فيثاغورث او انشتاين ) لكى يمطو المرتب حتى نهاية الشهر فسيصعب الامر عليهم وسوف يزهبون الى حساب سرعة الكواكب والاجرام السماوية فقد يكون اسهل.
ولزلك اقترح علي السادة الموظفين الاتى حتى يصل المرتب الى منتصف الشهر:
1> فطور بكيس تسالي .
2> غداء بى فول مدمس.
3> عشاء يكون ببضع حبات لالوب ويا حبزا صادر الابيض الاصلى.
مع العلم عزيزى الموظف هزا التقسيم لحدي يوم 15في الشهر والباقى الله في؟؟؟؟؟؟؟
والغريب يا اخوانا انو المرتب زاتو ضئيل جدآ بزيدوه شويت بهارات( بدلات وعلاوات وكده؟؟؟؟؟ )
والشهادة لله البهارات دى بعض مرات بتكون احسن من المرتب زاتو يعنى بتجى سمينة.....
يعنى مثلا( بدل وجبة وبدل لبس وبدل عدوي )لاكين في نفس الوقت الاسعار بتكون اسمن واوفر صحة

يعنى الكلام ده زى الواحد يمشى يشترى كيلو عجالي يقوم الجزار يديهو عجل كامل زيادة
يعنى الاسعار تدور مع عقارب المرتب عكس عقارب الموظفين ولا شنو؟؟؟؟؟؟؟؟؟؟؟؟؟؟
ويا اخوانا الموظف من يوم 15 بتاع الدكان زانقو وبتاع اللبن يزرزر فيهو وبتاع الموية وبتاع الكهرباء ..الخ
وعشان كده انا بقترح اضافة الاتى الي المرتب :
1>بدل المدافرة: وده عشان رحلة العودة من والي العمل اصعب من الهجرة الي الحبشة في بداية الاسلام
والفوز بمقعد خالي في الحافلة يشبه الفوز بمقعد دائم في مجلس الامن.
2>بل زهج: من الصباح الشفع دايرين حق الفطور ودايرين حق درس العصر وحق المديرة
الفارضاهو علي مجلس الآباء......الخ
3>بدل بعوض: ياخى من بدري مفروض يعملو بدل زى ده ما الحشرة دى بتستمتع وهي بتقز ابرتا
في جلودنا,التقول ماكلا ليها قرن شطة حاااااااااااااااااااااااااااااااااااااااااااااروتقبل عليك
ومفروض يكون معاهوبدل ملاريا ماالبعوضة دى يا اخوانا ما بتدينا فيتامين( د )
بتلجنا بطفيليات ملاريا تروح الواحد كم اسبوع كده ولا شنو؟؟؟؟؟؟؟؟؟؟؟؟؟؟؟؟؟؟؟
4>بدل صلعة: من اهم اسباب (متلازمة لمعان الروؤس )واتمني اني اكون اتوفقتا في اختيار الاسم
العلمي للصلع, هى الوظيفة اي موطف شفتوا عندو صلعة مترامية الاطراف تعكس اشعة الشمس
(شمس نصت نهار الحااااااااااااااااااااااااااااااااااااااااااااااااااااااااااااااااااااااااااره ديك)
ومرات الموظف براهو بنتف شعيراتو شعره شعره (تضريبات اخر الشهر وكده؟؟؟؟؟؟؟؟؟؟؟؟؟؟؟؟؟؟؟).
وياااااااااااااااااااء الحكومة دايرين بدل مديدة وحرقتنى............؟؟؟؟؟؟؟

وكفايانا نقه لحدى هنا
[size=24] sudan وسودانى الجوه وجدانى بريدو

$$$$$ودمتم $$$$$[/size]
الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: بشرى للموظفين........؟؟؟   الخميس 14 أغسطس 2008, 9:35 am

كيف نتعلم إلتزام الحق والحق كلمة نقولها وقد يكون السكوت عنها فى بعض المواقف أولى :
( نحن إن أشرق الصبح نترك النوم ونصح )
نعم يجب علينا الالتزام النفسى والسلوكى ونقوم بواجب الحق كاملاً مهما كلفنا وذلك من تضحيات بما فى ذلك
الانفس والاموال والسمعة .
(جهاد -نصر - شهادة )
إلتزام الحقيقة والحق أمر بعدت عنه الجبال ولايستطع القيام به حقاً إلا إتباع الاشياء ممن رحمهم الله فى
الدنيا والاخرة . (كل شىء لله كل شىء لله )
ويا عزيزى الفاضل العلم لايغنى صاحبه دون الفهم والفهم لايصلح الاجيال دون الوعى والوعى ليس
له قيمة دون العمل بالعلم . (عزراً ما تفهمنى خطاء لك الود وكل التقدير )
هذا أصعب إمتحا ن .( لاتعطنى سمكة علمنى كيف أصيد )
مجانية التعليم -مجانية العلاج - مجانية شنو .. ومجانية ..... وسودانى الجو وجدانى بريدو ...
وراجعين
sudan
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: بشرى للموظفين........؟؟؟   الجمعة 15 أغسطس 2008, 7:48 am

[size=18]عزيزى بدر لك كل الود
ومرسى على الرد الموضوعى
لاكين فى زمننا ده اكان خلوك تصطاد كلو هين؟؟؟؟؟؟؟؟؟؟؟؟؟؟

sudan وتانى سوداني الجوه وجداني بريدو؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ودمته[/size] computer
الرجوع الى أعلى الصفحة اذهب الى الأسفل
تيتاااا عوض
عضو جديد
عضو جديد


عدد الرسائل : 16
تاريخ التسجيل : 16/08/2008

مُساهمةموضوع: رد: بشرى للموظفين........؟؟؟   السبت 16 أغسطس 2008, 7:22 am

شكراا على الموضووووووووووع الجميل ده
Sad
الرجوع الى أعلى الصفحة اذهب الى الأسفل
جغلونا
عضو جديد
عضو جديد


عدد الرسائل : 3
تاريخ التسجيل : 20/05/2008

مُساهمةموضوع: رد: بشرى للموظفين........؟؟؟   الأربعاء 20 أغسطس 2008, 2:16 am

]العزيز كمبو [/عنوان موضوعك زى المهية من (من بره هلا هلا ومن جوه..,) المعنى يالكاشف اخوى انومن العنوان استبشرنا بحل للمشكلة الازلية لاكن اااااااااااااااااااااااااااااااه وتانى شايفك مركز على المعرسين وعندهم كوم لحم ونسيت الناس البحلمو بليلة العمر(زى مابقولو)وحسب علمى انك اول واحد بتحلم :يعنى ياكمبو الواحد مايفكر فى الموضوع دا ولك خالص الود ياكمبو (قلتا العشا بشنو يا يا ياقاسم ........ سورى ياكمبو).
الرجوع الى أعلى الصفحة اذهب الى الأسفل
نبيل احمد علي
قلم ذهبي
قلم ذهبي


عدد الرسائل : 628
العمر : 30
الاقامة : ارض الطيبة والطيبين
المهنة : موظف
مزاجك اليوم :
تاريخ التسجيل : 09/07/2008

مُساهمةموضوع: رد: بشرى للموظفين........؟؟؟   الأربعاء 20 أغسطس 2008, 5:44 am

سلاماتي يا عبدو
موضوعك جميل بس يا حصان تزكر انك تناولت طبقة معينة من الناس

فهناك ياعزيزي ناس عايشين في الدنيا ماكلين بدل التسالي هوت دوق وبدل الفول فراخ وبدل الالوب بيتزا وانسي فهنالك من هم علي وجة الارض
ماشغالين بي المرتب ولا بي البدلات واتفق معك ان البدلات غالبآآآآ ماتكون اعلي خالص من المرتب واقل بدل حاجة تلقاهو الشي الفلاني
غايتو ياخوي الله يكون في العون

********************************************
ربي صبرنا واعفو عنا وزيد مرتباتنا وكتر من سجوكاتنا وبارك في شاورماتنا ودم علينا سمكاتنا
********************************************
عزيزآآآ انت يا وطني برغم قساوة المحن
الرجوع الى أعلى الصفحة اذهب الى الأسفل
عبدو(كمبيوتر)
قلم ذهبي
قلم ذهبي


عدد الرسائل : 817
العمر : 31
الاقامة : khartoum
المهنة : technition of nursing (coronarycare unit
مزاجك اليوم :
تاريخ التسجيل : 17/07/2008

مُساهمةموضوع: رد: بشرى للموظفين........؟؟؟   الأربعاء 20 أغسطس 2008, 6:55 am

[size=18]احبائي بلبل و جغلونا
بعد السلام
كانت تلك (هترشات ) ياعزيزى جغلو نحن في زمن الفكرو قبلنا دقسوا يعنى
نحن كمان ندقس وطبعا زى ما انت عارف انا من اشد (الحاليمين )ازا
صح التعبير ب(ليلة العمر البتقولا ) الموضوع حقيقى ومن البداية انا
قاصد الموظفين والرجال تحديدا .حقوا نبطل كلام الطبقات دا يا
بلبل . ماهو في النهاية كلامي صحيح .وانا من راي يا جغلو
تعمل نائم من الموضوع . انا لا وزير ولا ممكن راي
يغير شى . كل الموضوع مزحة لاكين مزحة واقعية
وملحوظة للجميع.
ولا حرااااااام علينا الكتابة ياجغلو

وبلبل
عبد اللطيف محمد
رئيس تحرير صحيفة اخبار اليوم
smart وتوبا من الكتابة
ودمتم bravo bravo bravo
computer
[/size]
الرجوع الى أعلى الصفحة اذهب الى الأسفل
تيتاااا عوض
عضو جديد
عضو جديد


عدد الرسائل : 16
تاريخ التسجيل : 16/08/2008

مُساهمةموضوع: رد: بشرى للموظفين........؟؟؟   الأربعاء 20 أغسطس 2008, 11:20 pm

سلالالالالالالالالالالالالالالام كمبLaughing يوتر
الرجوع الى أعلى الصفحة اذهب الى الأسفل
وليد عثمان علي سنقد
مشرف
مشرف


عدد الرسائل : 1546
العمر : 41
الاقامة : الجريف أرض الطيبة والطيبين
المهنة : موظف
مزاجك اليوم :
تاريخ التسجيل : 25/02/2008

مُساهمةموضوع: رد: بشرى للموظفين........؟؟؟   الخميس 21 أغسطس 2008, 4:36 am


المرتب لا يكاد يتعدى العشرة أيام الأولى من بداية الشهر ..
هذه حقيقة .. بحساباتنا المنطقية المحدودة ..
ولكن بقدرة قادر تلقى الواحد مصرف في اماااااااااانة الله لغاية نهاية الشهر او قل إلا قليلا ..
وبحساباتنا المنطقية التعبانة يا عبدو ويا شباب يا حلوين ..
بتلقى من المستحيل عمنا الصول المرتبه لا يتجاوز الخمسمائة جنيه أن يعيش يوم واحد فقط
دعك من باقي ايام الشهر .. وذلك بعد أن تحسب إيجار المنزل .. ورسوم الولد في الجامعة ..
ورسوم الأولاد في المدارس .. والبت الفي الجامعة وباقي البنات الفي المدارس ..
ورسوم الروضة والترحيل .. وتأتي إلى مصاريف عمنا الصول بتاعة المواصلات ..
إلى مصاريف البيت من مأكل ومشرب وملبس لكل الاسرة .. و و و ..
فبتفكيرنا الضعيف نجزم أنه لا يستطيع ذلك .. ولكن سبحان الله ..
تجده في منزله أسعد مخلوق .. وعندما يلقاك في المسجد تجده يحمد الله كثيراً ويحلف عليك ما تدفع للكمساري .. ولو في جمعية خيرية في الحلة تلقاه أول الملتزمين بها .. ويتصدق على الفقراء الذين أحسبهم أحسن منه حالاً ..
هي سنة الله في خلقه .. (ومن يتق الله يجعل له مخرجاً ويرزقه من حيث لا يحتسب ... الآية) ..
اللهم إجعلنا هداة مهتدين ..

اللهم بارك لنا في ما رزقتنا ..



ودمتم لنا ...
الرجوع الى أعلى الصفحة اذهب الى الأسفل
 
بشرى للموظفين........؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف العـــــــام-
انتقل الى: