............

حبابك عشره يا زائر
 
الرئيسيةالتسجيلدخول

شاطر | 
 

 قنصلية الجريف

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية
كاتب الموضوعرسالة
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   السبت 18 أكتوبر 2008, 11:18 pm

السلام عليكم ورحمة الله وبركاته

الحمد لله على كل شى
ظهر الحق وزهق الباطل ان الباطل كان زهوقا
بما ان قنصل الجريف الذى نصب على اموالنا و فرض علينا اتوات هو الذى بادر بالاجتماع بجدة لحل الموضوع فيبدو ان الخوف اصابه وسمعنا انه دعا لمبادرة اهل الجريف لحل مشكلة الطواقى
وطبعا عارف ان جدة بعيدة علينا فاننا فوضنا اخونا انس عبد المنعم بالمنطقة الغربية لحضورة الاجتماع نيابة عنا اول خميس فى شهر نوفمبر
والان نحن نهدى من الموضوع احتراما لاخونا الخضر الذى طالبنا بالتهدئة
ونرجو من الاخوان الشفيع وابو مصعب الحمزاوي الوقوف مع الحق وعدم امجاملة اخونا عبد الرحمن علما باننا طالبناه بعمل تسوية بسيطة وهى رشوة اعضاء المنتدى بشراء طواقى ( اياك وباب شريف )

معز عبد المنعم مؤسس جمعية طق لاسترداد حقوق الجريف
ولا نامت اعين الجبناء
الرجوع الى أعلى الصفحة اذهب الى الأسفل
http://aljraif.forumotion.com
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الأحد 19 أكتوبر 2008, 9:24 am

ظهر الحق وزهق الباطل ان الباطل كان زهوقا
بسم الله وينو الحق الظهر ده ياعميان ؟!!
والله اهو دى البتخلى ناس جريف قمر يقولوا الكركاجة العمى !!! ياعميان ياعيان ظهرعنكم الحق اقراء الموضوع تانى عشان ماتجى مطفر ساكت هم جماعتك المطالبين بالجلوس معاى كان ماعارف اعرف من مستشاركم الفلقى وباسو التلفون عشان اوافق فقط بالجلوس معاهم للمناقشه وحل الموضوع
ياجماعة بالله مش معز دة عندو حول فى الفهم مع عدم الشوف !!!
قال شنو ظهر الحق وزهق الباطل ان الباطل كان زهوقا وبى طريقتك دى بالله شفت الحق ده كيف ؟؟
وتهتف بيه زى الجماعة .......!!!
والله كان مابخاف من الكضب اقول معز ده شرب من باقة عصام الفى التلاجة وبدء يهضرب
وبالله عليك الله قول بسم الله تانى !!
غايتو باسال الله يشفيك من امراضك دى (الحول والطشاش )
قول امين يارب العالمين
ظهرشنو قال ؟!!!!!
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الأحد 19 أكتوبر 2008, 9:35 am

ظهرشنو قال ؟!!!!!
انت يامعز ياوداستاذ عبدالمنعم
عصام صاحب القضية ماعندو حماسك ده !!
الظاهر معشمك بى شى كويس ومحرشك على
لكن صدق المثل البقول (المحرش مابكاتل )خايفك تظهر فى المفاوضات بدل عصام الدين بتاعك ده !!!
وبعدين انت موقعك شنو فى فى المكتب الاستشارى ؟!
دير رد مقنع
كدى بالله اتصل على بدر المحامى القبلك عشان تعرف حاجة
ظهر الحق وزهق الباطل ان الباطل كان زهوقا
تظهر فى تلفزيون السودان انشاء الله جم هناى الجنو رقيص !!!!ياعميان
المفتح خالص
ومن جريف قمر
بدر عبدالما
هى قاصد
ابوتراجى
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الأحد 19 أكتوبر 2008, 10:06 am

المشكله يا اخونا ابو تراجى انا ما متحمس لكن كل ما تجى ترد على الموضوع تدينى هبشة علشان كده بتحمس

بعدين ناس الرقيص ديل مالهم ما صلحو البلد وظبطوها تمام التما م
انت بس داير تغير من موضوع الطواقى لموضوع الحكومة
خلينا فى موضوعنا
انت كان من الاول رسلت لينا نصيبنا من الطواقى ( اياك وباب شريف ) كنا سكتنا
بعدين العمى منو اه ده موضوع براه جديد شيل شيلتك
ولقد اقترحت على اعضاء جمعية طق بنفيك الى منطقة جريف قمر او هب النسيم
واذا ما قبلو بيك سيتم نفيك الى المرابيع طبع دى حدود الجريف الاخيرة لانو باقى اراضى الجريف لحسوها الجماعة الا اذا دايرنا ننفيك للحاج يوسف

معز عبد المنعم
مؤسس جمعية طق ( ظهر بعد فحص ال DNA انو عندو صلة قرابة مع اوكامبو اعمل حسابك)
الرجوع الى أعلى الصفحة اذهب الى الأسفل
http://aljraif.forumotion.com
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الأحد 19 أكتوبر 2008, 2:02 pm

شكلو الزول ده داير يحول الصراع بينى وبين عصام الىصراع اممى واكيد عصام واتباعو واقفين معاهو !!!

والله انت مسكين ساكت انت عارف صاحبك ده داير يعملك (كبش فداء ) وخصوصاً والاضحى على الابواب انتبة !!!!
هناك منطقة حدوديه عليها لوحة اعلانية يجب مراجعتها لمعرفت الحاصل
مكتوب عليها
انتبة
منطقة الغام !!!![/size]
[size=29]كويس ياقريب او كام سنة من عمرنا ضاعوا مننا !!!!
بعده بل راسك
قال شنو ظهر !!!
الرجوع الى أعلى الصفحة اذهب الى الأسفل
الشفيع الجزولى
عضو فعال
عضو فعال


عدد الرسائل : 113
تاريخ التسجيل : 10/08/2008

مُساهمةموضوع: رد: قنصلية الجريف   الإثنين 20 أكتوبر 2008, 6:10 am



كتب أبو تراجى:

وان غداً لناظره قريب
ولا نامت اعين الجبناء
والله من وراء القصد
الله أكبر ... ألله أكبر ، نعم يا ابو تراجى ! هكذا يكون التحدى.
الأخ أبو تراجى :
لاحظ الدخول المتواتر ، المحموم و المكثف من قبل المدعو معز عبدالمنعم.
فقط وددت تذكيرك بقولى السابق بانه خطر وأنه ربما كان المتآمر الأول
ويجب أخذ كل ما يصدر منه علي محمل الجد ، ذلك بعرض أقواله على المتخصصين
قى قراءة ما وراء السطور.
كتبت: شكلو الزول ده داير يحول الصراع بينى وبين عصام الى صراع اممى واكيد عصام
واتباعو واقفين معاهو !!
وهل لديك شك فى ذلك؟؟ وهناك أقوال ترددت فى بعض المجالس الخاصة ، أنه ربما
بدأ فى إجراء مفاضات مع قوى الإستكبار الأممى ، تمهيدا للتدخل الدولى ، فى قضية محلية.
لاحظ أن صاحب القضية عصام عبدالصادق مختفى ، أخشى ما أخشاه أن يكون بدأ فى
ممارسة الأساليب الناعمة لإصلاح زات البين. بعد أن شعر بفداحة الأمر الذى أدخل نفسه فيه بدفع
و تشجيع من المنتفعين و" الإنتهازينهّابين"
وهنا نطالبك بأشد ما تكون المطالبة ، الكشف عن أى وساطات يبذلها بي تحت تحت.

كتب أستاذ الخضر:
يـاأخــوانـا بـاركـوهـا { بس الشفيـع مـا يقرأ الكـلمة دى لأنهـا كـلمة سمـاسرة
قوية المفـعـول في بـلع حـقـوق الآخـرين وخـنـق المـعـارضـين}
نرفض بشدة أى شكل من أشكال المباركة
حتى يتم كشف كل المتآمرين ، الظاهرين منهم و المتوارين.
وكتب أيضا:
لأن حـاج عـلى مستـشار فـلقى وليـس فنى
الأخ أبو تراجى أرجو أنا تضع ما ورد أعلاه فى الإعتبار .

العداله مطلبنا
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: قنصلية الجريف   الإثنين 20 أكتوبر 2008, 7:13 am

عووووووك يا ناس !!!!

المنتدى فيهو حكيم وفيهو سفير ... الخ بس ما فيهو قاضي !!! فأنا عاوز اقوم بالحكم في هذه القضية الشائكة والمعقدة..
لحدي الان موضوع القميص ما اتحسم .. وموضوع الطاقة دوّش راسنا
ما عرفنا من الجاني ومن المجني عليه !!
وانا اقترح التالي:
شائف ابو تراجي كان بتكلم عن تسوية بالنسبة للقمصان التي ارسلت معه للسودان، وشائف عصام عبد الصادق بتكلم عن طاقية فقدها في جدة ..!!
يعني خلاص واحده بواحده ..!! لأنك يا عصام الطاقية الرجعت بيها من الرياض ما رجعّتها لابو تراجي وكذلك ابو تراجي لم يصلنا منك ما يفيد انو ود سنقد استلم القميص !

وعليه فالتسوية هي التالي:
1- يحتفظ ابو تراجي بحقة في القميص وله حق البيع او الهبه او الرهن وتوكيل غيره في كل ابو بعض ما أوكل به.
2- ويحتفظ عصام بحقه في الطاقية وله ان يستخدمها كمنديل- منديل الخضر- في حال طلعت ما مقاسو!!
3- يخلى سبيل المتهمين فورا ما لم يكونو مطلوبين في بلاغ اخر.


منقووووووووووول من بوست اشاعة
الرجوع الى أعلى الصفحة اذهب الى الأسفل
http://www.basilholding.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الإثنين 20 أكتوبر 2008, 7:35 am

تعلن جمعية طق بانه لا مفاوضات ولا مهادنات ولا اتصلات ولا تنازلات ( اللات الاربعة )


ونرجو من الاخوة الذين يتولوم القضية الابتعاد منها مثل اخونا الشفيع المدعوم قطريا وجمعية طق اصبحت جمعية قائمة بذاتها وستعلن الكفاح الانترنتي حاليا والاتصالاتى فى القريب العاجل
شروطنا
اولا ارسال طواقى بعدد اعضاء المنتدي فورا ( اياك وسوق باب شريف )
ثانيا الاتصال تلفونيا على بعض اعضاء المنتدى
ثالثا تقديم دعوة لجمعية طق للحضورة لجدة بقنصليتكم الموقرة علشان نشوف تراجى ال ليها سنة صورتها ما تغيرت
رابعا ابعاد اصحاب المصالح الخاصة ومنهم اخونا الشفيع واخونا عبد الله الذى تدخل باعتباره وسيط

معز عبد المنعم مؤسس جمعية طق التى لم ينضم لعضويتها اى شخص حتى الان
الرجوع الى أعلى الصفحة اذهب الى الأسفل
http://aljraif.forumotion.com
الشفيع الجزولى
عضو فعال
عضو فعال


عدد الرسائل : 113
تاريخ التسجيل : 10/08/2008

مُساهمةموضوع: رد: قنصلية الجريف   الإثنين 20 أكتوبر 2008, 9:37 am


كتب ود عبدالمنعم:

مثل اخونا الشفيع المدعوم قطريا
ههههههههههههههههههههههههههههههه
ههههههههههههههههههه
الله يجازيييي...........
والله ما عارف الجُمل الرنّانة دى بتجيبا من وين
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الإثنين 20 أكتوبر 2008, 10:40 am

والله ما عارف الجُمل الرنّانة دى بتجيبا من وين

الشفيع يا اخوى ازيدك من الشعر بيت
ماشايف نكات معز كلها عن المساطيل !!!
ده كان المفروض يكون جمعية المساط ...مش طق
لانو الظاهر عليه (تاجر ما متعاطى )والجماعة عندو طول اليوم
وقديماً قالوا :-
خذ الحكمة من افواه المجانين
وخذ الكلمة من افواه المساطيل
وهو الجمل الرنانة دى بجيبها منهم
ابوتراجى



الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الثلاثاء 21 أكتوبر 2008, 12:08 pm

جمعية طق التى لم ينضم لعضويتها اى شخص حتى الان
والله الواحد خايف يقدم طلب عضوية لجمعيتك دى عشان ماتكون براك تفهمنى غلط !!!!!

تفتكر ده تودد؟!!!
لكن وحاتك عشان ارجع طاقيتى المنهوبة بخدعة او قول (نهب مصلح)!!!
وبى كدة ندعم الجمعية واكون احسن من صاحبك الانت واقف معاهو
لو حتفهم الموضوع صاح ارسل لينا اللائحة والشروط
واعتبرنى عضو ثانى
وبعدين نشوف
ابوتراجى
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الثلاثاء 21 أكتوبر 2008, 12:16 pm

اعلان هام

تعلن جمعية طق الانفصالية ( تتكون من عضو واحد ) عن ايقاف المدعو عصام عبد الصادق ( العاتى ) نسبة لتوقفه عن نشاطه فى الفترة السابقة وظهر لدينا ان هنالك اتصالات من خلف الكواليس بالمدعو الشفيع ال ثانى المدعوم قطريا لانسلاخه (يبدو وصلته كمية طواقى من قطر عن طريق قريبه صديق النعمة ) من الجمعية واجراء مفاوضات مع ابو تراجى وهى اجراءات معلومة لدينا لتفكيك حركة طق ولتشتيت الجهود المبذولة لانتزاع الحقوق ( طواقى المنتدى ) ونبشركم قريبا بمعاودة المجموعة الفرنسية لنشاطها بقيادة الخضر ومازالت المفاوضات جارية لاستقطاب الشفيع وود سنقد والعريس مستكا وعبد الله نابري واخونا ايهاب العضو المنتدب لشركة موبايلى واخونا وال السمانى وود رياء وهناك بشائر بوصول دعم من المانيا عن طريق ابو مصعب الحمزاوى
معز عبد المنعم ( ليس له علاقة بمبادرة اهل الجريف )
مؤسس جمعية طق والتى لم تزد عضويتها عن عضو واحد حتى الان
الرجوع الى أعلى الصفحة اذهب الى الأسفل
http://aljraif.forumotion.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الأحد 26 أكتوبر 2008, 1:06 pm


الى الان لم يتم العثور على الطاقية المفقودة
الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   الأربعاء 29 أكتوبر 2008, 4:24 am


الجزء الأول:

الشفيع الجزولي كتب :
ولكنه إتخذ ضدك قرارات لا تخطر علي بالك ... عشان كدة بحذرك من حسن النية المفرطة نحو هذا المستشار القانونى
نجد هنا أن أخونا الشفيع يحذر أبو التراجي من المستشار الفني .. وهذه واحدة من المخالفات الصريحة والمكشوفة.

أبو مصعب كتب:
أولاً أود لفت الإنتباه لمفردة "الطاقية" و نستحضر الأقوال والأمثال المتداولة :
" فلان لبسوه الطاقية" "فلان يضع طاقية ده في ده""شيخ فلان لبس الطاقية" ... الخ ......
سعادة قنصل الجريف شرق بجدة،
لك التحية والتقدير،
أفيد سعادتكم بأنه قدعرض علي مبلغ من المال بوساطة أمريكية(الحاج عبد الصادق) حتى أقف عن دعم قضيتكم العادلة. و حينما وجد الوسيط مني الرفض،أخذ يحلل بدبلوماسية بالغة بأن ذلك يصب في مصلحة المنطقة.
نجد هنا أبو مصعب سيس القضية وحولها إلى قضية اممية .. وفتح الباب للتدخلات الخارجية من الدول العظمى .... والأخطر من ذلك لم يسلم حديثه بالتلميح للأقليات والعرقية.
وفي ختام حديثه يبحث عن الحلول الودية..

معز كتب :
أخوونا ابو تراجى
اخونا الشفيع (صاحب الرسائل الخاصة)
بعد التحية
نحن لسنا اصحاب مصالح نحن مع الحق ولو على انفسنا وخوفنا من ان يتسبب موضوع الطاقية فى حربـ .....لانو مشكلة دارفور بدات بناقة
نجد في مداخلة معز أنه فضح أصحاب الرسائل الخاصة والذين يحاولون فيها إستقطابه وتناسوا أنه إبن أستاذ الأجيال عبدالمنعم

أبو تراجي كتب:
اخوى الشفيع تحية
ولو لا شيخنا عبدالله موجود معه ، لكان لنا معه شأن آخر.
نفس الرسالة وصلتنى ووصلت ( الدبل ماسى) الزوق عمر حسن وهنا عمل على مستوى العالم وتكتل من بعض اصحاب المصالح مثل خبير الطواقى وجمعية طق التى يرعاها المدعو (معز )الذى كلف باعتقال الاستاذ خضر المختفى حالياً .......
نجد في مداخلة أبو تراجي أنه يخاطب إبن خاله والغرض منها واضح أنها رسالة إستقطاب ذات نكهة دعائية وإعلامية وفرد عضلات ... وهذا واضح من تهديده ووعيده الهوائي .

خضر حسن كتب:
يـاأخــوانـا بـاركـوهـا ( بس الشفيـع مـا يقرأ الكـلمة دى لأنهـا كـلمة سمـاسرة قــوية المفـعـول في بـلع حـقـوق الآخـرين وخـنـق المـعـارضـين )
بعـدين أنـا مخــتـفى لسـبب واحـد... طـالمـا إخـتــار السنـاتور عـصام الجـنـرال حـاج عـلى مـــــستشار فنى وقانـونى لسـيادتـه... انبهــكم بأن كـلمة فنى دى تحــــتها خـط أحـمر ومخـيط طـبيـاً و مـربـوط بى شريـط لأن حـاج عـلى مستـشار فـلقى
يا أخـوانـا باركـوها قـبال حـاج على مـا يبدأ الفـلق القــانـونى
نجد في مداخلة أستاذ خضر أنه تحدث حديث العارف ببواطن الأمور .. ولكن شعرت أنه يخاف الفليق وبأسلوبه نجد كلمة فني حولها إلى جنازة وملفوفة بعلم تركيا.
معز كتب:
الحمد لله على كل شى... ظهر الحق وزهق الباطل ان الباطل كان زهوقا
بما ان قنصل الجريف الذى نصب على اموالنا و فرض علينا اتوات هو الذى بادر بالاجتماع بجدة لحل الموضوع فيبدو ان الخوف اصابه وسمعنا انه دعا لمبادرة اهل الجريف لحل مشكلة .........
والان نحن نهدى من الموضوع احتراما لاخونا الخضر الذى طالبنا بالتهدئة
ونرجو من الاخوان الشفيع وابو مصعب الحمزاوي الوقوف مع الحق وعدم المجاملة
نجد في مداخلة معز السابقة أن حديثه كان على المكشوف وأتى بمعلومات في غاية الخطورة مع أنها متوقعة سلفاً .... ونجده خاطب بعض الأخوان ودلاهم على السراط المستقيم .. مع إحترامه لنوايا الحكيم.

أبو تراجي كتب :
ظهر الحق وزهق الباطل ان الباطل كان زهوقا
والله اهو دى البتخلى ناس جريف قمر يقولوا الكركاجة العمى !!!
نجد في هذه المداخلة بأن أبو تراجي دخل في مربع خطير جداً وهو مقولة ناس جريف قمر
وفات عليه أن مستشاري الفني من جريف قمر ومعمش ومعوج كمان وهذا دليل عافية للمحافظة على نسيجنا الإجتماعي.
وفي آخر مداخلته عرج لجرجرتنا والدخول في دهاليز السياسة وتطرق لرمز السيادة الوطنية..

الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   الأربعاء 29 أكتوبر 2008, 4:28 am



الجزء الثاني والأخير
معز كتب :المشكله يا اخونا ابو تراجى انا ما متحمس لكن كل ما تجى ترد على الموضوع تدينى هبشة علشان كده بتحمس ... بعدين ناس الرقيص ديل مالهم ما صلحو البلد وظبطوها تمام التمام ... انت بس داير تغير من موضوع الطواقى لموضوع الحكومة

والشفيع الجزولي كتب وعقب على مداخلة أبو تراجى:
وان غداً لناظره قريب ..... ولا نامت اعين الجبناء .... والله من وراء القصد
الله أكبر ... ألله أكبر ، نعم يا ابو تراجى ! هكذا يكون التحدى.
الأخ أبو تراجى :
لاحظ الدخول المتواتر ، المحموم و المكثف من قبل المدعو معز عبدالمنعم ... فقط وددت تذكيرك بقولى السابق بانه خطر وأنه ربما كان المتآمر الأول .... ويجب أخذ كل ما يصدر منه علي محمل الجد ، ذلك بعرض أقواله على المتخصصين قى قراءة ما وراء السطور.
نجد هنا ظهور ثاني لأخونا الشفيع في الماداخلة السابقة ولكن هذه المرة بطريقة المديدة حرقتني ..
عبدالله نابري كتب :
عووووووك يا ناس !!!!
المنتدى فيهو حكيم وفيهو سفير ... الخ بس ما فيهو قاضي !!! فأنا عاوز اقوم بالحكم في هذه القضية الشائكة والمعقدة..
لحدي الان موضوع القميص ما اتحسم .. وموضوع الطاقة دوش راسنا
ما عرفنا من الجاني ومن المجني عليه !!
من مداخلة أخونا عبدالله نجده أصبح قاضي .. ولكن بقدرته العجيبة حول الطاقية إلى طاقة .. وانا ما عارف طاقة قماش طواقي أم يا ترى طاقة حمام .
لذا أقول لأخونا عبدالله حكمك باطل .. وحاتقول باطل ليه .. فأقول لك لأ تستعجل والمرافعة سوف تكون قريباً.

معز كتب:
تعلن جمعية طق بانه لا مفاوضات ولا مهادنات ولا اتصلات ولا تنازلات ( اللات الاربعة )
ونرجو من الاخوة الذين يتولون القضية الابتعاد منها مثل اخونا الشفيع المدعوم قطريا وجمعية طق اصبحت جمعية قائمة بذاتها وستعلن الكفاح الانترنتي حاليا والاتصالاتى فى القريب العاجل.
لا حول الله ... حركة طق تعلن عن نفسها ... ودستروها واضح وصريح.. وربما تظهر بعض الفصائل الأخرى.
الشفيع الجزواي كتب:
مثل اخونا الشفيع المدعوم قطريا
ههههههههههههههههههههههههههههههه
والله ما عارف الجُمل الرنّانة دى بتجيبا من وين

لا تعليق ... لأني فعلاً أعجبت بالجمل الرنانة...

أبو تراجي:
جمعية طق التى لم ينضم لعضويتها اى شخص حتى الان والله الواحد خايف يقدم طلب عضوية لجمعيتك دى عشان ماتكون براك تفهمنى غلط !!!!!....تفتكر ده تودد؟!!!
لكن وحاتك عشان ارجع طاقيتى المنهوبة بخدعة او قول (نهب مصلح)!!!
واعتبرنى عضو ثانى .... وبعدين نشوف
معز كتب :
اعلان هام
تعلن جمعية طق الانفصالية ( تتكون من عضو واحد ) عن ايقاف المدعو عصام عبد الصادق ( العاتى ) نسبة لتوقفه عن نشاطه فى الفترة السابقة .
ومعز كتب: الى الان لم يتم العثور على الطاقية المفقودة

نلاحظ من مداخلة أبو تراجي و مداخلة معز نجد أن الأحداث أتت سراعاً
أبو تراجي يطلب الإنضمام لجمعية طق .. ومعز يعلن عزل عصام من جمعية طق..

أيها الأحباب ولكل من تابع هذه القضية التي شغلت الرأي العام خلال الفترة الماضية سوف يتم إسدال الستار عنها وسيتم عرض الجلسة الختامية والأحكام التي صدرت نحو أصحاب الدعوة والمتداخلين في هذه القضية.

الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الأربعاء 29 أكتوبر 2008, 12:34 pm

الله يعين ابو تراجى

الى جميع المهتمين بموضوع الطاقية والمساندين لجمعية طق نعلنها داوية بمواصلة عصام لنشاطه وقد عاد كالاسد مدافعا عن القضية ونعلم الجميع بتنشيط رئاسة القضية بعد العودة القوية لقائدها الهمام عصام ( يكون اولاده سافرو ولا شنو ؟؟؟ وبقى فاضى ؟؟؟) ويبدو انه كان الهدوء الذي سبق العاصفة ( العاصفة جريف قمر لسه بيلعبو كورة وبيتشاكلو مع فريق الصبية ؟؟)
وتعلن جمعية طق عن معاودة نشاطها نسبة لاقتراب معركة الحسم التى اعلنها الزعيم عصام وندعو كل المتخاذلين والمتامرين للرجوع للحق من امثال الشفيع ال ثانى بالوقوف مع الحق حتى نحصل على طواقى اعضاء المنتدي ولا نقبل بتاتا من باب شريف ( باب شريف ده سوق فى جدة رخيص جدا لمن هم خارج السعودية ) ولا مانع بوصول عينة من قطر لاننا نقبل بالدعم القطري وندعو اخونا الشفيع بعدم استمالة اخونا صديق النعمة خاصة
بعد ان علمت مصادرنا لاستمالته لعضويتنا بفرنسا و القنصل الالمانى ابو مصعب وشيخ المنتدي عبد الله نابري بعد ان خفضت اصواتهم
والله اكبر والعزة للجريف شرق ولجمعية طق
ونحن بانتظار معركة الحسم وبانتظار مفاجاة القائد عصام
ولا نامت اعين الجبناء ( ابو تراجى و............و...................و................ مافى داعى نقولهم )
ملاحظة على المدعو ابو تراجى ارسال الطواقى كبادرة حسن نية
معز عبد المنعم مؤسس جمعية طق التى تبحث عن المشاكل الانترنتية بدون سبب ( التى لم يعلن احد حتى الان بانضمامه اليها ماعدا ابو تراجى وقد رفض طلبه لانو لو طلبه اتقبل نشاكل منو تانى )
الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   الأربعاء 29 أكتوبر 2008, 12:46 pm


جلسة مداولات قضية الطاقية
بدأ الحاجب بإعلان المحكمة ودخول القاضي ومستشاريه والقاعة مكتظة بالحضور مع وجود أصحاب الدعوة عصام وأبو تراجي وبعض الشخصيات الذين طلب القاضي حضورهم ( معز والشفيع وعمر حسن وعبدالله نابري ومستشار عصام الفني حاج على )
بعدها بدأ القاضي في قراءة ملابسات القضية .. ثم بدأ ممثل الإتهام ووضح النقاط الرئيسية .
طبعاً مافيش محامين وكل واحد كفيل بنفسه.
وطلب القاضي حضور أبو تراجي المفترى عليه حسب أقواله وبعد القسم عرف أبو تراجي بنفسه وبدأ الحضور في التململ لأن أبو تراجي تحدث عن نفسه كثيراً وتم إيقافه من قبل القاضي.

وإليكم حوار القاضي وأبو تراجي:

القاضي: أنت متهم بسرقة طاقية المدعو عصام
أبوتراجي : برئ والله
القاضي: أثبت براءتك
أبو تراجي: أصلو الحكاية تربطنى علاقة أخوية مع المدعي منذ زمن ليس بالقصير وخلال وجودي في الرياض توطدت العلاقة فيما بيننا .. لكن يا مولانا والله برغم علاقتنا وتعاملي الراقي معه إلا أن هذا العصام عذبني عذاب شديد خلاص في الدنياً وميادين الرياض تشهد بذلك .. يا مولانا ده علمني الرقيص حتى تفوقت على ناس الإنقاذ... وهنا من وسط الحضور ياتي صوت من الأعماق .. الله أكبر ... الله أكبر .. عليك اللعنة ويوجه كلامه لأبو تراجي ويقول له يا زول هوي أنضبط في كلامك .. ويتضح أن هذا الشخص هو بدر ود عبدالماجد .. وهنا يتدخل القاضي ويطلب من بدر الجلوس مع تهديده بطرده خارج القاعة إذا تكرر تدخله .. وينصاع بدر لكلام القاضي ويجلس بكل إحترام .. ويوجه القاضي كلامه لأبو تراجي .. ويقول له لا تلميحات سياسية وأحفظ أدبك .. ويوافق أبو تراجي مع إرتباك واضح على وجهه .
ثم يطلب القاضي من أبو تراجي مواصلة حديثه...
ويقول أبو تراجي .. شفت كيف يا مولانا .. أن هذا الرجل بدرت منه أشياء كثيرة نحوي .. وأنا صابر عليه... وزي ما بيقول المثل الكلب بريد خانقو .. تأتي قهقة من داخل القاعة .. ويتدخل القاضي..
القاضي: أعطينا مثال لذلك .. وبلاش من الأمثال الركيكة ..
أبو تراجي: حاضر ... يا مولانا ده أكلني الحنظل .. بعد وجبة غداء ومن حسابي كمان ومن آثاره بدأت تصدر منى أشياء لا أتذكرها وبدون إرادتى .. ومرات بخرم وتأتيني تهيآت وهواجس .. ومعاي شهادة تثبت ذلك .. وهنا يأتي صوت من وسط الحضور ويقول بالله شوف الهمار ده .. ونهن لينا يومين بنفهم فيهو .. ( من لهجته أنه دنقلاوي ولكن مع زحمة الحضور لم يتبين من هو ويتضح أنه شخص متمرس ... وربما يكون الشفيع والله أعلم ).. ويتضح أن القاضي لم ينتبه لهذه المداخلة ويواصل أبو تراجي حديثه يا مولانا ده طير لي المسلسلات من راسي .. يا مولانا ده والله أحيا ... وأحيااااا يا مولانا ده ....
هنا يقاطعه القاضي .. خلاص خلاص خلاص أكتفينا..
القاضي: طيب ما هي حكاية الطاقية محل الدعوة
أبو تراجي : يا مولانا الراجل ده أتاني ومعه أسرته بعد أداء عمرة ليلة 27 رمضان 1429هـ وتناول طعام الإفطار وجلسنا جلسة أخوية ولكن بيني وبين نفسي لم أكن مطمئن له لأنه مشهور بأنه ثعلب الصحراء ولكن المحيرني إنو مزاجه كان رائق وأضحكنى حتى الثمالة .. وهنا كان مصدر خوفي .. وقلت في نفسي ياخي ده جاي من عمرة ... المهم حتى الساعة العاشرة أوصلته المطار وفي الطريق حدث ما لم أتوقعه أبداً .. حيث أنه قال فقد طاقيته .. وأنا بيني وبين نفسي أعلم جيداً بأن طاقيته مشهورة ومميزة وبيعتمد عليها إعتماد كلي بدلاً من العمة .. حتى أصبحت أشهر من طاقية جحا .. وهنا يقهقه كلاً من في القاعة .. وهنا يتدخل القاضي ويطلب من الجميع الهدوء ..
ويواصل أبو تراجي حديثه .. المهم يا مولانا هذا الرجل لم يتفاعل مع فقدانه للطاقية .. وبادرت مباشرة بأن خلعت طاقيتي وسلمتها له .. والراجل لم يعترض على ذلك ووضع الطاقية على رأسه مع أنها صغيرة شوية لأنو رأسي أنا مطاول وفروة رأسي مشابهة لفروة العتوت الصغير.. وهنا تضج القاعة بالضحك .. ويتدخل القاضي ولكن دون فائدة .. مع تعليقات الحضور .. وياتي صوت من الصفوف الخلفية ويقول بالله شو ده والله فعلاً إنو راجل عتوت .. ويعقب عليه آخر بتعليق ويقول عتوت شنو والله ده طلع تيس عديل كدة..
وبعد لحظات يهدأ الوضع ..
ويطلب القاضي من أبو تراجي مواصلة حديثه وبدون تشبيهات.
أبو تراجي: المهم يا مولانا الراجل شال الطاقية ووضعها على رأسه وطبعاً زي ما شايفين إنو الزول ده راسو ... وهنا يقاطعه القاضي .. بلاش من التشبيهات وواصل حديثك..
ابوتراجي : المهم يا مولانا الزول ده سافر بخيره وبشره وحمدت الله ولكن وأنا في طريقي من المطار حتى وصلت بيتي لم ترتاح نفسي وشلت هم لموضوع الطاقية وخصوصاً عندي معه حادثة قبل سنتين حيث أنه أتى للعمرة أيضاً وزارني في داري ولكن في تلك الفترة فقد شبشه بدون مؤاخذه .. وما زالت تهمته تلاحقني حتى وأنا نائم .. ويا مولانا والله شبشه هذا أنا إنضربت بسببه ضرب شديد خلاص في النوم ..
المهم يا مولانا وجدت نفسي في حيرة .. وتهمة الطاقية تلاحقني .. والحمدلله الخيرين تفهموا قضيتي وساندوني .. ولكن البعض الآخر أعتبروها تصفية حسابات بيني وبينهم .. وأنا ما بنكر بأنو أعدائي كثيرون ولكنهم كلهم حاقدين علي وأنا كمان ما بقصر ومنجضهم كلهم .. وعندك زي ود عبدالمنعم القاعد ده والله يا مولانا ده إتولى القضية أكثر من صاحبها ..
وهنا يقاطعه القاضي من هو ود عبدالمنعم .. فيقول له أبوتراجي ياهو ده معز ود عبدالمنعم ... وهنا ينتفض القاضي ويقف ويأمر الحضور قيام وبصوت عالي .. ثم يقول جلوس .. وتعجب كل الحضور .. وهنا يقول القاضي معذرة ... عندما يذكر إسم هذا المربي الفاضل عبدالمنعم حاج خالد فلابد أن نتأدب ونقف إحتراماً وتقديراً له .. وكذلك الحال لكل المعلمين.. ويطلب من الحضور بالدعاء للأستاذ عبدالمنعم بدوام الصحة والعافية ..
وهنا يوجه القاضي كلامه لأبو تراجي ويقول له تأدب عند ذكرك لأي معلم .. عندك أي إفادات أخرى ..
أبوتراجي / والله يا مولاني الجواي كثير وأحيا ... أحيا أن داير أتنفس .. مع حركات تمثيلية واضحة .. وهنا يطلب منه القاضي بالجلوس..
القاضي : ترفع الجلسة على أن تعاود يوم ../.../2008م لسماع أقوال المدعي عليه عصام .... رفعت الجلسة
الحاجب: محكمة

الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الأربعاء 29 أكتوبر 2008, 1:06 pm

نرجو ان لا يعتبر ابو تراجى فى الجلسة القادمة احترام القاضى للوالد عبد المنعم هو انحياز للقضية ونحن بانتظار بث وقائع الجلسة الثانية ونطالب من قضاة المحكمة بخروج الشفيع ال ثانى من المحمكة حتى لا يؤثر وجود على سير القضية وخاصة بعد ان ظهر انفعاله داخل المكمة

الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   الخميس 30 أكتوبر 2008, 11:12 am


الجلسة الثانية لمداولات قضية الطاقية
بدأ الحاجب بإعلان المحكمة ودخول القاضي ومستشاريه والقاعة مكتظة بالحضور مع وجود أصحاب الدعوة عصام وأبو تراجي وبعض الشخصيات الذين طلب القاضي حضورهم ( معز والشفيع وعمر حسن وعبدالله نابري ومستشار عصام الفني حاج على )
بدأ القاضي بتلاوة المقدمة المعروفة وطلب من المدعى عليه عصام الحلف باليمين والتعريف بنفسه
القاضي سمعت حديث أبو تراجي أشرح لنا الملابسات مع توضيح سبب الإتهامات .
عصام: سيدي القاضي حضرات السادة المستشارين السادة.....
يقاطعه القاضي .. أدخل في صلب الموضوع وبلاش من المقدمات
ينصاع عصام لكلام القاضي..
عصام : يا مولانا كما ذكر المتهم في أقواله وشرح موضوع فقداني للطاقية .. وذكر بالحرف الواحد وأمام الجميع بأنني أعتمد على هذه الطاقية .. عليه أؤكد لكم عندما دخلت لداره كنت ألبس طاقيتي وخصوصاً معي أسرتي أضف لذلك أنا قادم من مكة بعد آداء العمرة ... يعني حلاقتي كانت على الزيرو .. فلابد من لبسي للطاقية .. حتى لا يختلط الحابل بالنابل وخصوصاً ملامحي بعد الحلاقة كانت أقرب لناس قرب أفريقيا .. هنا تحدث همهمة داخل القاعة ... ويطلب القاضي من أبو مصعب والشفيع بأن يقفوا ... وقال لهم فيما تتهامسون ... قال له الشفيع .. لا والله مافي حاجة يا مولانا .. فقال له القاضي أفصح وإلا تم طردكم من القاعة .. وهنا إرتبك الشفيع وقال للقاضي الحقيقة أبو مصعب قال لي صاحبك ده ماشي لغرب أفريقيا ليه وعينو لي ناس العدل والمساواة... عشان كدة أنا ضحكت .. ومشكلتي ما بقدر أتحكم في ضحكي ..
وهنا بدأ الإمتعاض على وجه القاضي .. ووجه حديثه لأبو مصعب .. شوف مثل أساليبكم هذه نحن نعلمها جيداً وأنت تعلم أن البلد في توجه للسلام ولكن أمثالكم هم يؤججون لنار الفتنة .. ويلتفت القاضي لأحد المستشارين ويتكلم معه بصوت خافت .. وبعدها يخاطب أبو مصعب ... نرجو أن أن لا تتكرر منك مثل هذه المداخلة وأحترم المحكمة ولولا أهمية تواجدك الأن لتم طردك ... وهنا يعتذر أبو مصعب ويقول للقاضي أنا آسف ... ولكن يعلم الله أني لم أقصد أي شئ أو أهين المحكمة بتعليقي مع الشفيع وهي مجرد دعابة فقط .. ويجلس االشفيع وأبو مصعب .. وهنا يأتي صوت من الصفوف الخلفية ويصيح ... يحيا العدل .. يحيا العدل ... سلام سلام دارفور سلام ... تعيش الجريف .. تعيش الجريف .. ويصيح آخر .. الطاقية الطاقية .. وهنا يهدي القاضي من الوضع لأن الهمسات إزدادت داخل القاعة.. ويطلب القاضي من عصام مواصلة حديثه.
عصام : المهم أنا بأكد إني دخلت القنصلية وأنا لابس الطاقية.
هنا يقاطعه القاضي : أي قنصلية
عصام : يا مولانا ده موضوع كبير وده سبب كل المشاكل .. وهذه الدار هي القنصلية التي أنشأها أبو تراجي .. وبدأ عصام في سرد طريقة إنشاء القنصلية من أول بوست نزل والترويج لها .. وجميع مداخلات الأعضاء ... وردود أبو تراجي كلها .
القاضي يقاطع عصام ويقول ... يظهر أن هذه القضية سوف تأخذ منحى آخر وموضوع القنصلية سوف يقودنا لمعلومات خطيرة جداً..
القاضي: واصل حديثك يا عصام
عصام: المهم أنني فعلاً تأثرت لفقداني هذه الطاقية الغالية .. وما حز في نفسي أن هنالك أطراف تدخلت ووضح إنحيازها لأبو تراجي .. وأنا لم إنتظر منهم أن يتعاطفوا معي ولكن توقعت تعاطفهم مع هذه الطاقية مما وضع علامة إستفهام نحو مآربهم وأجندتهم الخفية .. وكل ذلك يا مولانا موثق في مداخلاتهم في بوست القنصلية .. وأمامكم ملف كامل لكل رسائلهم الخاصة ..
القاضي: من ضمن الأسماء التي وردت هنالك مجموعة أيدت موضوع القنصلية ومجموعة تفاعلت مع موضوع الطاقية .. تقدر تحدد لينا يا عصام بعض الأسماء ..
عصام: بالنسبة لفتح القنصلية البعض منهم كانت نيتهم سليمة ولم يكن لهم علم بما هو قادم لذا أيدوا فكرة المشروع .. والبعض منهم أيد الفكرة ولكن لمحوا ببعض العبارات .. والبعض منهم أيد الفكرة وشجعوا أبو تراجي عليها ولديهم علم بالمخطط ... والبعض أعلنها صريحة ولديهم علم بمآرب أبو تراجي.
القاضي : طيب إنت رايك كان شنو؟
عصام: والله يا مولانا أنا كنت أكثر المؤيدينيأ وذلك لعلاقتي بأبو تراجي .. وأنا أعرفه جيداً واعرف تاريخه وأعلم بأساليبه الملتوية .. وعقدت عدة جلسات كثيرة معه وذلك لتغييره .. وفعلاً تغير كثيراً ولا أنكر فشلي في تغيير بعضها .. وحمدت الله كثيراً بأن تم نقله لجدة حتى يكون أقرب لبيت الله الحرام .. ومع ذلك كنت أتابع أحواله بين فترة وأخرى .. المهم يا مولانا حتى لحظة ذهابي له كنت سعيد بهذه القنصلية .. مع العلم بأن البعض كتب عن معنى القنصلية وبعض الخبراء فسروا لنا كلمة قنصل .. والمعني بها أبو تراجي .. ولكن كنت أقول في نفسي .. لا .. لا أبو تراجي تغير .. ويظهر إنو فعلاً إنو مريض ..
يقاطعه القاضي .. إنت عارف سبب مرضه الذي ذكره هنا ..
عصام: والله يا مولانا هو ذكر أسباب وربما تسأله الأن ستجده ينكر .. طالما عنده شهادات تثبت ذلك ..
هنا يوجه القاضي كلامه لأبو تراجي .. يا أبو تراجي تعال هنا إنت قلت تعاني من بعض الأمراض والتهيآت ... هل هذا صحيح
أبو تراجي في طريقه للقاضي .. مر بجانب عصام .. لوحظ أن عصام توارى منه جانباً .. فألتفت إليه أبو تراجي وقال له مالك فيني شنو .. مالي فيني جرب بالله شوف ده ..
القاض : بلاش من التعليقات وحديثك معي أنا وأترك عصام .. ووضح لنا اسباب مرضك
أبو تراجي: يا مولانا ده بعد عشاء كارب الزول ده سقاني الشربوت على أساس إنو سفن أب..
القاضي : سبق وأن قلت حنظل بعد الغداء
أبو تراجي : والله ما متذكر لكن يا مولانا ده تتوقع منو أي حاجة .. والله لو وجد السم كان سقاني ليهو .. يا مولانا والله ده...
يقاطعه القاضي : خلاص خلاص .. لا حول الله.. خلاص أرجع مكانك .. وفي لحظة مروره بجانب عصام لم يبادر باي كلمة سواء النظرات .. ولكن تحت تحت ودون أن يسمع القاضي عصام قال لأبوتراجي يا حرامي الطواقي .. فألتفت أبو تراجي للقاضي .. شايف يا مولانا الزول ده بيقول في شنو .. ولكن القاضي لم يعيره إهتماماً .. وقال له خلاص .. خلاص بس أمشي أجلس في مكانك.
القاضي : تقدر تحدد لينا يا عصام بعض الأسماء ودور كل منهم في هذه القضية وطبيعة مداخلاتهم في البوست
عصام : القنصلية أم الطاقية
القاضي : الطاقية تدعي أنها فقدت في القنصلية .. إذا مرتبطين ببعض .. وبلاش من هذه الأساليب الملتوية.
عصام : عفواً سيدي القاضي .. الموضوع بدأ بطرح أبو تراجي فكرته بوضع لوحة على داره بمسمي قنصلية الجريف شرق وعين حاج على سفير .. وعينني قنصل .. وعين نفسه سكرتير أول وبدأت بعدها عملية الإستقطاب.
بدأ الهندي الهندي في البوست بمداخلته وأيد الفكرة ... بدر عبدالماجد إشتم رائحة المخطط ... حسن لمح وشبه الموضوع بالمشروع الحضاري .... منير أيد ... بدر رجع أيد مع التحفظ ... ود سنقد نبه بمشروع المخطط .... الطيب بخيت أيد بحسن نية .... أبو تراجي يعلنه مشروع حضاري .... ودريا نبه وإشتم رائحة المعارضة .. وبعد زيارته المرصودة للقنصلية.. رجع وأيد الفكرة .... معز رأيه كان إستكشافي ... أستاذ خضر أيد الفكرة ... وهنا ينتفض القاضي ويأمر الجميع بالوقوف والجلوس إحتراماً للمعلم خضر حسن .. وهنا يأتي صوت من وسط الحضور ( سنة يالخدر ) ولم يسمعه القاضي ولكن لم يتبين مصدره ولكن ربما يكون حسن شمس الدين ... وبعدها يواصل عصام حديثه وبقول أستاذ خضر قام بتفسير معنى كلمة قنصل وأسهب في ذلك .. ومنذ مداخلة أستاذ خضر بدأ البعض منهم في التحفظات .. عبدالله نابري يبدي رأيه مع التحفظ ... عمر حسن دخل بقوة في المنعطف الأخير .. بديع كندا .. العقدة ربطت لسانه ... الشفيع الجزولي يدخل بقوة وفاتح زرار الجلابية ولابس طاقية مشنقة ويعلنها صريحة بوقفه مع أبو تراجي .. وفي هذه اللحظة عندما ذكر عصام اسم الشفيع تعالت بعض الأصوات الخلفية كمجموعة وهتفوا آي آي ده الشغل .. ده الشغل .... آي .. آي ده الشغل .. أهلا جو أهلا جو وهنا يضرب القاضي على التربيزة ويأمر أصحاب الهتاف الخروج من القاعة ... وكان عددهم حوالي 4 أشخاص .. ولم يتبين منهم سوى شخص واحد وهو المدعو تسالية .. وعند خروجه من القاعة تعالت نحوه بعض صيحات الإستهجان من الحضور .. ويصعب ذكرها هنا .. وألتفت تسالية نحو القاضي .. وقال له طيب يا مولانا حافظ عبيد ده مالك ما طلعتو معانا ..أم العملية فيها خيار وفقوس .. والله دى كلها حركات بتاعة جبهجية .. وهنا يتناوله أحد رجال أمن القاعة ويذهب به خارجاً وما معروف ودوهو وين ....
القاضي يرفع الجلسة ويطلب حضور كل الذين وردت أسماؤهم الهندي – بدر – حسن – منير – ود سنقد الطيب – ودريا – الأستاذ خضر – عبدالله نابري – بديع كندا في الجلسة القادمة يوم ../../2008م
الحاجب : محكمة

الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   السبت 01 نوفمبر 2008, 12:53 pm



علمنا بأنه تقرر تغيير قاضي محكة الطاقية بقاضي آخر وذلك بعد المذكرة التي رفعها المستشار الفني حاج على وذلك لحدوث بعض التجاوزات في سير الجلستين السابقتين .
1- إعتبر أن القاضي هو فتحو ود حاج يونس والقضية جنائية تحتاج متابعة من المحكمة العليا وقضاء متمرسين.
2- إعتبر أن الدعوة منظورة أمام لجنة أهلية وليست محكمة.
3- المحاكمة دارت في ظروف غير عادية أهم ميزاتها منع المحامين من المرافعة و منع بعض أعضاء المنتدى من دخول المبنى الذي تحول إلى ثكنة مطوقة بأعوان أبو تراجي .
4- تجاوز القاضي مداخلات الشفيع وعمر حسن وإستخفاهم بالمحكمة والتي وصف الشفيع فيها أبو تراجي بالحمار ... وهذا تجنى وإساءة واضحة على ( الحمار )
وإليكم مقتطفات من مذكرة حاج على للمحكمة:

أولاً تحية خاصة للأستاذ خضر حسن الفضل في فرنسا ... وتحية خاصة لأخونا يوسف حسن حمزة في لندن
أحبابي .. لا مشكلة أن تحصل مشكلة ... ولكن المشكلة من يتعامل معك في هذه المشكلة ... لأن عدم فهمه للمشكلة هو المشكلة .. أن يسرق عبدالرحمن الطاقية برضو لا مشكلة ... ولكن عدم أعترافه ومن معه بالطاقية دي أكبر مشكلة...
إن عرفتم قيمة الطاقية من الناحية النفسية لأخي عصام لتجاوبتم معه في قضيته العادلة .. والطاقية يا أحباب .. يا كرام .. كانت هدية أتت بالصدفة لأخي عصام وبحضوري شخصياً في أحد الأسواق .. وصاحبة الهدية إختارت عصام دون خلق الله ووضعتها على رأسه ... وقامت بدفع قيمتها من حر مالها .. وصاحبة الطاقية يصعب لي وصفها .. هي أطول من نخيل الباوقة .. صدرها عالي كأنها تود أن ترضع السماء .. عيونها سبحان المعبود .. خدودها برتقال أبو جبيهة .. مشيتها تمشي الهوينا .. خطوة في قلبي .. وخطوة في قلب أخوي عصام .. وأزيدكم في الوصف والدلال .. ينطبق عليها وصف أخونا يوسف حسن حمزة في قصيدته بديوان المواسم عندما قال :
خمرية اللون أدعج طرفهــــــــــــــا سمهرية القوام أنضر عودهـــــــــــا
ليلاً بهيماُ سواد شعرهـــــــــــــــــــا جميلا بهيجا مدوراً وجهــــــــــــــها
صوفية الخلق يحلو سمرهـــــــــــــا ريفية الطبع يندر مثلهــــــــــــــــــــا
عينان ضمتا حنــــان الدنـــــيا كلهـا من سواد وبياض بين طرفي رمشها
ونهدان يفصحان عن زهور عمرها وتحتهما يرقد طرباً آمنا قلبهـــــــــــا
وحواهما صدرٌ منمق زان سحرهـــا
عفيفة ومن خمر العفاف شربهــــــا صافية روحها وبالجمال جملها ربها
ودودة كريمة كاملاً عفوهـــــــــــــا مشارب العز والنيل شربهــــــــــــــا

أيها الأحباب .. أعرفتم قيمة هذه الطاقية .. بالنسبة لأخوي عصام .. وإضافة لهذا وذاك كانت تحميه من هجير الشمس .. ويذهب بها للمناسبات العامة ويشنقها مع الـ ....... وله فيها مآرب أخرى ..
مطلوب من أبو تراجي إعترافه بسرقة الطاقية ... بعدها نحاول أن نبحث عن فتاة أخرى وبنفس المواصفات لتضع الطاقية على رأس أخوي عصام .. لتعود الروح إليه ... وإذا عرف أحد منكم فتاة بنفس المواصفات دلونا عليها... وللحديث بقية.
لا أخفي عليكم عند جلوس في قاعة المحكمة تفوه أخوي الشفيع نحو أبو تراجي بأن قال له يا حمار .. وهذا إستخفاف بعمي الحمار .. وأنا شخصياً لا أقبل أن يضع الحمار مع أبو تراجي في كفة واحدة .
وأشتكى لي الحمار بصوت حنون والدموع تنزل مدراراً من عينيه وقال ..
أنا الحمار أنا الحمـــار
أنا الحمار أنا المسكـــــين
ومظلوم من الناس أجمعــــين
يقال عني بليد وأنا أفهم الفاهمين
بربكم أنا .. أو عبدالرحمن يســــــن
نعم بكى الحمار .. وتساءل كيف للشفيع أن يشبهه بود يسن ... قلت له معليش يا عمي الحمار .. أصلو الشفيع أخو مبارك وعمه عبدالله سعيد ولولا هؤلاء يا عمي الحمار لذهبت معك وأسترديت حقوقك
فاصلة ومجرد معلومة ( أشهر حمير عرفتها الجريفات )..
1- حمار شيخنا /حاج عبدالله نابري ( وكان أجمل حمار )
2- حمار الخال / عبدالمطلب صباحي ( وكان أنظف حمار )
3- حمار جدنا /النور ود خير المنشاري ( حمار جدي ده كان بتاع فحم )
ولنا عودة للنظر في قضية الطاقية طالما تم تغيير القاضي ود حاج يونس
حاج على حاج ابراهيم المنشاري
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   السبت 01 نوفمبر 2008, 3:41 pm

فى حالة اطلاع فقط
ابوتراجى


عدل سابقا من قبل ابو تراجى في الأحد 02 نوفمبر 2008, 7:57 am عدل 1 مرات
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الأحد 02 نوفمبر 2008, 1:29 am

السادة اعضاء منتدي الجريف شرق

تحياتنا لكم
بعد ان بداء لنا ان اخونا ابو تراجى يعمل لاستمالة الراي العام ( الجرافة والدناقلة خصيصا الشفيع ال ثاني وابو مصعب الحمزاوي لتقويض القضية وللانحياز له حتى يؤثروا فى المحكمة لعدم استجابته لمطالبنا وهى اهداء المنتدي او اعضاء جمعية الجريف بالرياض عدد 20 طاقية وخاصة ان عيد الاضحى على الابواب ( مع العلم بان دستة الطواقى من باب شريف بجدة بقيمة 10 ريال )
لذلك نحذر المحكمة ( الله يكفينا شر اوكامبو ) بان عدم الاستجابة لمطالبنا من قبل المدعو ابو تراجى بارسال الطواقى فورا الى الجمعية بالرياض ستقابل من قبل جمعية طق بقوة
وسوف نقوم بارسال مندوبنا انس بالمنطقة الغربية الى القنصلية لاخذ بعض حقوقنا عنوة واقتدارا وسنقوم ايقاف نشاط حاج علي المنشاري وايضا عصام عبد الصادق نسبة للجوئهم للمحكمة والتى يبدو انها بدات فى التخاذل خاصة بعد تغير القاضى فتحى يونس والذى كان سوف يحكم لجمعية طق حسب ما علمنا من اقرباء فتحى يونس وهم مصطفى تنس و عميلنا محمد زين صغيرون لكن يبدو ان الرياح لا تاتى بما تشتهى جمعية طق
ولا عذر لمن انذر
ونقولها بالواضح انا اجتماع اعضاء المنتدي بالسودان الاخير بشارع النيل بالسودان قد ناقش سرا موضوع الانضمام لجمعية طق وسوف تسمعون اخبار سارة قريبا بانضمام بعض الاعضاء مصطفى محمد الطيب ومصعب عمر حسن (لاننا عملنا انشقاق بالاسر ) و ال السمانى ( علشان شوايقة ) ود رياء وال نابري وحسن وود سنقد وحافظ ( الزول ده انهى اقامتو ولا شنو لحدى اسى ماجاء ما صدق انو عرس ولا شنو )
لا مساس ولا تفاوض ولا تنازل ولا خضوع للمحمكة اذا لم تحكم لنا

معز عبد المنعم مؤسس جمعية طق والتى ما زالت تبحث عن اعضاء غضبان
الرجوع الى أعلى الصفحة اذهب الى الأسفل
http://aljraif.forumotion.com
حاج علي المنشاري
عضو جديد
عضو جديد


عدد الرسائل : 9
تاريخ التسجيل : 02/11/2008

مُساهمةموضوع: رد: قنصلية الجريف   الأحد 02 نوفمبر 2008, 2:25 am

نحنا هنا ..
والمناشير وصلوا
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: قنصلية الجريف   الأحد 02 نوفمبر 2008, 3:54 am

عصام عبد الصادق.. المسيخ (اللذيذ!) بجيك صادي برواقة ومهلة ..كلامك ده دائرلو كلام ..
الرجوع الى أعلى الصفحة اذهب الى الأسفل
http://www.basilholding.com
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الثلاثاء 11 نوفمبر 2008, 4:15 pm

نفيد جميع رعايانا بان القنصلية بصدد تفويج بعثة الحج لهذا العام على الراغبين الاسراع فى تكملة اجراءاتهم لكى لا تفوتهم الفرصه

فقط علينا الكشوفات واستلام الاموات اسف اقصد الاموال
وعليكم الباقى (تحج ماتحج ماعندنا معاك شغلة )
بس دايرين حقنا !!!!
ممنوع المطالبه بالايصالات (سياسة قنصلية)
للاستفسارات الاتصال على عصام
الرجوع الى أعلى الصفحة اذهب الى الأسفل
 
قنصلية الجريف
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 7انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف للمناسبات والتراحيب-
انتقل الى: