............

حبابك عشره يا زائر
 
الرئيسيةالتسجيلدخول

شاطر | 
 

 قنصلية الجريف

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية
كاتب الموضوعرسالة
خضرحسن الفضل
عضو فعال
عضو فعال


عدد الرسائل : 141
تاريخ التسجيل : 03/11/2008

مُساهمةموضوع: رد: قنصلية الجريف   الجمعة 21 نوفمبر 2008, 3:14 pm

*بــعـد كـدى يــا عـبـد الله ودنـابرى حـقـو الكـرسى الساخـن دا تشيلـه معاك البـيـت لأنـه ريـحك مـن الجـرجـرة والـتــلتـلة وشوالين سكـر +شوال شـاى ونص شوال بن لـزوم المتـابعـة الـنـسائـية بـداركم الـعامـرة.
** أعـجبنى ان الـحـمـزاوى لايـهـتـز وكالعـادة يتـكـلـم بكـل ثـقـة ويـا الحـمـزاوى بـعد مـا بوش فـات اللقـب دا سلام وامـان على الأمـريـكـان وأنـا أم درمـان
*** لـكن الجـنـرال المستـشار /حـاج عـلى ينـاقش مـن دون طـوبة فى جـيبه دا تِـقـدِم مَـلَحـَوظ زى مـا قـال نـمـيرى.
دى مـحـكـمـة تكـهــــــرب كـدى عـديل يـا أستاذ عـصـام لكن لقـطة بـارعـة مـنك الإستـفـادة مـن المحـكمـة لإظـهـار علاقات الـقـربى
ودمتم لنا
خـضر حـسن
الرجوع الى أعلى الصفحة اذهب الى الأسفل
الهندي بشير نابري
قلم ذهبي
قلم ذهبي


عدد الرسائل : 2809
الاقامة : المملكة العربية السعودية - الريــاض
المهنة : Computer programmer
مزاجك اليوم :
تاريخ التسجيل : 08/09/2007

مُساهمةموضوع: رد: قنصلية الجريف   السبت 22 نوفمبر 2008, 6:16 am


خارج النص :
ده كلو كوم الكلام رسوم الدخول للقنصلية هل مازالت خمسة وتسعين ريال ولما تدفع مائة ريال الباقي
ما بيرجع .... أم أن تذكرة الدخول تم تخفيضــــا بعد الاجماع والاحتجاج على غلاء التذكرة .

عمنــا عصــام ابداع متواصــل ودروس حقيقية في مجالات مختلفة الأنســاب والأدب والقانون وغيرها
كثير ... تحياتي عمنــا ولي عودة بيمهلة .. أصلوا أدمنــا البوست ده .

الرجوع الى أعلى الصفحة اذهب الى الأسفل
http://aljraif.forumotion.com
عمر حسن حمزه
عضو فعال
عضو فعال


عدد الرسائل : 146
تاريخ التسجيل : 03/06/2008

مُساهمةموضوع: رد: قنصلية الجريف   السبت 22 نوفمبر 2008, 7:33 am

الخضــر ود الخال حسن،

نعم أنا أمدرمان أنا السودان و أنا الجريف،
سأناضل حتى تصدر ذات المحكمة بياناً يقـــر بإعلان قنصلية الجريف
و تجريد السيد/ القنصل من كل التهم الموجهة اليه. وطبعاً ذلك بدعمكم و الدعم الكندي و القطري ...
علماً بأني سأكون يوم الخميس بمقر القنصلية لإجراء مباحثات مع السيد القنصل
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   السبت 22 نوفمبر 2008, 1:00 pm

يبدو ان كفاحنا وجهودنا ستذهب ادراج الرياح عند وصول ابو مصعب الحمزاوي الى دار القنصلية

لاننا كنا نتمني ان يكون ابو مصعب الحمزاوي علي الحياد لكن يبدو ان هنالك مؤامرات من خلف الكواليس بين ابو مصعب وبين المجموعة القطرية
مع العلم بان ابو مصعب هو من اتي بدليل حسن الصاوي ( سرقة نظارته)
مع ان جمعيات طق بفروعها السياسية والانترنتية والمسلحة كل مطالبها هي عدد عشرين طاقية لاعضاء الجمعية بالرياض لانهم هم المؤسسين الرئيسين للجمعية

ولولا ابو مصعب الحمزاوي لكنتم سمعتم بانضمام جمعية القرجات بقيادة المناضل القطري الشفيع الى جمعيات طق ويبدو ان هناك مؤامرات تحت تحت ولا تعلم بها المحكمة وسوف تظهر احتجاجات فى الجلسات القادمة بعد ان كثر المؤامرات ويبدو ان ابو تراجي شغال رشاوي تقيلة
ومع ذلك لازلنا فى انتظار المحكمة التي تسير على وتيرة جيدة

معز ود ابو ريدة

العضو المنتدب لجمعيات طق بكل فروعها على الكرة الارضية

الرجوع الى أعلى الصفحة اذهب الى الأسفل
http://aljraif.forumotion.com
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   الإثنين 24 نوفمبر 2008, 3:45 am


العضو المنتدب لجمعيات طق معز
أخي معز أرجو أن تطمئن جداً وهؤلاء المتفلتين أمنياً كل تحركاتهم مرصودة .. ولو عملت قراءة مرة أخرى لمحاكمة أبو مصعب .. سوف تجد فيها تلميحات وإيحاءات كثيرة .. أما بالنسبة للقاءهم المزعوم في جدة أيضاً مرصود وسوف تحدث فيه مفاجآت كثيرة.. ومن المفارقات العجيبة أنهم تحركوا في الإتجاه المعاكس وحركوا الخلايا الخامدة في السودان (عبدو كمبيوتر ) لإحضاري في الكرسي الساخن .. حتى يشتتو الجهود في المحكمة ... ولكن هيهات ..
لكن يا معز أخوي أنا بسأل الشفيع الجزولي وين؟

الرجوع الى أعلى الصفحة اذهب الى الأسفل
بدر عبد الماجد
مشرف
مشرف


عدد الرسائل : 606
مزاجك اليوم :
تاريخ التسجيل : 05/09/2007

مُساهمةموضوع: رد: قنصلية الجريف   الإثنين 24 نوفمبر 2008, 4:00 am


نظراً لما تقوم به دولة قطر العظيمة من دور سياسى فى المنطقة فى حلو ل بعض المشاكل
الاقليمية والدولية فعليه قررت جمعية القرجاب التى يراسها الشفيع بقيام مؤتمر باسم الطاقية الهرمية وذلك لانهاء المشكلة التى أستفحلت حتى أمر القاضى بتحويلها إلى القضاء الدولى بزعامة
حسن الصاوى وهناك تقديم 3 ورقات لمناقشة وإنهاء القضية . وهذا هو السبب الرئيسى لغياب
أخونا الشفسع الجزولى لانشغاله بالترتيبات لهذا المؤتمر .
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   الإثنين 24 نوفمبر 2008, 4:06 am

لا يا ود عبدالماجد وإنت الصادق .. الشفيع الجزولي مصادرنا تؤكد بأنه تحت الإقامة الجبرية .. لمحاولاته الفاشلة في جميع جلسات محكمة الطاقية .. والجلسة القادمة حضورة سوف يكون بحراسة الشرطة
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: قنصلية الجريف   الإثنين 24 نوفمبر 2008, 4:46 am

يا خسآآآآآآآرة يا ابو تراجي !!
كان ممكن أكون شاهد "ملك" في القضية دي وما تسألني شاهد ملك معانها شنو لاني فعلا ما عارف!
لكين قبل كده شفت زولك شايل ليهو كيس!! (القاعدة بتاعتو لاسفل) على قول الحكيم ..


المسيخ (اللذيذ)!
كمبيوتر منطط عينو عليك !
والتسوى كريت في جلدها تلقاهو في كرسي!
الرجوع الى أعلى الصفحة اذهب الى الأسفل
http://www.basilholding.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الإثنين 24 نوفمبر 2008, 7:47 am

خبر عاجل


لقد وصلتنا البرقية التالية
لقد علمت مصادرنا بان ابوتراجي قام بارسال التزاكر لابو مصعب الحمزاوي علي حسابه
حتى يتم الاجتماع به قبل جلسة المحكمة القادمة حتي لا يتم توقيف ابو تراجي من القنص ليه من قبل اوكامبو ( عصام )
وانتظروا فى التعليق القادم صور من التزاكر ومن الخروف الذي سوف يتم ذبحه بداخل القنصلية يوم الخميس القادم
وسوف تجدونهت مصورة تصويرا كاملا

معز ود عبد المنعم
الرجوع الى أعلى الصفحة اذهب الى الأسفل
http://aljraif.forumotion.com
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الإثنين 24 نوفمبر 2008, 2:26 pm

عبدالله نابرى

شاهد ملك دى انا بعرفها بس الكمبيوتر المنطط عيونو دى شنو؟؟؟؟!!

هوى يامعز عمر يستاهل الواحد يشيلوا فى راسو
بس عصام الخسرنى تذاكر وخروف وسمعه
والباقى الله يستر !!!!!!!!!!!!!!!!!!!!!!!

ابوتراجى
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الخميس 27 نوفمبر 2008, 1:16 am

اليوم تكتمل المؤامرات بقنصلية الجريف بجدة بوصول ابو مصعب الحمزاوي ويتم الاجتماع بالمدعو ابو تراجي الذي قام بارسال تزاكر السفر الى ابو مصعب

وتمثل خطورة ابو مصعب فى ترحاله الدائم ما بين المانيا وفرنسا وجدة وقطر ودول اخري لم نسمع بها مما يساعده في استمالة اعضاء اخرين لمساعدة ابو تراجي

وسوف يوافيكم مندوبنا بتفاصيل المؤامرة
ومهما حدث داخل دار ابو تراجي نوعدكم بالمحافظة على حقوقكم وسوف يتم محاكمة اخرين خاصة المدعوم قطريا الشفيع ال ثانى المختفى من فترة لعل المانع خير

انتظروا اخبارنا غدا عن كل ما دار في القنصلية يوم الخميس 28/11/2008
الرجوع الى أعلى الصفحة اذهب الى الأسفل
http://aljraif.forumotion.com
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الخميس 27 نوفمبر 2008, 1:07 pm

نحن مابتاعين مؤامرات يا معز

نحن بناقش فى قضايا مهمه
تهم المواطن الجرافى بس
لكن انتو بتناقشو شنو ؟؟؟

بالمناسبه
مؤتمر دى جايه من مؤامرات؟؟؟؟؟؟
اكان ده
شعبى ووطنى جايات من وين ؟؟؟؟

ابوترجى
الرجوع الى أعلى الصفحة اذهب الى الأسفل
ايمن السر بابكر
عضو فعال
عضو فعال


عدد الرسائل : 275
تاريخ التسجيل : 12/07/2008

مُساهمةموضوع: رد: قنصلية الجريف   الخميس 27 نوفمبر 2008, 4:10 pm

[size=29]سؤال
يا ناس القنصلية جدة دى منو[/size]
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   الجمعة 28 نوفمبر 2008, 8:44 am


الجلسة الخامسة من مداولات المحكمة في قضية الطاقية:
في الجلسة السابقة رفع القاضي الجلسة وفيها تم تحديد يوم 28/11/2008م لهذه الجلسة لسماع إفادات بعض الشهود ..وطلب القاضي حضور حسن الصاوي بصفته وشخصه وإعترض القاضي على إستدعاء بشير والزين في الوقت الحاضر إلا إذا دعت الضرورة في مرحلة قادمة وبقرار سيادي.
اليوم 28/11/2008م تنعقد المحكمة بكامل هيئتها وبحضور أصحاب الدعوى والشهود .... ولكن الجميع تساءل عن عدم تواجد الشفيع الجزولي .. وحسب ما تناقله البعض بأن الشفيع تحت الإقامة الجبرية في منزله بالسودان
الحاجب محكمة
يدخل القاضي مع مستشاريه ويراجع بعض الأوراق ويخلع نظارته ويسأل عن حسن الصاوي
الحاجب : حسن الصاوي الفكي... حسن الصاوي الفكي
يتقدم حسن الصاوي مع بعض صيحات الإستهجان من مجموعة أبو تراجي
ويقف أما القاضي
القاضي: عرف بنفسك
يعرف حسن بنفسه
القاضي: أحلف القسم
حسن: يحلف القسم
القاضي: حسن الصاوي إنت عارف إنت اليوم هنا لماذا؟
حسن: أتيت حسب طلبكم لي حيث ورد ذكر إسمي في الجلسة السابقة
القاضي: جميل جداً ... طيب يا حسن ما هي علاقتك بعصام وأبو تراجي
حسن: يا سلام يا مولانا والله علاقتي بيهم سمن على عسل ... لكن يا مولانا والله أنا زي القابلتك قبل كدة .. لكن وين والله ما عارف .. أيوا إنت كنت بتجي في أحتفالات مجموعة أمل السودان في الرياض.
القاضي يقاطع حسن وبصوت قوي ... خلاص ... خلاص .. وبا راجل ما تحترم نفسك وإنت فاكر نفسك وين ... وأحترم المحكمة وسيبك من الكلام الفاضي بتاعك ده .. ولازم تعرف أنك في محكمة ..وإلا .... والله والله إنت عارف براك..
وفعلاً ظهر القضب على وجه القاضي.. وحسن الصاوي لا يبالي ويتلفت يميناً وشمالاً وكأن الأمر لا يعنيه
القاضي: قول لنا يا حسن هل كنت تتوقع إنو الجماعة ديل مشاكلهم ممكن تصل للمحاكم.. وأنبهك لا تطلع خارج الموضوع وبلاش من الكلام الفاض يبتاعك ده.
حسن: معليش يا مولانا ... والله أنا فعلاً كنت مستقرب جداً لأنه كانت تسود الإلفة والمحبة بينهم فعلاً برغم وجود بعض المناوشات بينهم ، وكلمة حق تقال بأن أبو تراجي والله كان قلبه أبيض بس ضاريهو لسانو وبيتعامل بردود الأفعال ، وعشان كدة دائماً بيقع في شر أعماله من أول غلطة يغلطها وما بيرحموهوا الجماعة أبداً ، عكس عصام ومستحيل تعرف بيفكر في شنو وأنا واحد من الناس برغم علاقتي الطيبة به إلا أنني بتعامل معه بحذر شديد لأنو ما بيرحمني وبيديني على رأسي طوالي ... وتعرف يا مولانا أن عصام برضو نسيبي لأنني متزوج إبنة عمه محمد حاج جادالله .. يعني يا مولانا ورقي والله محكوم حكم شديد خلاص.
القاضي: طيب ... طيب خلاص ..
هنا يستأذن ممثل النيابة من القاضي بالمداخلة للإستفسار عن بعض المعلومات
ممثل النيابة: كيف حالك يا حسن الصاوي .. وقبل ما تسألني .. نعم .. نعم نحن تقابلنا قبل كدة في جدة خلال عمرة العام الماضي ..
حسن: والله أنا ما متذكرك ... لكن ممكن فعلاً...
ممثل النيابة: طيب يا حسن شكلك كدة عندك كلام كثير عاوز تقوله ..
حسن والله الكلام كثير فعلاً ... لكن بس أنا عاوز حماية .. لأنو جاءتني تهديدات كثيرة
ممثل النيابة : من أين جاءتك التهديدات
حسن: والله ما بقدر أقول .. وبدأ ينظر إلى الحضور في القاعة وبدأ عليه الإرتباك وتصبب عرقاً
ممثل النيابة: لا تخاف يا حسن سوف تجد الحماية ... طيب .. طيب وبلاش من سؤالي ... لكن يا حسن نحن عرفنا أنك فقدت نظارتك داخل القنصلية
حسن: نعم والله دي كمان حاجة أنا ما كنت بتخيلها أبداً
ممثل النيابة: طيب ما تحكي لينا يا حسن كيف فقدتها
حسن: والله الأسبوع الماضي بدعوة من أبو تراجي ذهبت له ومعي أخي عمر .. والراجل كثر خيرو ما قصر وأكرمنا وقام بالواجب وزيادة كمان .. وطبعاً أنا سمعت بسرقة طاقية عصام .. ولكن ... ما .. وجدته من أبو تراجي جعلني أشك في قضية الطاقية .. وأنا جالس كلما أتذكر موضوع الطاقية .. كنت أقول .. يا سبحان الله رجل بهذا الكرم .. ممكن يعمل عمليه زي دي ... لا .. لا ... ما ممكن أبداً ..
المهم بعد أن أكرمنا الرجل وودعنا .. حصل ما لا أحمد عقباه ... نعم لقد فقدت نظارتي الكاريرا .. نعم .. نعم فقدتها .. وهنا لم يتمالك حسن من نفسه وأجهش بالبكاء .
وفعلاً الوضع كان مؤثر جداً .. وحتى الحضور في القاعة إنقسموا على إثنين منهم من يقول شوف بالله .. ودي كلها دموع بتاعة تماسيح .. ومنهم من يقول ... والله حسن أتقن دوره جيداً .. والقسم الثاني منهم من يقول ... بالله شوف الدنيا .. والله عملية أبو تراجي دي ناس ريا وسكينه ما عملوها .. ويرد عليه من يجلس بجانبه .. لا ... لا يا خوي ده فعلاً متأثر بجرائم ريا وسكينة يعني طلع عمك حسب الله.. ولكن في زاوية أخرى كان هنالك واحد يبكي بحرقة شديدة وتأثر فعلاً بموقف حسن .. وفعلاً طلع راجل حنين جداً ... عبدالرحيم حطي ( ود ريال ) وكان يتمتم ببعض الكلمات ويمسك بسبحة لالوبة كبيرة في يده ...
ممثل النيابة يمد ممثل النيابة المنديل إلى حسن .. وبدأ حسن في مسح دموعه والعرق الذي تصبب منه.
ممثل النيابة : طيب يا حسن .. ماذا فعلت بعد أن فقدت النظارة.
حسن : إتصلت بأبو تراجي وقلت له إنت في البيت.. وقال لي أنا طلعت مع واحد قريبنا مشوار ... فقلت له .. أنا عاوز أجيك راجع ... فقال لي .. مالك ... في شنو .. فقلت له أنا فقدت نظارتي .. فقال لي .. خلاص بدأنا في الحركات بتاعة ناس عصام .. فقلت له يا أبو تراجي النظارة دي مهمه وغالية جداً ..
فقال لي خلاص خلاص بطل الكلام الكثير .. وأنا راجع البيت بعد ساعة ..
المهم بعد ساعة إتصلت به وقلت له رجعت البيت يا أبو تراجي ... فقال لي .. لا حول الله ودي مصيبة شنوا الوقعنا فيها الليلة دي .. يا خي كلمني بعد نصف ساعة ... وفعلاً بعد نصف ساعة إتصلت به .. ولكنه قفل جواله .. إلى أن رد علي الساعة 12 بالليل .. وقال لي خلاص خلاص نظارتك وجدناها.. وتعال أخذها بعد ثلاثة يوم ..
وهنا يقاطعه أبو تراجي .. ياخي حرام عليك .. والله أنت إنسان ما طبيعي .. وتقعد تتابع لي ناس هناي وهناي وهناي والله تضيع نفسك .. بالله شوف الزول ده .. وكان يجلس على يمينه عمر حسن وقال له .. إنت ذاتك راجل بتاع مشاكل وإنت الخلاك تجيبوا شنو من أساسه.. إنت ما عارف إنو راجل متلغي حجج .. والله إنت تستاهل كل حاجة .. ورد عليه أبو تراجي هاي لكن إنت يا عمر ما أديتني فرصة وبرجلتني وأستعجلت ونزلت الموضوع .. ورد عليه عمر أنا .. أنا .. وهنا تدخل أحد الحضور وقال( اللهم أجعل كيدهم في نحرهم) .. وإتضح أنه الطيب بخيت ..
وفي هذه اللحظة يوجه القاضي كلامه لأبو تراجي ... شوف دي آخر مرة وسبق أن تم تنبيهك من القاضي السابق ... لكن صدقني أنا ما حا أرحمك أبداً .. ولا تقاطع بدون إستئذان .. سامع ...
أبو تراجي: أنا والله جد آسف يا مولانا
القاضي : يطلب من حسن مواصلة حديقه
حسن: المهم بعد تهرب شديد مني قدرت أتحصل على النظارة .. ودي كانت سلامة كبيرة جداً ولكن بعد ساعة إكتشفت أنه غير العدسات لأنو معالم الطريق تغيرت .. وتفكيري تبرجل نهائي .. وحاولت الإتصال بالأخ عمر حسن .. ولكنه تهرب مني .. وحاولت أرسل له رسالة ومن سوء العدسات عملت إرسال لأبو تراجي بالخطأ .. وتعال شوف الشتائم فيني والله ...... وهنا أجهش حسن بالبكاء ..
وبعدها هدأت الأمور .. وواصل حسن حديثه ... المهم حاولت مع الأخ عمر ولكن لم أجد أي تجاوب .. وكمان للأسف فقدت أيضا قلم باركر وعندما سألته قال لي والله يظهر إنو الأطفال لعبوا به وكسروهوا وطلب مني وطلب مني معاودة الإتصال به فيما بعد وقفل السماعة في وجهي..
وأنا يا مولانا ما عاوز أي حاجة .. بس أنا عاوز عدسات النظارة والقلم الباركر الغالي .. وعاوزكم تحمونا من هذه القنصلية ومن أبو تراجي ... وده والله مريض .. أحمونا وأغيثونا يا مولانا ... وأجهش حسن مرة أخرى بالبكاء ... وأبكى كل الموجودون في القاعة ..
ممثل النيابة : خلاص .... خلاص يا حسن .. ما تخاف وكل حقوقك إنشاءالله سوف ترجع لك ..
حسن: أنا ثقتي والله كبيرة في عدالتكم يا مولانا وعارف أنو الحق ما بيضيع أبداً..
القاضي: تعال يا حسن وهمس في أذن حسن بكلام غير مسموع
حسن: لا يا مولانا والله اليومين ديل البرامج متوقفه لكن إنشاءالله بعد العيد توجد عدة برامج بالتنسيق مع جمعية أبناء الجريف شرق بالرياض
القاضي: وهنا بصوت عالي قال له طيب يا حسن يوم الخميس ده ماشي وين.
حسن: الخميس ده إنشاءالله معزوم عند أبو تراجي لأنو عمر حسن جاي من الرياض وإحتمال يأتي كمان عاطف عفيفي
القاض: يا عسكري تعال طلع الراجل ده بره وشهادته باطلة....
وفي هذه اللحظة إختلط الحابل بالنابل وبدأ معز عبدالمنعم يصيح دي .. مؤامرة ... دي مؤامرة ... ونحن ما نبهناكم لكن مافي زول بيسمعنا .. طق ... طق ... طق ... وبدأ بعض الحضزر بصيحون .. تعيش طق .. طق .. طق وأخيراً تدخلت قوات الشرطة لفض الإشتباكات ..
وعليها رفع القاضي الجلسة وتم تحديد يوم .../00/2008 موعداً للجلسة القادمة وخرج كل الشهود بحماية الشرطة.
الرجوع الى أعلى الصفحة اذهب الى الأسفل
خضرحسن الفضل
عضو فعال
عضو فعال


عدد الرسائل : 141
تاريخ التسجيل : 03/11/2008

مُساهمةموضوع: رد: قنصلية الجريف   السبت 29 نوفمبر 2008, 12:26 pm

لاحـول ولا قـوة إلا بالله العـلى العـظـيــــم
دمـوع حـسن الصـافى دى إلا يـحـولوهـا لمـعـمل الهـنـدى لتـحـليل الـدمـوع ــ بـاب بـوست الجـريف العـام.
لكـن يـا أستـاذعـصـام اللام المـضاف لى ود ريـا دا {ود ريـا +ل} يساوى ودريـال.
اللام دا لخـبط الحـكـاية كـلها ودريـا دا حنييييييييييين لأنـه طـالع من بيـت المحـنة الأصـلية.
لكـن مـا أظـن أن دمـوعـه دى مــدفـوعـة بالريـال لمـا تــقع نـقطـة نـقطـة زى مـا وقـع مـسطـول أمـيمـة بـتـاع شمس الديـن ود السيـد. يـكون الجمـاعـة أكلوا القـروش بـراهـم وجـابوه المحـكمـة وعـارفـنـه حـيتأثـر طـبيـعى.
يـا المـعـــز جـمـعـــــيـة طـق دى عـندها وجـود فعـال واعـضاء يعـمـــــلـون فى الخـفـاء
خـضـر حـسن
الرجوع الى أعلى الصفحة اذهب الى الأسفل
عصام عبدالصادق
قلم فضي
قلم فضي


عدد الرسائل : 429
تاريخ التسجيل : 23/09/2007

مُساهمةموضوع: رد: قنصلية الجريف   السبت 29 نوفمبر 2008, 12:49 pm

نشكرك يا أستاذ خضر على المرور
وبالنسبة لــــ لام ودريا التي أضيفة وأصبحت ود ريال فعلاً غيرت المعني... وعشان كدة كاتب المحكمة خصموا منه رواتب ثلاثة شهور ... ونقلوهو لمحكمة الفاشر وربما يكون طابور خامس.. ومشكلته ما وجد يخطئ إلا مع ود ريا فله منا العتب حتى يرضي .. وودريا يلحقني وفي الشجرة يعلقني.
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الإثنين 01 ديسمبر 2008, 11:31 am

القاض: يا عسكري تعال طلع الراجل ده بره وشهادته باطلة....
وفي هذه اللحظة إختلط الحابل بالنابل وبدأ معز عبدالمنعم يصيح دي .. مؤامرة ... دي مؤامرة ... ونحن ما نبهناكم لكن مافي زول بيسمعنا .. طق ... طق ... طق ... وبدأ بعض الحضزر بصيحون .. تعيش طق .. طق .. طق وأخيراً تدخلت قوات الشرطة لفض الإشتباكات ..

بعد ده يامعز طق وياعصام الناس بتقول ظهر الحق مع انو انا عندى بعض تحفظات على المحكمة بس انا بحترم القانون والحمدلله القاضى عرف مؤامراتكم ضدى واظهر بطلان ادعاءات حسن الصاوى وعندى مايثبت بطلان ادعاءاته والمؤمرات التى يحاول البعض تنفيذها لاشانة سمعتى وسمعت الجريف شرق متمثله فى قنصليته
وسوف انستخدم هذه المستندات فى حينها حفاظاً لسير القضية بدون نشر ما يعوق العداله

ابوتراجى
الرجوع الى أعلى الصفحة اذهب الى الأسفل
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الإثنين 01 ديسمبر 2008, 12:30 pm

كتب استاذ الخضر
يـا المـعـــز جـمـعـــــيـة طـق دى عـندها وجـود فعـال واعـضاء يعـمـــــلـون فى الخـفـاء

لدينا وجود وسوف تسمعون قريبا عن المؤامرات التى تمت بقنصلية الجريف يوم الخميس 28/11/2008
كتب ابو تراجي
مؤتمر دى جايه من مؤامرات؟؟؟؟؟؟
اكان ده

شعبى ووطنى جايات من وين ؟؟؟؟
شعبي جايه من اشعب الاكول مثل عبد الرحمن ال ضرب قروش قنصلية الجريف

ووطنى جايه من توطين المتامرين بقنصلية الجريف ورشوتهم
وسوف نظل وراءكم حتى يتم ارسال طواقى الجمعية او تعويض مناسب للطاقية الغالية جدا على اخونا عصام والتى اخذت عنوة واقتدارا
ود ابوريده
الرجوع الى أعلى الصفحة اذهب الى الأسفل
http://aljraif.forumotion.com
خضرحسن الفضل
عضو فعال
عضو فعال


عدد الرسائل : 141
تاريخ التسجيل : 03/11/2008

مُساهمةموضوع: رد: قنصلية الجريف   الإثنين 01 ديسمبر 2008, 5:45 pm

]كتب ابو تراجي [/size]
مؤتمر دى جايه من مؤامرات؟؟؟؟؟؟
اكان ده

شعبى ووطنى جايات من وين ؟؟؟؟
شعبي جايه من اشعب الاكول مثل عبد الرحمن ال ضرب قروش قنصلية الجريف

ووطنى جايه من توطين المتامرين بقنصلية الجريف ورشوتهم
وسوف نظل وراءكم حتى يتم ارسال طواقى الجمعية او تعويض مناسب للطاقية الغالية جدا على اخونا عصام والتى اخذت عنوة واقتدارا
ود ابوريده
إزيـك يا المعـز مـؤسس جـمـعـية طـق
ردودك دى فـنـانـة وشـافـية وكــافـية.
ويـا أبـو تـراجـى المـعـز دا مـا بـتـقـدر عـليـه أحسن تـرسل ليـه الطـواقى.
خـضر حـسن
الرجوع الى أعلى الصفحة اذهب الى الأسفل
عبدالله محمد نابري
قلم ذهبي
قلم ذهبي


عدد الرسائل : 968
العمر : 107
الاقامة : kSA - RIYADH
المهنة : Chief Accounts
مزاجك اليوم :
تاريخ التسجيل : 04/06/2008

مُساهمةموضوع: رد: قنصلية الجريف   الثلاثاء 02 ديسمبر 2008, 1:39 am

ابو تراجي ... ده واحد من المستندات الممكن تدعم موقفك في القضية دي ..
اته "حبل" ذهبي اقصد قلم ذهبي وعصام فضي ...



وانا ما عارف الطاقية والنضارة المتهمنك بيها دي شكلها كيف ؟؟
هل لها ارث معين ؟!!
هل لها قيمة معنوية "لا تقدر بثمن"؟!!؟!
انا وهندي احتمال نجي جدة قريب بس انا شايل بيجر وهندي معاهو 3310 يعني اصلو ما خايفين!
على العموم ما تشيل هم ربنا معاك ونحن معاك ..
وابشرك بنزاهة القضاء السوداني ..


الرجوع الى أعلى الصفحة اذهب الى الأسفل
http://www.basilholding.com
معز
قلم فضي
قلم فضي


عدد الرسائل : 330
الاقامة : السعودية/القصيم
تاريخ التسجيل : 09/01/2008

مُساهمةموضوع: رد: قنصلية الجريف   الثلاثاء 02 ديسمبر 2008, 8:21 am

كل يوم تزداد المؤامرات وفصول جيدة من الاجتماعات داخل قنص لية الجريف

و قريبا يتم استقبال ال نابري بالقنصلية
ويبدو ان عبد الله تم استمالته وقد بدت بوصفه لابو تراجي بالقلم الذهبي

الظاهر يا عصام بعد شوية نلقى ابو تراجي استمال كل اعضاء المنتدي وبقينا انا وانت و حاج علي المنشاري بدون طواقي
الرجوع الى أعلى الصفحة اذهب الى الأسفل
http://aljraif.forumotion.com
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الثلاثاء 02 ديسمبر 2008, 9:48 am

الظاهر يا عصام بعد شوية نلقى ابو تراجي استمال كل اعضاء المنتدي وبقينا انا وانت و حاج علي المنشاري بدون طواقي

معز شوف والله احسن ليك تنسحب من الجماعة ديل


وتجى معسكرالاتقياء وبراك قلته حتفضلوا انت عصام وحاج على !!!
يعنى الناس دى كلها غلط وانتو صاح
تانى احسن ليك
ولو جيت بغنى ليك
وبيك ترحيبنا ياضيفنا
قدومك همبريب صيفنا
ومزاجنا وتكملت كيفنا

وكان راجل تعال

ابوتراجى
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الثلاثاء 02 ديسمبر 2008, 10:08 am

الى المحكمة الموقر

عندى مستند مهم لسير القضية
وماعرفت كيف انزلو هنا
امل افادتى

ابوتراجى
الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الثلاثاء 02 ديسمبر 2008, 10:21 am

عبدالله محمد نابري كتب:
ابو تراجي ... ده واحد من المستندات الممكن تدعم موقفك في القضية دي ..
اته "حبل" ذهبي اقصد قلم ذهبي وعصام فضي ...



وانا ما عارف الطاقية والنضارة المتهمنك بيها دي شكلها كيف ؟؟
هل لها ارث معين ؟!!
هل لها قيمة معنوية "لا تقدر بثمن"؟!!؟!
انا وهندي احتمال نجي جدة قريب بس انا شايل بيجر وهندي معاهو 3310 يعني اصلو ما خايفين!
على العموم ما تشيل هم ربنا معاك ونحن معاك ..
وابشرك بنزاهة القضاء السوداني ..


هوى ياعبدالله كلامكم بقى زى كلام ناس طق وعصام والحكومة

(حنجى حنعمل ح ح ح ح ح ح ح ح ح ح ح ح ح ح ح ح ح ح)
تعالوا من قبل رمضان انا منتظركم
بس بى بيجرك وجوال الهندى القديم ده ممكن تتسببو فى تعطيل بعض اجهزة القنصلية
(اجهزة تصنط ورادارات واجهزة غرف التحكم وانارة ملاعب القنصلية وايضاً خزنة الاموال لانها ديجيتال)
عليه نامل عدم اسطحاب الاطفال

وياضيفنا لو زرتنا فى دارنا
لوجتنا نحن الضيوف
وانتم رب المنزل

المنتظر للبترول
ابوتراجى

الرجوع الى أعلى الصفحة اذهب الى الأسفل
ابو تراجى
قلم ذهبي
قلم ذهبي


عدد الرسائل : 903
مزاجك اليوم :
تاريخ التسجيل : 11/03/2008

مُساهمةموضوع: رد: قنصلية الجريف   الثلاثاء 02 ديسمبر 2008, 10:28 am

كل عام والجريف واهلها بالف خير

تتقدم القنصلية العام للجريف شرق بجدة
باحر التهانى لكل اهل الجريف بمناسبة
حلول عيد الاضحى المبارك
اعادة الله على الجميع بالخير واليمن والبركات
علية تهيب القنصلية من زوار جدة خلال فترة العيد
بزيارة مبانيها بطرق مكة كيلو 3
الرجوع الى أعلى الصفحة اذهب الى الأسفل
 
قنصلية الجريف
استعرض الموضوع السابق استعرض الموضوع التالي الرجوع الى أعلى الصفحة 
صفحة 5 من اصل 7انتقل الى الصفحة : الصفحة السابقة  1, 2, 3, 4, 5, 6, 7  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
............ :: المنتديات الرئيسية :: الجريف للمناسبات والتراحيب-
انتقل الى: