الشوفة الشرعية

احمد عوض كتب ...

مقالة:

الله اكون فى العون .............................

لكن ياعبدالله الزمن بقا صعب والحال اصعب الحمد لله .

وزى ماقال ودسنقد الزواج بالترشيح افضل طريقة لانو البرشحوها ليك دى بتكون بنت اهلك

يعنى بتكون طباعك وانتا عارف طباعه ما محتاجين حاجة كتيرة .

حبيبي احمد ...

انا مقتنع بكل ما ذكرت بس يا احمد بعد الترشيح هناك الشوفة ... الشوفة الشرعية ...
طبعا انا ما قاصد انك تشوف البت طبعا دي حاجة ساهلة وما مشكلة ..
انا قاصد انو انت من خلال الشوفة الشرعية محتاج تعرف حاجات كتيرة عن البت والحاجات دي يمكن لخصه الاخ عصام وهو مشكور على ذلك ... بس بتبقه المشكلة هل ذمن ومكان الشوفة الشرعية صالح لاجراء هذه المعاينة !!!
وبالمناسبة طبعا انت واعداني انو الحفلة عليك كلها !!! وذي ما اتقفنا انها مجاني ... ماتقول لي بس حق الساوند ولا الحافلة !!!
مشكور ستة شهور علي المداخلة وعلى الاغنية الرائعة

كتب عصام عبد الصادق

مقالة:

وجع .. يا وجع يالعزابة تموتو شنو كدة ما عارف يالعزابة وقلنا ندلو بدلونا معاكم لاني شائف الهندي وحسن بدأو يخرمو شوية ورأسهم ضارب وعبدالله جرجرهم وراءه .

الراقي عصام عبد الصادق ... الجماعة اتجهجهو وليس اتجرجرو لاننا في الهواء سوا والطيور على اشكالها تقع !!!!
مشكور يا صديقي على الاسئلة بتاعت المعاينة وبالنسبة لي انا طبعتها وحفظتها بس خايف بعدين اتكبكب وما اقدر اقول اي حاجة ذي العريس الما لقه حاجة يقولها للعروس في ليلة الزفاف وبعد تعب قال ليها: انتي ابوك وامك عارفنك هنا !!!

كتب بدر عبد الماجد

مقالة:

هناك صديق لى قد تزوج عن طريق الشوف الشرعية وقد كانت مرة واحدة بدون تركيز ؟؟
يعنى صاحبنا ماشاف أى حاجة بس أسم شوفة شرعية وقد تم الزواج وكانت الصدمة الفاجعة لاخى العريس
لم تكن كما يتوقع ووجدها بغير مايتصوره عقله ( يعنى طلعت العروس متخلفة عقلياً من غير الشكل الجمالى
الذى لايعتبره مهم ؟ وقد جنى جنونه ومن الشىء العجيب كان هذا الاختيار من أسرته التى كتبت له الضياع
ولم يجد حلاً إلا أن يطلقها ورجعها من حيث أتت (السودان ) .

سبحان الله !! ربنا ما خله في الدين حاجة يا ود عبد الماجد فالشوفة الشرعية دي ذي ما قلت اساس الموضوع كلو يعني ياتصيب ياتخيب ... لذلك يا روحي لو انته قريت موضوعي كويس !! انا قلت انو الناس بتتعقد من الشوفة الشرعية وقد تحسب لك خطوبة وخط الرجعة بيكون صعب ... لذلك دي المشكلة !!! بالنسبة لزولك فده واحد من ضحايا الشوفة الشرعية ... الشوفة المافيها مهلة ... الشوفة الما برواقة !! الشوفة حقت الشفقة!! وطبعا انا مقدر ظرف هذا المغترب ولكن هكذا شوفة لا يمكن ان تبنى عليها حياة ...
سؤال بطرح نفسو شديد: كيفن الشوفة بتشيل نوارة العروس؟ هي عاوزين يشوفها ولا يغسلوها !!!
اذن فأنت يا بدر قد اشرت الي منحنى اخر في الموضوع وهو العادات والتقاليد المتوارثة التي تلقى بظلالها وتأثيرها على الموضوع ... بالمناسبة يمكن تشوف البت وما تقتنع يقولو ليك الزول ما بعرس البت بعرس اهلها ... !! بعرس اهلها كيف يعني !!!
واعتقد انو الحياة الزوجية السعيدة (لاحظ لكلمة اعتقد لاني ما جربت) اساسها انت ووزوجتك وكل التفاصيل الباقية هي مكلمة ..
واريتك تبقه طيب وانا البي كلو هين...

عبدالله يا أخوي أنا أشيل وأرص وأكتب بالعربي والأفرنجي وأطربق ليك في الشوفة الشرعية
لون أسود وكحلي وأخضر وبنفسجي ... ياخي قول لي شكرا على المرور وأصلو ما شكرا
على الاقتراح والقانون الجديد العايز تنشرو لينا من راسك ده والثني عليهو حسن والخوف
من تتحقق الرؤيا فيهو

_________________

الهندي ود البشير كتب:

مقالة:

عبدالله يا أخوي أنا أشيل وأرص وأكتب بالعربي والأفرنجي وأطربق ليك في الشوفة الشرعية
لون أسود وكحلي وأخضر وبنفسجي ... ياخي قول لي شكرا على المرور وأصلو ما شكرا
على الاقتراح والقانون الجديد العايز تنشرو لينا من راسك ده والثني عليهو حسن والخوف
من تتحقق الرؤيا فيهو

اصبر علي شوية يا هندي انت وعزيزي ناجي ود مريم عمتي بجيك بمهلة ورواقة بال

_________________
No body can go back to make a new begin , but every one can start from now to make a happy ending

اها اخير ليك كدا يا الهندي ؟؟
الراجل كان جايي عليك .. بس الشفقة ما بتريحك .. هههه
خليك مهييييل زي ود مريم دا ..

تبقوا لي بعافية إتوا يا أحبتي طول العمر .. ببركة الشوفة الشرعية ..

ودوموا لنا ...

_________________

كـــــــــــــــان في الأرض ,, أمانان ,, من عذاب الله رفع الأول وبقي الثاني فأما الأول رسول الله صلي الله عليه وسلم وأما الثاني ,, الإستغـــفار ’’ ( ومـا كان الله ليعذبهم وأنت فيهم )
( ومــا كان الله معذبهم وهم يستغفرون ) فالزم الامان الثاني رحمك ورحمنا الله واستغفر الله العظيم

هندي ود البشير عمي كتب:
[/size]مقالة:

بعد كم يوم لقيناهو غير رأيو ... كيف الكلام ده يازول ؟ قال علشان أدت أخوها الصغير كف شديد (حــار) قدامي .. قلت ليهو طيب ويعني شنو الكلام ده ؟
قال لي مرقت من نفسي وحسيت أنو طبعها حاااااااار واحتمال ما تنفع معاي قلت ليهو أمممممممم

هندي .. صباحك قشطة وعسل اسود سائل...
الكف ده ذكرني كف بتاع واحد عزيز علي شديد ...
وبالمناسبة صاحبك ده ما خاف من الكف في حد ذاتوذي ما قال حسن لكن في اعتقادي ان المرأة كائن طري هين ولين .. يصعب انو انك تتصور انها ممكن ان تؤذي او تجرح !! فاعتقد انو صاحبك ده لسه ما مصدق!!
والهندية ام خيالا واسع دي (بطلة الفلم الهندي الصديقان الثلاثة) كان ممكن تكتفي بالقرصة ساآآآكت.. ويمكن ان تحولها لعضة اذا دعا الامر بس ده ما قدام فارس الاحلام لانو هو في هذه اللحظة لايزال ينظر لها بلون وردي

مقالة:

أما القصة التانية فحصلت في السودان وكانت أحداثهـــا في ( الدفار ) وأثناء ما الزول جاي من
المستشفى ومعاهو أمه وراجعين للبيت ركبو الدفار وفي زحمة الدفار في بنت كانت قاعده جنب أمها ولما جات وقفت جنبها أم زولنــا البت طوالي قامت للحاجه الكبيرة أم الشاب علشان تقعد
مكانها المهم زولنا أتاريهو برضو مغترب وجاي السودان يفتش لعروس بعد ما اتلخبطط قصص
قديمة ليهو مع بنت من بنات أهله وكان جايب معاهو شيلته .. المهم سأل البنت وقال ليها قمتي
لأمي ليه ؟ فردت ليهو وقالت ليهو أمك زي أمي ومفروض أقوم ليها ده من الواجب علشان
مامعقول تكون هي واقفه وأنا قاعده ..... زولنا عجبو كلام البنت شديد وسألها من بيتهم وأهلها

ده الاختيار الصاح!! بس يا سيد يا جيد يا محترم يا راقي مثل هذه الاشياء تحصل بالصدفة واصلا ذي هكذا بت يا هندي لا يمكن ان تلقالها بالساهل لانو فعلا دي صدفة والصدفة لا تتكرر .. وقد قال رسول الله (ص) ليس منا من لم يرحم صغيرنا ولم يوقر كبيرنا فنعم البت واكيد زولك تربت يداه ...

مقالة:

ده لكو هين المشكلة ياعبدالله أنو الناس تخلي العرس مره واحده ويطلع قانون جديد يقول مافي
حاجه تانية اسمها عرس نهائيا في الدنيــا دي وبالتالي انت حتكون اتوطت معاي

ود عمي الغالي انا دربي مرق الكلام كلامك انته لانو سمعت مقولة تقول انو عروسك لسه امها ما عرسوها وانته عارف انو مصادري موثوقة!!

_________________
No body can go back to make a new begin , but every one can start from now to make a happy ending

عبدالله محمد نابري كتب:

كتب ود سنقد

مقالة:

وتأتي فكرة الترشيح .. أنه بعد أن يقدم لك مجموعة من الفتوات في قائمة المرشحات .. تأتي بعد ذلك واجبك أنت كعريس نافضاً للكيس .. بالنظر في المرشحات (وتغربلهم) لكي تصفى على مجموعة قليلة من البنات .. ومن ثم بعد السؤال والفحص والتمحيص عنهن وهكذا ..

الراقي ود سنقد اسمح لي ان اقوم باعراب الجملة التالية من مشاركتك الرائعة

كعريس نافضاً للكيس

الكلمة : اعرابــــــــــــــــــــــــــــــــها

ك : الكاف للتشبيه ساآآكت
عريس : كلمة تدل على ذلك الامل البعييييييييييد الذي نرجو تحقيقه ... والذي اصبح ذي السراب في ظل المعطيات الحالية باستحفال ظاهرة الشينات التلاتة
نافضاً : فعل ماض سحيق لانك الان لا تنفض الكيس فقط بل تنفض الكيس وتنفض الجيب وتنفض الزملاء والاصدقاء والاقارب واريتو بعد ده كله تنستر!!!
للكيس : اللام حرف جر بجرك في متاهات كبيرة .. حنة العروس وعشاء الفنانين وقولة خير وفتحة خشم ...الخ !!
الكيس : وهو بعد ده فضل فيها كيس !!!

انا متابع الموضوع لي فتره بس الرد دا ظريف شديد
عبدالله يااخوي انتا الموضوع دا شكلوا خلاك تدبرس عدي ل كده وبعديين يامان الكلام ده كلو قبل ماتلغى بت انا ماعريف هاتقول لينا شينو لو ليقت واحده
بعدين البنات في السودان معظمهين واحد مافي اختلاف كتير حتى الشكل تقريبا واحد
بس انت توكل على الله و ظبط الكيس

و هناك قاعدة شرعية نصت عليها الآية الكريمة من سورة النور أرجو أن تقيس نفسك عليها سواء كان القارئ رجلاً أو امرأة وهذه القاعدة هي:

قوله تعالى:{ الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ (26) }

يقول سيد قطب في كتابه في ظلال القرآن في تفسير الآية:

(هذا عدل الله في اختياره الذي ركبّ في الفطرة وحققه في واقع الناس، وهو أن تلتئم النفس الخبيثة بالنفس الخبيثة، وأن تمتزج النفس الطيبة بالنفس الطيبة، وعلى هذا تقوم العلاقات بين الأزواج.

أن الأخلاق الطيبة هي نتاج طيب للمعدن الطيب والدين الصحيح والأخلاق الخبيثة هي نتاج خبيث للمعدن الخبيث والدين الكاذب.

_________________
Quran Explorer - Interactive Audio Recitations & Translations

[size=29]السلام عليكم
انا ماعارف لالكين
متفرض انو الواحد قبل مايجي يخطب او يدخل في بنرامج العرس محتاج انو يقعد مع العروس او الحبيبة او الخطيبة علشان يقدر يتناقش معاها في مواضيع كتيره والمواضيع دي ما ممكن يتناقشو فيها بعد العرس عشان بتكون فيها حاجات جديدة ولازم يعرفوا بعض شديد واي واحد فيهم يحكي لي التاني عن الاخر عشان الواحد لمن يسمع بي شي قديم يكون عندو خلفية عن الموضوع وما يكون شي جديد عليهو وليناااااااااا عودة انشاء الله [/size]

_________________
اغـــــــــــدآ القـــــــــــــــاك ....؟
فيــــا خـــوف فـــــــؤادي مــن غــــــــدآ..؟

كتب ناجي ود مريم عمتي

مقالة:

ويطير فتى الاحلام لى شجرة تانية!!

تعبير طريف وفيهو تحذير شديد اللهجة مغلف بطار انيق الدعابة والسخرية اللازعة ...

مقالة:

مسالة الارتباط (الزواج) مبنية على التفاهم وتبادل المشاعر والاحساس ومقدار العاطفة من الطرفين حتى يبصبح الزواج بالمعنى المكتمل من رحمة ومودة واللفة وغيره من الصفات المرجوءة ، لذلك وعلى ما اعتقد بان الشعور بالاحساس الصادق تجاه كل من الطرفين والشعور بمصداقية وشفافية الاختيار بان بالفعل اخترت المراءة التى تستاهل اجتهادك وفكرك وامكانياتك لتعيش بعدها حياة كما رسمتها

الكلام ده ما عندي اي تعليق سوى انو الواحد يقرأ المقطع اعلاه اكثر من مرة يفكر

مقالة:

وللخروج من هذه الدائرة المغلقة والمغلصة فى الاخييارات عليه اضع حلولى والتى انصح بها كل الاخوان المغتربين والذين لم يتزوجو بعد عليه التنازل فى الكثير حتى يجد القليل ولكن برضاء وسعادة ، عليهم ان يحددو فترة ذمنية ليكون فيها مغترباً عن ديارة موش يمشى ويخليها ساكت احتمال يعيش باقى حايتو كلها هناك حتى ولو تزوج ، على كل معترب عازب عليه التفكير بان مسالة الزواج مسالة (اختيار شريك حياة )موش تجرب وتشوف الحاصل اذا نفعت واصل واذا لم تنفع شوف غيرها (كما يتجول الفرد من عمل الى اخر بحثاً على الافضل ) ...يعنى بالواضح الواحد يرجع السودان ويشيل قدرتو الجابها معاهو ويمشى السودان يقعد فترة طويلة بحثاً عن حياته الحقيقية وبحثاً عن الزوجة التى ستجلب لك من من سيرث مجهوداتك التى تبزلها الان وبعد الزواج والاطمئنان على من اختار لو داير السفر يسافر وانشا الله يبحث عن عمل من جديد

دعني اتوقف عند عبارتك (بحثا عن حياته الحقيقية ) اتفق معك تماما ان الحياة الحقيقية في السودان وسط اهلك وناسك ودعني اورد حديث الرسول عليه الصلاة والسلام حين قال: ‏السفر قطعة من العذاب يمنع أحدكم طعامه وشرابه ونومه فإذا قضى نهمته فليعجل إلى أهله وقالت السيدة عائشة رضى الله عنها لو لم يقل الرسول السفر قطعة من العذاب لقلت ان العذاب هو السفر..
وكما تعلم ان للغربة ضريبتها والبوست هذا واحد من ضريبة الغربة ... وبالمناسبة ارجو ان لا يفهم من كلامي ان الموضوع متعلق بشخصي الضعيف !! ابدا والله بس بحاول ان الفت انتباه الناس انو فعلا دي مشكلة .. الشوفة الشرعية .. من حيث المكان والزمان كما اسلفت..

مقالة:

وبين قوسين كدة ( المغتربين ذاتهم عاملين مشاكل اكبر من الانتو عايشنها ،،، فالواحد يكون فى امانه الله مرتاح وقلبو مليان حب واحلام مستقبلية طويلة وفجاة يجى مغترب يشوت ضفارى بعد ما لقاها مقنطرة ) الله يعين الجميع

دي ما مشكلة المغتربين ياخوي دي مشكلة اللجنة الشعبية عندكم في الحي !!
ختاما ارجو ان نشوفك كتير لانو انا تحديدا بستمتع بما تكتب
بستمتع حتى الثمالة ..

_________________
No body can go back to make a new begin , but every one can start from now to make a happy ending

كتب انس بخيت:
مقالة:

عبدالله يااخوي انتا الموضوع دا شكلوا خلاك تدبرس عديل كده وبعديين يامان الكلام ده كلو قبل ماتلغى بت انا ماعريف هاتقول لينا شينو لو ليقت واحده
بعدين البنات في السودان معظمهين واحد مافي اختلاف كتير حتى الشكل تقريبا واحد
بس انت توكل على الله و ظبط الكيس

الراقي انس تحياتي اينما تكون .. شايفك وسط خضرة ومويه بس ما شايف الوش الحسن ...
يا غالي ... الموضوع مدبرس بامثالي ايضا. وبعدين كيف البنات في السودان شكلهن واحد؟!!
اته يمكن ملخبط بين السودان والصين هههههههههه..
وصدقني يا انس ليس بالشكل وحده يحيا الانسان ... والزول بعرس مرة واحدة عشان كدا احسن الواحد ينجض حشتو ولا شنو؟!!

_________________
No body can go back to make a new begin , but every one can start from now to make a happy ending

كتب نبيل احمد علي :

مقالة:

انا ماعارف لالكين
متفرض انو الواحد قبل مايجي يخطب او يدخل في بنرامج العرس محتاج انو يقعد مع العروس او الحبيبة او الخطيبة علشان يقدر يتناقش معاها

ما هي المشكلة في القعدة دي ذاتااااااااااا يا نبيل !!!!! tea;

_________________
No body can go back to make a new begin , but every one can start from now to make a happy ending

سلااااااااام عليك اخي عبد الله نابري
وانت دايمآ علي بالي وخاطري
بس الواحد لمن يقعد مع خطيبتو اكيد حيكون في كلام تاني فعلآ بس ماخلاص دي حتكون زوجتي وام اولادي صح وانت عاااااااااارف

_________________
اغـــــــــــدآ القـــــــــــــــاك ....؟
فيــــا خـــوف فـــــــؤادي مــن غــــــــدآ..؟

ود امحمد خالى فى واحدة ارسلت صورتها بالبلوتوث دحين تعتبر دى شوفة شرعية او الشوفة الشرعية فى عصر العولمة كده

_________________
كل طائر مرتحل عابر البحر قاصد الاهل حملتوا اشواقى الدفيقه

الطيب الامام الطيب كتب:

ود امحمد خالى فى واحدة ارسلت صورتها بالبلوتوث دحين تعتبر دى شوفة شرعية او الشوفة الشرعية فى عصر العولمة كده

ههههههههههههههههههههههههههههههههههههههههههههههههه

ود الامام دي شوفة شرعية عصرية بس ما اعتقد بتنفع مع ود عمي عبدالله ولا شنو يا ود امحمد
اممممممممممممممممممممممممممممممممممممممممممممممم

_________________
عن شداد بن أوس عن النبي صلى الله عليه وسلم قال: "سيد الاستغفار أن تقول: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي، وأبوء لك بذنبي، فاغفر لي، فإنه لا يغفر الذنوب إلا أنت".
zaincof

البوست ده خليناهو زمان يا ود الامام ... شرايط الاعراس ما خلن شي
اما بالنسبة للشوفة عن طريق البلوتوث فدي شوية بس ما شرعية ..
لانو الصور حقات البلوتوث دي بتكون مستّفة فوتوشوب!!

_________________
No body can go back to make a new begin , but every one can start from now to make a happy ending

الاخ عبدالله ودنابري لك التحيه
فعلا"موضوع الشوفه الشرعيه موضوع شرعه الله لكن حاليا من تجي وتقول داير اشوفا اهلا مابشهدوك سريع ياعصير ويابارد و(ياماذون)
يااخوانا الصبر لا خير البر عاجله وتجي المشكله الحقيقيه
وكمان موضوع الاختيار ده موضوع انا برفضوا تماما لان نسبة الفشل فيه عاليه جدا"
قبل فتره كان في بت عسل والعرسان اقوموا واقعدوا وكل يوم في واحد داقي الباب والبت شايفه روحا سمحه وكمان من اسره وضعها المادي مرموق
بس جاء جارهم مغترب فتره طوليه جدا غرابة 12 سنه وشايل كترت قروش الاختيار وقع على البت وتم الزواج وسافروا كل يوم الصباح صاحبك البس اجم بدله وامشي الشغل بس شدت مابجي تعبان ومرهق لمن شكت فيهو
يوم جاها واحد مستعجل ودق الجرس شايل ليهو بقجة هدوم قال ليها عايذ زوجك اغسل واكوي لي الحاجات دي سريع صاحت فيهو قالت انا زوجي شغال في شركة محترمه قال ليها بالله سيبينا وفات شالت اقرب عبايه وحصلتو لقت زوجها غرقان في الصابون وسرعان طلبت الطلاق حاول التفاهم معاها لكنها رفضت بشدة طلقها وطلب منها ان لاتخبر اهله بطبيعة عمله اها ده الاختيار والكذب شوفو وصل الناس ديل وين....

اسماء صباحك قشطة وعسل اسود سائل ~
انتي فاكرة نحن اذا اتقدمنا لبت ماشين يدونا ليها ساااكت كدي وخلاص ..
السودانين بقو ذي المصريين أول سؤال بيسألو العريس شغال وين ؟؟؟
والسؤال ده بيكون قبل السؤال عن الاخلاق والاهل والله المستعان ..
والزول بتاع المغسلة ده لو انا منو والله ما بطلق البت دي لو كسرت رقبتها ..
لانها في الاساس اختارتو عشان القروش والوضع الاجتماعي ..
وطالما هي اختارت القروش وليس المعدن والاخلاق فلازم تدفع ضريبة اختيارها ده ..
يا ناس الزول هو البجيب القروش موش القروش بتجيب الزول !!!

_________________
No body can go back to make a new begin , but every one can start from now to make a happy ending

اسماء كتب:

لكنها رفضت بشدة طلقها وطلب منها ان لاتخبر اهله بطبيعة عمله

فكرك يا إسماء جنس الشمار بتقدر تدسّو ؟!!

_________________
No body can go back to make a new begin , but every one can start from now to make a happy ending

يعطيك العافية عبدالله موضوعك شيق وجميل

اها إنشاء الله شوفتها !!!!!!!! rap

_________________
" كل ما أجيك دانى كايس لحنانك تبعد منى تقسى وتزيد الألم "