نداء

موضوع: نداء الأربعاء 18 مارس 2009, 9:13 pm

[ بسم الله الرحمن الرحيم اخوانى واهلى اعزائ منذ فترة قد تلاحظ عدم وجود التسمية المبهمة فى منتدانا وكل الذين موجودين بعتبارهم اهل ويد واحده مافى داعى الى الدخول باسماء مستعاره وهذا المنتدى يسعى الى التعارف والتواصل بين ابناء المنطقة الواحدة وهمنا واحد هو كيف نرتقى بجريفنا الحبيب ماادرى كيف اوصف لكم شعور الواحد حين يشوف شخص يتستر خلف اسم غير معروف لماذا اهو من عدم المواجه او لعدم اظهار شخصه واذا الواحد فينا ليس لديه الشجاعة من كتابة رايه الشخصى وكان معروف من هو وكيف اسلوبه اخوتى كيف نرد عليه وهو شخص مبهم وليس معروف وقد تلاحظ فى الاام الاخيرة كترة الالغاب والتسميات المبهمه وغير معروفة بعد ان توجهنا الى صورة حضارية وشجاعة لظهور كل واحد باسمه بل الى اسمه الرابع والاغلبيه كل واحد يعرف الاخر وتوجد صلة صداقة قوية بيننا ليه نكون مثل المنتديات الاخرى تلقى الرجل يمل بنت والبنت تعمل ولد ولاتوجد اى جدية لافى المواضيع ولا فى الراى والقرار اين اخونا وليد عثمان واين اخونا معتصم بابكر واين ود عبد الصادق اين الادراة التى تقوم بشان هذا المنتدى ليه ماتنظروا الى التسميات هذه ومن راى كل واحد ليس لديه الشجاعة بان يدخل باسمه الحقيقى احسن يدور الى اى مكان به دردشه او ونسه اناشدكم اخوانى للاسم معنى كبير بيننا وياريت الواحد يكتب اسمه الحقيقى وسوف تعرف فائدة اسمك لما تكون معروف لدى الجميع

_________________
كل طائر مرتحل عابر البحر قاصد الاهل حملتوا اشواقى الدفيقه

موضوع: رد: نداء الخميس 19 مارس 2009, 1:46 am

أضم صوتي لصوتك يا ود الامام فالموضوع ده في غاية الاهمية .. والكورة الان في ملعب المشرفين مفروض زول باسم مستعار ما يدخل المنتدي ويمكن استثناء النساء نسبة للخصوصية واعتقد ان للادارة ستجد الالية المناسبة لمعالجة هذا الامر .

_________________
No body can go back to make a new begin , but every one can start from now to make a happy ending

موضوع: رد: نداء الخميس 19 مارس 2009, 3:02 am

أفيدكم بأن الإدارة الآن تنظر في موضوع الألقاب ..
نزولاً لرغبة السادة الأعضاء ..

فقط دوموا لنا ولها ...

_________________

كـــــــــــــــان في الأرض ,, أمانان ,, من عذاب الله رفع الأول وبقي الثاني فأما الأول رسول الله صلي الله عليه وسلم وأما الثاني ,, الإستغـــفار ’’ ( ومـا كان الله ليعذبهم وأنت فيهم )
( ومــا كان الله معذبهم وهم يستغفرون ) فالزم الامان الثاني رحمك ورحمنا الله واستغفر الله العظيم

موضوع: رد: نداء الخميس 19 مارس 2009, 12:26 pm

اشكر مروركم الكريم صدقونى انا حصل لى شى جميل جدا من كتابة الاسم الحقيقى ومن هذا المنتدى وباسمى الحقيقى تعرفت الى عدد من اهلى واقاربى لم اشوفهم من اسم جدنا تعرفنا على بعض اليس هذا الشى من اجمل الاشياء كونك تعرف اهل لديك وتكون لديك صلة تواصل معهم كنت تفقدها من قبل وكنت تسمع عنهم فقط ولو كان دخلت باسم مستعار او هم كذالك كنا بنتعرف على بعض ولو كلنا دخلنا باسماء مستعارة اين الهدف الرئيسى الذى نسعى اليه

_________________
كل طائر مرتحل عابر البحر قاصد الاهل حملتوا اشواقى الدفيقه

موضوع: رد: نداء الإثنين 20 أبريل 2009, 5:08 pm

الاخ الطيب الامام الطيب من المفروض ان نتميز بالاسم الحقيقي ولنتعارف اكثر لا مزيد الناس الله يديها العافية

موضوع: رد: نداء الجمعة 24 أبريل 2009, 12:05 pm

اذا كان نخاف وضع الاسم الحقيقى ونميل الى الاسماء المستعارة لو سجل عضو جديد ليس من الجريف وابدى راية بكل صراحة ووضوح فماذا نعمل تجاة ذلك

موضوع: رد: نداء السبت 25 أبريل 2009, 4:48 am

معاك يا ود الامام

_________________

موضوع: رد: نداء الأحد 26 أبريل 2009, 5:19 am

السلام عليكم

يا أخوانا اذا فرضنا واحد سجل باسم مثلا
مالك محمد علي والتاني سجل بخيت محمد نور
والثالث سجل محمد علي بخيت وكلهم ما بتعرفوهم
حتقولو ليهو لا لازم نعرفك شديد
بتخايل لي انو نحنا انشغلنا حبتين بالموضوع واديناهو
مساحه كبيره ما حنقدر نضبط الحكايه لانها علي الشبكه
العنكبوتيه عارفين الشبكه العنكبوتيه البصح صح عامله
كيف دي ذيها واحد
يعني اتخايل لي انو صاحب الاسم المستعار لو حب الناس
تعرفو خلاص المسأله متروكه ليهو ولو ما حب ما حنقدر
نعمل ليهو حاجه ما هو لو عاوز الناس تعرفو كان سجل باسمه
الحقيقي ولو قلت ما تشارك في مساهماته بعد شويه حتكون
متفرج ومتصفح فقط لانه في الفتره الاخيره لاحظنا كثرة الاسماء
المستعاره عشان كده انا بقترح انو الناس تتعامل عااااادي جدا.

أبو يارا

موضوع: رد: نداء الثلاثاء 28 أبريل 2009, 5:54 am

اخي العزيز ود الامام

التحيه لك واتفق معك تماما
في هذا الموضوع
لابد من الحل
ولينا عوده
معز السماني

موضوع: رد: نداء الثلاثاء 28 أبريل 2009, 7:23 am

الأخوة المتداخلون جميعاً وعلى رأسهم ود الإمام
السلام عليكم ورحمة الله وبركاته,,,
تحية كبيرة للأخ ود الإمام والإخوة الذين أيدوه وآزروه على هذا الرأي الشجاع.
يساورني شك أخوتي أن الكثير من الإخوة يشاركون في هذا المنتدى بإسمين أو أكثر وهذا أعتبره في رأي الشخصي ضرب من ضروب التخفي والتستر الذان ينمان عن الجبن والخوف من إبداء الرأي الصريح ولو على الأقربين.
هذا المنتدى هو البيت السعيد الذي يسع الجميع ولا أظن أحدنا يدخل بيته وهو متخفي,ولا أظن أحدنا يقبل أن يأتيه ضيف ويطرق بابه وهو متخفي ويسمح له بالدخول.
إذاً المسألة أخوتي أصبحت على عاتق المشرفين على هذا المنتدى (الإدارة)أقصد حراس أبواب بيتنا السعيد.
فلهم الحق بحجب كل الأسماء المستعارة,وعدم السماح لأي مشترك جديد بالدخول.
وأنا عندي رأي خاص وممكن يكون صعب جداً إن لم يكن مستحيل.
نعمل بطاقة عضوية للجرافة وإقامة عضوية لغير الجرافة,والناس ما تفهمني غلط؟؟؟
الجرافة كل من هو على أرض الجريف شرق، قديم,جديد,مستأجر,عابر سبيل,.... وده طبعاً الناس أكيد كلها بتعرفو؟
أما غير الجرافة من هم خارج أرض الجريف.إن شاء الله أكون وصلت الفكرة؟
يعني بإختصار عايزين نبقى زي السعودية بطاقة هوية كل واحد يسجل بياناته كاملة حتى يمنح هذه البطاقة,وإقامة عضوية تمنح لأصدقائنا من هم ليسوا بأهل الجريف شرق.وكل واحد عندو إقامة يكون كفيلو صديقه الشخصي.
وغايتو دي فكرة ساااااااااااهي كده بس.

_________________
لا إله إلا الله محمد رسول الله
بها نحيا وعليها نموت
آمين

موضوع: رد: نداء الثلاثاء 28 أبريل 2009, 7:45 am

أخوي حسن والله بالغت في إقتراحك ... وصدقني لو ناس حقوق الإنسان شافوك ما عارف يعملوا فيك شنو ... وبعدين كدي خلينا نخلص من موضوع أوكامبو وبعدها ندور لينا على موضوع تاني

ومن ناحية أخرى ... يعني مي حا يقتنع أن أبو تراجي حايكون مكفولي ... ودي والله لا بتنبلع ولا بتنزل من الزور ... وتعال نجرب كدة في مجلس يحتوي على 20 واحد ووسطهم أبو تراجي وبمن فيهم أنت ... وصدقني إنت حاتطلع من منطقة الخناق وأنا حا أطلع من أبو جبيهة وأبو تراجي حا يطلع جرافي من هب النسيم لي مقابر ناصر الجوه والبره...

يا راجل ... خلي السفينة ماشية ... ونحن ما صدقنا إنو تسالية ربنا هدّ سرو وهده حيلوا ... عاوز تصحيهوا لينا تاني....

كدي يا حسن أخوي ... مخمخ الدماغ بكباية شاي تقيلة كده ... وشوف لينا إقتراح تاني..

يدوم الود

موضوع: رد: نداء الأربعاء 29 أبريل 2009, 10:16 am

بعد اقتراح الاقامة والهوية دى اخير نرحل بدرى بدرى قبال ما نطر نفتش كفيل وتجديد اقامة وخروج وعودة .....الخ

وكمان خوفى يجى ود الامام ناطى يقول ابوتراجى اسم مستعار !!!!
اما عجيبة والله وغريبة
كدى اعملو كلام عصام ده ونشوف الجرافى منو والمحتاج لتعريف وكفالة منو ؟؟
ياجماعة الخير المادايرنا نعرفوا مخير
بس نحن ممكن نقاطع الاسم المبهم والمستعار حتى يبين لنا صاحبه

_________________
[b[i:]]اه ما اقسى الجدار
عندما ينهض فى وجة الشروق
ربما ننفق كل العمر
كى نثقب ثغرا
ليمر النور للاجيال مرة
ربما لو لم يكن هذا الجدار
لما عرفنا قيمة الضوء الطليق
[u:]ابو تراجى[/u:] [/i:]

موضوع: رد: نداء الأربعاء 29 أبريل 2009, 1:39 pm

الاخوه المتداخلين وعلى راسهم حسن ود عباس جدى والله قصة التجريفة دى حلوة كتير وان طبعا جرافى متعصب ويابو تراجى ماتخاف انا عندى 100 اقامة طالعة وبحجز ليك واحده لكن بعدين ماتقولى مافى معلوم

_________________
كل طائر مرتحل عابر البحر قاصد الاهل حملتوا اشواقى الدفيقه

موضوع: رد: نداء الخميس 30 أبريل 2009, 5:28 am

مشكور الاخ الطيب علي الاقتراح
لكن انا اري انو ما دام في ضبط للمعامله والالفاظ والمشرفين شايفين واجبهم لااري في الاسم المستعار مشكله

موضوع: رد: نداء الخميس 30 أبريل 2009, 5:35 am

كتب w_j

مشكور الاخ الطيب علي الاقتراح
لكن انا اري انو ما دام في ضبط للمعامله والالفاظ والمشرفين شايفين واجبهم لااري في الاسم المستعار مشكله
اخي التحيه لك اولا
يمكن ان يكون كلامك حقيقي لكن
ما كل الذين يدخلون ياسماء مستعار
دايرين المصلحه العامه
ولو نظرته للكثير من المواضيع
التي حزفت سوف تجد الاسامي
المستعاره هي السبب
ولينا عوده
حتي نتتهي هذه الظاهره
معز السماني

موضوع: رد: نداء الإثنين 25 مايو 2009, 1:29 am

الاغلبية معك ياود الامام وكده موقفك سليم ولذالك انا معهم ومعك انشاء الله